Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 26 iraila, 2019 Berrikuntza Digitalizazioa Nazioartekotzea Alemania BasqueTrade & Investment Erresuma Batua Errusia Europa Fast Track Innobideak programa Industria adimenduna Irlanda Italia Polonia eta Ukrainia Ris3 Euskadi Smart Industry Programa Txekiar Errepublika eta Eslovakia

Eusko Jaurlaritzak fabrikazio industrialaren etorkizunerako behar diren gaitasunei buruzko txostenaren aurkezpenean parte hartuko du Italian, SPRI Taldearen bitartez

Cristina Oyón SPRIko Ekimen Estrategikoen arduradunak aditu bezala parte hartu du txostenaren idazketan.
Cristina Oyon eta Ainara Isasi

Eusko Jaurlaritzak, World Manufactuting Forum (WMF) fundazioaren bazkidea den aldetik, fabrikazio industrialaren etorkizunerako behar diren gaitasunei buruzko “Skills for the future of Manufacturing” deritzon txostenaren aurkezpenean parte hartuko du gaur Cernobbion (Italia), SPRI Taldearen bitartez, aipatutako fundazioaren urteko batzarraren barruan. Cristina Oyón SPRIko Ekimen Estrategikoen arduradunak aditu bezala parte hartu du txostenaren idazketan.

Txostenak industriaren etorkizunerako giltzarrizkoak diren hamar gaitasunak zehaztu ditu, baita langileek, enpresariek eta politikariek kontuan hartu beharreko hamar gomendioak ere, laugarren iraultza industrialaren mesedeko gaitasunetan trebatutako langile kualifikatuak sortu ahal izateko. Horiekin batera, fabrikazioaren arloan garatuz doazen sei eginkizunak nabarmendu ditu; hala nola, mentore digitalak eta etika digitalaren kudeatzaileak, robotika kolaboratiboaren arloko adituak edota datu industrialen analitikan trebatutako zientzialariak.

Horren harira, Cristina Oyónek nabarmendu du behar-beharrezkoa dela fabrikazioa lan egiteko ingurune erakargarria bihurtzea, eta familiengan eta hazitzaileengan pertzepzio positiboa bultzatzea, izan ere, egun, familiek eta hezitzaileek ez dute lotzen fabrikazio-ingurunea ikuspuntu intelektualetik estimulagarria izan daitekeen ezein lan berritzaile eta sortzailerekin. Pertzepzio horri esker, eskualde industrialak, gurea tarteko, talentua mantendu eta erakartzeko lurralde erakargarriak bihurtuko dira.

Txostenak jardunbide egokien eredutzat jo diren 11 ekimen ere bildu ditu; horien artean, Gestamp eta Innovalia euskal enpresek automobilgintzako langileak akatsik gabeko inguruneetako langile bihurtzeko abiarazi duten nazioarteko master programa.

WMFren urteko batzarrean, SPRI Taldeari Atxikitako Nazioartekotzeko Euskal Agentziaren Milangoko bulegoko zuzendari Ainara Isasi eta SPRIko Cristina Oyón Italiako erreferentziazko industria elkartetzat jotzen den Cofindustria Lombardiako presidente Alberto Ribolla WMFko presidentearekin bilduko dira, Euskadik Milango bulegoaren bitartez fundazioaren 2020-2025eko plan estrategikoaren barruan izan dezakeen esku-hartzea planifikatu eta adosteko.

Lotutako albisteak

21 maiatza, 2024 Berrikuntza
Idderman: eski-zintentzako galeriak egitetik bizikleta eta patineteentzako aparkalekuak fabrikatzerako jauzia
Irakurri gehiago
16 maiatza, 2024 BDIH
BDIH Konexioa programak euskal industriaren berrikuntza digitala eta jasangarritasuna sustatzen ditu eta BDIHk eskaintzen duen adituen laguntzarako, aktiboetarako eta zerbitzuetarako sarbidea errazten du
Irakurri gehiago
15 maiatza, 2024 Berrikuntza
Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa
Irakurri gehiago
15 maiatza, 2024 Berrikuntza
Lan-Flaten doitasun handiko granitozko neurketa-ekipamenduak garatzen dira
Irakurri gehiago
14 maiatza, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak