Euskal enpresaren blog-a Zure enpresarentzat garrantzitsua den eguneroko informazioa

24 maiatza, 2019
Euskal enpresek 1.000 milioi euro eskuratu ahal izango dituzte Europak ekonomia zirkularrerako ematen dituen laguntzen bidez

SPRI Taldeak antolatutako jardunaldi batean hizpide hartu dira Europak ekonomia zirkularraren arloko I+G+B finantzatzeko eskaintzen dituen tresnak
Jardunaldiaren momentu bat.

 

SPRI Taldeak antolatutako jardunaldi batean hizpide hartu dira Europak ekonomia zirkularraren arloko I+G+B finantzatzeko eskaintzen dituen tresnak

CDTIko Lydia Gonzálezek adierazi du 2016 eta 2018 bitartean ekonomia zirkularreko 257 proiektu finantzatu direla 1.237 milioi eurorekin.

 

Euskal enpresek ia 1.000 milioi euro eskuratu ditzakete Europak ekonomia zirkularreko -garapen sostengarrian oinarritutako negozioak sustatzen dituen eredua- proiektuetarako ematen dituen laguntzen bidez.  SPRI Taldeak (Enpresen Garapenerako Euskal Agentziak) ostiral honetan Bilbon antolatutako jardunaldi batean azaldu da zein tresna eskaintzen dituen Europak ekonomia zirkularraren arloko I+G+B finantzatzeko.

 

Ihobeko (Eusko Jaurlaritzaren ingurumen arloko sozietatea) zuzendari nagusi Jesús Losadak azpimarratu du ekonomia zirkularra oso garrantzitsua dela Euskadin, 18.500 lanpostu sortzen dituelako –autonomia erkidegoko enplegu osoaren %2- “baina badago hobetzeko tartea oraindik, 45 milioi euroko produktuak zabortegietara botatzen ditugulako”. Azaldu du Eusko Jaurlaritzak talde tekniko bat sortu duela hainbat sozietate publikorekin, besteak beste SPRI Taldearekin, ekonomia zirkularreko estrategia bat diseinatzeko, zeinaren helburuetako bat baita birziklapena handitzea. “Asmoa da baliabideak modu eraginkorragoan erabiliko dituen ekonomia bat bultzatzea Euskadin”.

 

Ihobe sozietateko Ander Elorriagak nabarmendu du Europar Batasunak produktuen iraunkortasunaren aldeko apustua egin duela “eta horrek eragina du negozio-ereduetan”. “%40ko arrakasta portzentajea daukagu proiektuetan, baina %15 bakarrik iristen dira merkatura.  Ia denek akats  handiak dituzte merkatura igarotzeko prozesuan”.

Aurkezpena 

 

Estatuko berrikuntza agentziako (CDTI) María José Tomásek adierazi du aurten 900 milioi euroko laguntzak banatuko dituztela proiektuak finantzatzeko, Gobernu zentralaren eta Europako funtsen bidez.  
Aurkezpena 

 

CDTIko Lydia Gonzálezek baieztatu du posible dela ingurumena errespetatzea eta, aldi berean, garapen ekonomikoa lortzea. Europan ezarri diren neurriak aipatu ditu, adibidez Europako plastikoen estrategia, eta esan du ia 1.000 milioi euro banatuko direla ekonomia zirkularreko proiektuentzako 2018 eta 2020 bitartean.

 

Gonzálezek hizpide hartu du Horizontea 2020 programa, ekonomia zirkularreko laguntzak bere baitan hartzen dituen ikerketa eta berrikuntzako Europako estrategia. Gogoratu du programa horren aurrekontu osoaren (75.000 eurotik gora 2014 eta 2020 bitartean) %60 garapen sostengarriko proiektuetara bideratu behar dela.

 

“Lehen ez zeukan halako etiketarik, baina Horizontea 2020 programa lanean ari da ekonomia zirkularrarekin 2014tik” adierazi du Lydia Gonzálezek.  2016 eta 2018 bitartean ekonomia zirkularreko 257 proiektu finantzatu dira 1.237 euroko dirulaguntzarekin, gehiena zaborren arloko proiektuei zuzendurik, “baina oraindik ez da ezer askorik egiten diseinu eta kontsumo arloetan, eta arlo horiek funtsezkoak dira ekonomia zirkularra ezartzeko. Garrantzitsuena ez da hondakinak tratatzea, baizik eta hondakinik ez sortzea”.

Aurkezpena

 

Trantsizio Ekologikorako Ministerioko Elena Barrios EBko Life programaz mintzatu da, zeinak ia 3.500 milioi euroko partida bat baitu 2014-2020 urteetarako ingurumen arlorako eta klima aldaketaren aurka borrokatzeko. Aurtengo aurrekontua 407 milioi eurokoa da.

Aurkezpena

 

SPRI Taldeko Susana Larreak azaldu du nola konektatzen den ekonomia zirkularra RIS3 Euskadi estrategiarekin (EBk martxan jarritako estrategia eskualdeak espezializatu daitezen indartsuen diren arlo ekonomikoetan).  Adierazi du Eusko Jaurlaritzak, Ekonomi Garapen eta Azpiegitura Sailaren bitartez, “ekonomia zirkularreko kontzeptuak sartu dituela fabrikazio aurreraturako Basque Industry 4.0 eta Energibasque estrategietan, horrela euskal enpresen lehiakortasuna hobetzeko sostengarritasuna ahaztu gabe”.

Aurkezpena

 

 

Aurkezpen gehiago jardunaldian.

Iñigo Ortiz de Urbina (Idom)

Arturo Antón (SPRI Taldea)

 

Energia 22 urtarrila, 2021
2020an SPRI Taldeak atzerriko 31 inbertsio erakartzen lagundu zuen

  Iaz SPRI Taldeko Invest in the Basque Country atalak atzerriko 31 inbertsio-proiektu itxi...Leer más

Energia 13 urtarrila, 2021
San Juan Grupo: “Mugikortasun elektrikoaren aldeko apustua borondate eta kontzientzia kontua da”

  San Juan Grupo konpainiak Agurainen (Araba) du egoitza, eta lotura estua eta konpromiso...Leer más

Michel Armand, Investigador de CIC EnergiGUNE
Energia 17 abendua, 2020
“COVID-19aren krisiak erakutsi du Europak independentzia teknologikoari eutsi behar diola”

Nazioarteko aldizkarietako 416 argitalpenen egilea edo egile-kidea da, 295 hitzaldi eman ditu,...Leer más

Energia 2 abendua, 2020
IKERLAN nazioarteko proiektu bat gidatzen ari da Adimen Artifiziala aplikatzeko makinen “autodiagnostikoan”

  FRACTAL nazioarteko proiektu bat da, BRTAko (Basque Research & Technology Alliance)...Leer más

Energia 30 Azaroa, 2020
Gureak Industrial General Electric-en aerosorgailu berriak kableatuko ditu

Gureak Taldearen industria-adarrak, Gureak Industrialek, bere energiaren sektoreko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?