Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 28 iraila, 2020 Invest in Basque Country Nazioartekotzea Alemania BasqueTrade & Investment Erresuma Batua Errusia Europa Invest in Basque Country Irlanda Italia Polonia eta Ukrainia Txekiar Errepublika eta Eslovakia

Eusko Jaurlaritzak zibersegurtasuneko euskal ekosistema aurkeztu du Txekian

Une honetan, berrogeita hamarretik gora euskal enpresa daude Txekian eta gehienak automozio sektoreko produkzio-lantegiak dira
Basque Trade Chequia Praga

Eusko Jaurlaritzak “zibersegurtasuneko euskal ekosistema” aurkeztu du Txekian, SPRI Taldeak Euskadiren eta Txekiaren arteko harreman estuak direla-eta antolatutako jardunaldi batean.

Azken urteotan asko garatu eta sendotu dira bi herrialdeen arteko harreman instituzional eta enpresarialak, ikusi da interes ugari partekatzen dituztela eta elkarren osagarri izan daitezkeela hainbat alderditan, eta hartara, ahalegin berezia egin da loturak estutzeko askotariko ekitaldien bitartez (azokak, misioak, topaketa profesionalak, bilera fisikoak zein onlinekoak…). 2019aren amaieran, euskal erakundeen ordezkaritza bat bisitan joan zen Txekiara eta bisitaldi hartan Memorandum bat sinatu zen, Euskadiko eta Txekiako enpresentzako negozio- eta inbertsio-aukerak identifikatzeko eta lankidetza-ekintzak nahiz esperientzia-trukeak sustatzeko.

Akordio hori arrakastatsuki betetzen ari da, eta lankidetza aktiboko testuinguru honetan, Foro bat egin da Euskadin harreman bikain horiek sendotzeko. Ekitaldi horretako egitarauan Eusko Jaurlaritzako eta SPRI Taldeko ordezkariek parte hartu dute, Nazioartekotzeko Euskal Agentziaren (Basque Trade & Investment) eta Zibersegurtasuneko Euskal Zentroaren (Basque Cybersecurity Centre) bitartez, zeintzuek harrera egin baitiote Digitalizazio eta Berrikuntzako ministrorde Petr Očko-ren buruzagitzapean etorri den Txekiako ordezkaritzari.


Euskadiren eta Txekiaren arteko harreman komertzialak

Bi herrialdeen arteko harremanak tradizio luzea du, batez ere kontuan izanik euren industria-sareak oso antzekoak direla. Txekiako eta Euskadiko enpresak gehienbat nabarmentzen dira makina-erreminta, ekipo-ondasun eta gailu eta teknologia anitzen garapenean, elektroteknika, automatizazioa eta IKTak bezalako sektoreetan. Une honetan, berrogeita hamarretik gora euskal enpresa daude Txekian eta gehienak automozio sektoreko produkzio-lantegiak dira.

Euskadi presente dago Pragan 2002tik:  Eusko Jaurlaritzak Pragan duen bulegotik, Basque Trade-ren Txekiar Errepublikako lantaldeak babes integrala eskaintzen dio euskal enpresari hango merkatuan sartu eta kokatzeko, eta laguntza eta aholkularitza ematen die Europako aliatu onena Euskadi dela uste duten Txekiako eta Eslovakiako balizko inbertsioei.

Lotutako albisteak

28 Azaroa, 2023 Invest in Basque Country
Pesint: industria-instalazioetako emisioak murrizteko konpromisoa
Irakurri gehiago
17 uztaila, 2023 Azpiegiturak
LemuGroupek etorkizuneko paperaren converting sektorerako makinak egiten ditu Tolosaldean
Irakurri gehiago
24 maiatza, 2023 Invest in Basque Country
SPRI Taldeak topaketa bat antolatu du Euskadin kokatutako atzerriko enpresekin
Irakurri gehiago
10 urtarrila, 2023 Invest in Basque Country
Euskadin kokatutako atzerriko enpresek uste dute fakturazioa handituko dutela 2023an
Irakurri gehiago
30 Azaroa, 2022 Invest in Basque Country
SPRIk laguntza ematen du euskal enpresentzat estrategikoak diren hornitzaileak erakartzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak