Afrikako herrialdearen ordezkariak euskal enpresa batzuk bisitatuko ditu aste honetan
Hegoafrikak Madrilen duen enbaxadorea, L. S. Ngoyama, euskal enpresa batzuk bisitatzen ari da aste honetan, eta ostegunean Euskadiko Nazioartekotze Agentzia -Basque Trade & Investment (SPRI Taldearen barruan dago) bisitatu du. Gainera, agentziako kontseilari delegatuak, Ainhoa Ondarzabal-ek bilera izan du berarekin, erakunde publikoak Bilbon duen egoitzan.
Carlos Lerchundi Euskadin akreditatutako Hegoafrikaaren kontsulak eta Alicia Segura Hegoafrikaren Madrilgo enbaxadako marketin-aholkulariak ere parte hartu dute bilera horretan.
Ostegunean, Gamesaren egoitza ere bisitatu du Bizkaiko Parke Teknologikoan, eta arratsaldean Tecnalia zentro teknologikora joango da. Ostiralean, Mondragon Taldearekin du hitzordua.
Euskadiko Nazioartekotze Agentzia aurten sortu da Eusko Jaurlaritzak arlo horretan dituen gaitasunak eta aktiboak bateratzeko eta sendotzeko, eta, hala, bere ekintzaren eraginkortasuna, kalitatea eta irismena indartzeko. Hala, desagertu egin da nazioartekotze-programen eta -zerbitzuen arteko banaketa, eta eskaintza egokituagoa dago orain enpresen behar zehatzetara.
Agentziaren kanpo-sarea 70 herrialdetan baino gehiagotan hedatuta dago, eta mundu osoan 15 bulego propio eta 60 aholkularitik gora ditu.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?