Vesetra enpresaren kargak garraiatzeko amarratze- eta jasotze-sistemak, 30 herrialdetan presente
Vesetrak, duela mende laurden baino gehiagotik, kargak lotzeko eta jasotzeko sistemak fabrikatzen ditu, eta nazioartean oso zabalduta dago 30 bat herrialdetan. “Gure produktuak Europa osoan, Erdialdeko Amerikan eta Afrikan daude”, nabarmendu du Maria Cortijok, Vesetrako gerenteak.
Gipuzkoako enpresak eskaintzen dituen produktuen artean, nabarmentzekoak dira ibilgailu-eramaileen amarratzeak, altxatzeko eslingak eta lotzeko sistemak, ehungintzakoak zein kateakoak.
Bere produktu-sorta “zamak maneiatu eta garraiatzeko gure bezeroen behar espezifikoetara egokitzen diren soluzio integral eta pertsonalizatuak eskaintzeko” diseinatuta dago, adierazi du konpainiako ordezkariak.
Hobekuntza eta eraginkortasuna
Zortzi langile ditu, eta urtean milioi bat euro fakturatzen ditu. Hala, konpainia gipuzkoarrak beti bilatzen du “ekoizten ditugun produktuen hobekuntza eta eraginkortasuna”, dio Cortijok. Euskal enpresak 250 bezero baino gehiago ditu industria, garraio eta era guztietako merkantzien zamaketa sektoreetan.
Gainera, “sektorean erreferentzia izatea” bilatzen du gerenteak, eta “bezero-sarea zabaltzea, bai estatuan, bai nazioartean”.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu. Gainera, laguntza- eta zerbitzu-programetara sar zaitezke.
