Euskal enpresaren blog-a Zure enpresarentzat garrantzitsua den eguneroko informazioa

30 abendua, 2020
ntClick, nazioartekotzearen bila dabilen software-ingeniaritza enpresa

Bizkaiko enpresak QIA saria jaso berri du mikroenpresa & startups kategorian, bere RFID Tool Control proiektuagatik

ntClick Soluciones Tecnológicas 2005ean Berrizen sortutako enpresa da, eta maiatzean bulego berriak inauguratu zituen Iurretan. Zazpi langile ditu, eta bezero bakoitzari zerbitzu pertsonalizatua ematen dio. “Ez ditugu bi proiektu berdin, ez baititugu behar berdinak edo teknologia berdinak dituzten bi bezero “, adierazi dute enpresatik. Gaur egun, automobilgintzako eta aeronautikako bost enpresaren informatika kudeatzen du, eta bere fakturazioaren % 75 softwarearen garapenean oinarritzen da.

QIA sarien azken edizioan, Durangaldeako enpresak Mikroenpresak & startups kategorian irabazi du RFID Tool Control proiektuagatik. Proiektu honek, RFID teknologia erabiliz, hainbat alderdi kontrolatzeko aukera ematen du: konpainiaren aktibo bakoitza identifikatzen du, kokapena eta mugimenduak kontrolatzen ditu, datuak biltegiratzen ditu, kalitate-kontrola egite du…

Erreminta hau Cessna (Textron Corporation) multinazional estatubatuarrak erabili du bere Valentziako aireportuko Service Centerren. Orain, soluzioa Europako beste base batzuetan ezartzeko lanean ari dira. Izan ere, ntClick-eko arduradunek dagoeneko bisitatu zuten Dusseldorfeko (Alemania) aireportua iaz. “Enpresari beste maila bat eman nahi diogu, eta nazioartekotzea hori lortzeko bide bat da”, adierazi dute.

RFID esparruan jarraituz, ntClickek RFID Tool Control (Nemo) proiektuan lan egiten du. “Anbizio handiko proiektua da, eta, beste funtzionalitate batzuen artean, aktibo bat ingurune kaotiko batean lokalizatzea ahalbidetuko du (elementu bakoitzarentzat kokapen finkoak edo aurrez zehaztutakoak ezarri ezin diren inguruneetan), denbora errealean 2 metro inguruko zehaztasunarekin”. Dagoeneko bi euskal enpresak bat egin dute proiektuarekin, eta Ekonomia Gaietarako Eraldaketa Digitalaren Ministerioaren finantzaketaren zain daude.

Etorkizunari begira, ntClickek berrikuntza ezaugarri duen software-enpresa izaten jarraitzea du helburu. Aurten, tokiko bezero asko erakarri ditu, eta nazioarteko merkatua berraktibatzeko zain daude. Tokiko talentuaren alde egitea ere badu helburu, Durangaldeako langileek osatzen baitute gehienbat enpresaren lan taldea.

Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, sektore eta herrialde desberdinen ezagutza partekatuz.

CorowayHome
Ekintzailetza 20 urtarrila, 2021
Corowai enpresa arabarra Green Product Award 2021 sarietako finalista da DIY etxolari esker

Corowai enpresa arabarra, zuhaitzetan jartzeko “Do it yourself” etxolak diseinatzen eta...Leer más

Juan Ignacio Llorente Orbea
Ekintzailetza 18 urtarrila, 2021
GOMUTAK: Patologia mentalak dituzten eta gizarte-bazterkeria arriskuan dauden pertsonen bizi-kalitatea hobetzea

Ekimen honen helburu nagusia da bere eguneroko bizitzan patología mentala eramateko zailtasunak...Leer más

colaborar ariwake
Ekintzailetza 15 urtarrila, 2021
‘COLABORAR’, Ekintzailetza Kolaboratiboaren lehen bilera, Ariwake kooperatibak antolatua

Ariwake kooperatibak COLABORAR antolatu du, ekintzailetza kolektiboaren lehenengo bilera birtuala,...Leer más

Wake Up! Up Euskadi
Wake up! Albiste ekintzaile batzuk sarean. Asteko laburpena: Urtarrilaren 11tik, 15rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Orain eta geroa urtazrtuz
Ekintzailetza 13 urtarrila, 2021
Oraina eta Geroa Uztartuz, enpresen eraldaketa bultzatuz koronabirusaren ostean

El impacto generado por la actual crisis poscoronavirus está llevando a las empresas a replegarse...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?