Euskadiko ETEntzako Eusko Jaurlaritzaren 2024 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Euskadiko ETEntzako Eusko Jaurlaritzaren 2024 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Kupsa Coatings enpresa Oionen (Araba) kokatuta dago, eta 50 urte baino gehiago daramatza akabera industrialen esparruan lan egiten, bernizak eta pinturak fabrikatzen hain zuzen ere. Hiru negozio-eremu nagusi ditu: altzarien eta arotzeriaren fabrikazioa, pieza metalikoen bernizazioa eta industria-sektorea, metalena, plastikoan, beiran, hormigoian eta abarrean bernizak aplikatuz. Gaur egun, enpresak 171 langile ditu.
Oionen duen egoitzaz gain, penintsulan banatutako ordezkaritzak ditu (Pontevedra, Kordoba, Valentzia eta Murtzia), baina are gehiago nabarmentzen da nazioartean duen presentzia. Gaur egun, konpainiak filialak ditu Polonian, Mexikon eta Indian. “Enpresa modu ordenatuan hasi zen nazioartean merkatuak bilatzen laurogeita hamarreko hamarkadaren hasieran. Konpainiak une bakoitzean dituen gaitasunekin bat datorren prozesu mailakatua izan da, eta gaur egungo egoera eragin du prozesu horrek. Iaz fakturazio osoaren ia herena kanpoan egin zen, batez ere zurezko akaberen ondorioz”, Manuel Susín Kupsako zuzendari gerenteak nabarmendu duenez. Gainera, Kupsak banatzaileak eta salmenta-bulegoak ditu mundu osoan zehar, adibidez, Kanadan, Txilen, Italian, Frantzian, Qatarren edo Indonesian.
Kupsaren nazioko eta nazioarteko arrakastaren gakoetako bat I+G+Bn egindako lana da, 33 profesionalez osatutako sail propioarekin. Prestazio handiko produktuak diseinatu eta garatzen ditu teknologia propioaren bidez, betiere bezeroaren behar espezifikoak kontuan hartuta. Bide horretatik jarraituz, Kupsak SPRI Taldearen laguntza jaso du Hazitek programaren bidez, Suphigmat proiektuan parte hartzeko. ‘Ikerketa aplikatua, gainazalen teknologien bidez higiene-maila handiko produktuak garatzeko’, izenpean. Gainera, Arabako konpainiak SPRIren beste programa batzuetan parte hartu du, hala nola telelana ezartzeko Industria Digitala edo Indartu programa inbertsio produktiboa sustatzeko, instalazioetan hobekuntzak eginez.
Etorkizunera begira, enpresak hazten jarraitzeko helburu handia du, “filialen edo banaketa-akordioen bidez beste merkatu batzuetara hedatuz eta bezero berriak erakartzeko ahaleginari utzi gabe”, Manuel Susínen esanetan. Hazkunde horrekin, hornitzaile nagusiekin duen harremana eta lankidetza indartu nahi du konpainiak.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
24 apirila, 2024
Basque Trade & Investment
24 apirila, 2024
Basque Trade & Investment
24 apirila, 2024
Basque Trade & Investment
23 apirila, 2024
Basque Trade & Investment
21 Marzo, 2024
Basque Trade & Investment
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?
