I+G+B Nazioartekotzea
Elkarrizketak 20 ekaina, 2019

Mende erdi esportatzen

Izar enpresak, ebaketa-tresnen euskal fabrikatzaileak, bere atzerriko lehen operazioaren 50. urteurrena ospatzen du; 90 herrialdetan saltzen du gaur egun eta 215 lagun enplegatzen ditu
-

Izar enpresak, ebaketa-tresnen euskal fabrikatzaileak, bere atzerriko lehen operazioaren 50. urteurrena ospatzen du; 90 herrialdetan saltzen du gaur egun eta 215 lagun enplegatzen ditu

 

Izar Cuttings Tools ebaketa-tresnak (barautsak, fresak eta ardatzak) fabrikatzen dituen euskal enpresa bat da, mende erdiko nazioarteko esperientzia duena, eta bere asmoa da Europako lehen bi marketako bat izatea bere sektorean. 109 urteko ibilbidearen ondoren, etorkizunean “hazten jarraitu nahi du goi-mailako kalitateko produktua eta zerbitzua eskainiz” adierazi du Carlos Pujanak, enpresako kudeatzaileak. Lan-sozietate anonimo honek 215 lagun enplegatzen ditu eta ia 30 milioi euroko fakturazioa izan zuen iaz.

 

Lantegi bat Boroan duen erreferente industrial honen besoak mundu osoko 90 herrialdetara iristen dira, ez bakarrik Europar Batasun ia osora, baizik eta baita ere Estatu Batuetara, Latinoamerikara eta industria sektorean garrantzia duten gainerako herrialde guztietara.

 

Ez zineten kanpora irten krisiak behartuta; zuen expertisse-a lehenagotik zetorren…

Hala da, 50 urte igaro dira atzerriko lehen operazioa egin genuenetik. Esperientzia garrantzitsua da, zalantzarik gabe, baina kontuan izan behar duzu Izar enpresak 109 urteko historia duela eta hainbat produktu eta zerbitzuk izandako bilakaera arrakastatsuak ekarri gaituela honaino. Horri esker, oraindik mantentzen dugu gure lehen bezeroa, Beltracy enpresa belgikarra, zeina 1969an Zornotzaraino etorri baitzen entzuna zuelako hemen ebaketa-tresna onak egiten genituela. Eta hemen jarraitzen du oraindik.

 

Zer esan dezakezu hain ezohikoa den leialtasun harreman luze honetaz?

Oso garrantzitsua dela eta asko esaten duela gure enpresaz. Konpainiek tresnak eta produktuak saltzen dituzte diru truke, baina giza harremanen marko bat ere badira. Eta alderdi hori oso garrantzitsua da guretzat.

 

Zein izan da nazioarteko mende erdiko esperientzia horren alderdirik garrantzitsuena?

Niretzat pertsonak dira garrantzitsuena, eta baita ere, duela 21 urte, une oso delikatu batean inplementatu zen enpresa sozialaren eredua. Langileek erronka bat eta erantzukizun bat hartu zuten beren gain, pauso bat eman zuten errazena kritikatzea zen une hartan. Buru-belarri hasi ziren lanean, enpresaren alde apustu eginez eta bere gidaritza hartuz. Arrisku handia hartu zuten eta ongi atera zitzaien jokaldia. Gero, 1997an, gaur egungo kudeaketa-taldea iritsi zen enpresara. Orduan ikusi genuen giza taldeak sekulako borondatea eta gogoa zuela gauzak ondo egiteko eta denon artean sendotu genuen enpresa. Ahalegina beti da errazagoa jendearen laguntza baduzu.

 

Zein da Izar enpresaren jarduera nagusia?

Metala, zura, hormigoia eta abar zulatzeko barautsak fabrikatzen ditugu, eta baita ere fresak eta ardatzak. Oso gama zabala eskaintzen dugu metalaren eta eraikuntzaren sektoreekin zerikusia duten arlo guztietan.

 

Eta zuen plan estrategikoan diozuenaren arabera, zilarrezko domina lortu nahi duzue zuen merkatu-nitxoan Europan. Nola lortuko duzue?

Uste dugu posible dela. Plan estrategiko indartsu bat garatu dugu pertsona askoren parte-hartzearekin –35 langile, bezeroak eta hornitzaileak-.  Badakigu une honetan Europako lehen hamarren artean gaudela eta 2022rako bigarren postuan egon nahi dugu.

 

Zer egingo duzue hori lortzeko?

Gauza asko egin behar dira eta ondo egin behar dira. Etengabe aldatu behar dugu, gure lay out-a hobetu, azkarrago izan enpresa barruan, eta beti izan behar dugu bezeroa gogoan, bere asebetetzearen menpe gaudelako.

 

Zein da zuen bezeroen profila?

Gure tresnen amaierako erabiltzaileak sektore desberdinetako pertsonak dira: automozioa, aeroespaziala, eolikoa, mekanizatuko tailer txikiak… Baina banatzaileei ere saltzen diegu zuzenean, hau da, Izar enpresaren produktuak amaierako erabiltzaileei helarazten dizkieten agenteei. Normalean horrelako bezeroak oso exijenteak izaten dira, erabiltzen dituzten tresnek zerikusi handia dutelako beren lanaren kalitatean eta bezerotzat dituzten enpresen errendimenduan.

 

Izarrentzat zergatik da “hil ala bizikoa” Ekialde urruneko merkatua?

Hil ala bizikoa da guretzat. Presentzia dugu 90etik gora herrialdetan, baina ezin gara hor gelditu. Anbiziotsuak izan behar dugu eta horretarako eredutzat dauzkagu hain urrun iritsi ziren euskal marinel ezagunak… Filosofia horrexekin, guk ere badakigu gero eta urrunago iritsi behar dugula. Ezin dugu zabalkunde hori gelditu, Euskadin lehiakor izan nahi badugu.

Lotutako albisteak

Iraundi,  mugigarritasunerako  errodamendu  bereziak  nahieran  fabrikatzen  dituen  familiako  enpresa
09/10/2025 I+G+B

Iraundi, mugigarritasunerako errodamendu bereziak nahieran fabrikatzen dituen familiako enpresa

Bergarako enpresak SPRI Taldearen adimen artifizialeko programaren dirulaguntza jaso du, eta ekoitzitakoaren % 95 esportatzen du 

Circular  TwAIn:  “AAren  teknologiek  fabrikazio  zirkularreko  kateetan  duten  iraunkortasun-potentziala  askatzea  da  helburua”
08/10/2025 I+G+B

Circular TwAIn: “AAren teknologiek fabrikazio zirkularreko kateetan duten iraunkortasun-potentziala askatzea da helburua”

Tecnaliak proiektu europar hau bultzatu duen partzuergoan parte hartu du. Luis Usatorre proiektu-zuzendariak adierazi duenez, horrela "manufaktura- eta prozesu-industriaren balio-kate zirkularretako oztopoak murriztuko dira, adimen artifizialeko teknologiak erabiltzea eta guztiz aprobetxatzea erraztuz".

Ikermanek  bere  25.  urteurrena  ospatu  du  enpresaren  hedapenean  oinarrituta
02/10/2025 Nazioartekotzea

Ikermanek bere 25. urteurrena ospatu du enpresaren hedapenean oinarrituta

Arabako enpresak makineria berezia fabrikatu eta diseinatzen du, eta nazioartekotzea indartzea eta merkatu estrategikoetan bezeroen kopurua handitzea du helburu.

Euskal  Herriko  Itsas  Foroko  enpresak  Txina  eta  Norbegiarekin  harremanetan  jarri  dira  merkatu  estrategikoen  bila
01/10/2025 Nazioartekotzea

Euskal Herriko Itsas Foroko enpresak Txina eta Norbegiarekin harremanetan jarri dira merkatu estrategikoen bila

Bi herrialde horietara egindako misioen ondoren, klusterrak Hego Koreara aurreikusi du aurten.

Delteco,  robotikarekin  makina-erreminta  eraldatzen  duen  enpresa
29/09/2025 I+G+B

Delteco, robotikarekin makina-erreminta eraldatzen duen enpresa

Zumaiako enpresak 54 urte ditu eta robotekin beren kabuz lan egiten duten makinak eskaintzen ditu.

Ekomodok  hondakinak  diseinu  jasangarri  bihurtzen  ditu
15/09/2025 Nazioartekotzea

Ekomodok hondakinak diseinu jasangarri bihurtzen ditu

Motxiletatik hiri-altzarietara, Donostian egoitza duen enpresak ekoizpen-eredu zirkular eta arduratsu baten aldeko apustua egin du.

Wavegarden,  olatu  perfektuak  mundura  esportatzen  dituen  enpresa  donostiarra
10/09/2025 I+G+B

Wavegarden, olatu perfektuak mundura esportatzen dituen enpresa donostiarra

Teknologia propioarekin eta surf parkeetarako soluzio integralekin, orduko 1.000 olatu sortzeko gai den sistema patentatu bat garatu du eta dagoeneko 11 instalaziotan funtzionatzen du.

Lanzo  Batteriesek  bateriak  emango  dizkio  MIURA  5  jaurtitzaile  espazial  espainiarrari
08/09/2025 I+G+B

Lanzo Batteriesek bateriak emango dizkio MIURA 5 jaurtitzaile espazial espainiarrari

Euskal enpresa proiektuaren buru den PLD Space-rekin elkarlanean ari da.

Leartikerrek  elikagaien  hartzidurari  buruzko  ikerketa-proiektu  bat  bultzatzen  du
29/07/2025 I+G+B

Leartikerrek elikagaien hartzidurari buruzko ikerketa-proiektu bat bultzatzen du

Hartzidura-prozesuei buruzko ezagutza zientifiko-teknikoa sortzea da helburua, eta nekazaritzako elikagaien sektorera transferitzea, produktu osasungarriak, iraunkorrak eta balio erantsia dutenak sor daitezen bultzatzeko.

Recgas,  liderra  gas-instalazioetarako  ekipamenduaren  fabrikazioan
23/07/2025 Nazioartekotzea

Recgas, liderra gas-instalazioetarako ekipamenduaren fabrikazioan

Bizkaiko enpresak merkatu-kuotaren %50 baino gehiago du Espainian eta Portugalen, eta Europako, Amerikako eta Asiako herrialdeetara esportatzen ditu bere produktuak.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.