Euskal enpresaren blog-a Zure enpresarentzat garrantzitsua den eguneroko informazioa
31 urria, 2019

Javier Zarraonandia Industria Sailburuordeak euskal enpresa eta industria sarearen gaitasunak aurkeztu ditu Milanen

Zarraonandia, Milanen.

Javier Zarraonandia Industria Sailburuordeak euskal enpresa eta industria sarearen gaitasunak aurkeztu ditu Oil&Gas sektoreko Maire Tecnimont industria-talde italiarrak Milanen dituen instalazioetan, Spri Taldeak Nazioartekotzeko Euskal Agentziaren bitartez antolatutako bisitaren barruan. Bileran, Energia Klusterrak eta Fluidexek ezagutzera eman dituzte euskal enpresek sektore honetan dituzten gaitasunak.

 

Sektorearen interesak eta euskal enpresek balia ditzaketen negozio-aukerak bertatik bertara ezagutzea da, 45 herrialdetan ia 9.300 langile dituen multinazional italiarrerako bisitaren helburua. Bileran izan dira Paolo Mondo, multinazionaleko presidenteordea; Renato Di Loreto, erosketa-arduraduna, eta erosketa saileko sei zuzendari sektorialak.

 

Zarraonandiak berariaz nabarmendu du gure herriko enpresa sare garrantzitsua, balio erantsi handiko produktuak eta zerbitzuak hornitzeko gaitasuna duena, eta nazioarteko merkatuetan eta aliatuetan duen lekua zabaltzeko asmotan dabilena.

 

Maire Tecnimont konpoainiak 3.647 milioiko fakturazioa egin zuen 2018an eta 6.600 milioi euro inguruko eskari-zorroa du. Ildo horretan, bilerak sekulako aukera ekarri die euskal enpresei, proiektu globaletan parte hartuz negozio-aukera berriak egiteko aukera ireki dielarik.

 

Multinazionalak 3.000 milioi euro inguruko balioa duten proiektuen esleipena lortu zuen iaz eta industria petrokimikoa, ongarriak, findegiak, elektrizitatea eta energia berriztagarriak dira bere jarduerako negozio-unitate nagusiak. Haren esku daude dentsitate baxuko polietileno-lantegien instalazioaren nazioarteko merkatuaren erdia eta ongarrien sektoreko urea-lantegietarako teknologia-emakiden % 54, hidrogenoaren arloko eta sulfuroa berreskuratzeko 250 proiektu baino gehiago bideratu ditu, eta egun ia milioi erdi familiaren behar energetikoak estaliko dituen Mexikoko parke eolikorik handienaren eraikuntzan murgilduta dago.

Mikel Yang: “Txinan ezarritako euskal empresa ia guztiek haien jarduerari ekin diote berriro”

Esparru publikoan zein pribatuan erakundeak kudeatzen dituzten pertsona askoren begiradak Txinara...Leer más

Gureak abre su primera planta en el extranjero en México
Gureak atzerrian lehen lantegia ireki du Mexikon, eta bigarrena Danimarkan proiektatu du

Gureak, ezintasunak dituzten pertsonei lana lortzeko aukerak ematen dizkien euskal enpresa-taldea,...Leer más

Nazioartekotzeko Euskal Agentziak industria eolikoaren nazioarteko foroan parte hartu du Moskun

Urtero egiten den ekitaldi horretan energia eolikoaren sektoreko 150etik gora enpresa elkartzen...Leer más

Nazioartekotzeko Euskal Agentzia Marokorako misio komertzial batean parte hartzen ari da

Harremanetan egongo da automozio eta elektronika sektoreekin SPRI Taldean integratutako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?