Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 20 ekaina, 2018 Nazioartekotzea Alemania BasqueTrade & Investment Erresuma Batua Errusia Europa Irlanda Italia Polonia eta Ukrainia Txekiar Errepublika eta Eslovakia

Eusko Jaurlaritza Italian finkatuta dauden euskal enpresekin batu da

Tapiak zuzenean entzun ditu zein diren Italiako merkatuak euskal enpresentzat dituen zailtasun eta erronkak
Milanen ospatutako bilera.

Tapiak zuzenean entzun ditu zein diren Italiako merkatuak euskal enpresentzat dituen zailtasun eta erronkak

Profil profesional egokiak topatzeko zailtasuna da enpresa gehienen zailtasun nagusia, Euskadin bezela

 

Egunotan, Euskadiko merkataritza-bulego berria ireki dela aprobetxatuta, Milan bisitatzen ari den Eusko Jaurlaritzaren ordezkaritzak, gaur goizean, topaketa izan du Italian finkatuta dauden euskal enpresekin.

 

Arantxa Tapia Ekonomiaren Garapeneko eta Azpiegituretako sailburuak, Javier Zarraonandia Industriako sailburuordearekin, Ainhoa Ondarzabal Nazioartekotzeko Euskal Agentziako zuzendariarekin eta Ainara Isasa Milango Eusko Jaurlaritzaren bulego berriaren zuzendariarekin batera, zuzenean ezagutu ditu Italian finkatuta dauden euskal enpresak bizitzen ari diren esperientziak. Topaketan, honako enpresa hauen ordezkariek parte hartu dute, besteak beste: Danobat, Tecnalia, Lantek Sheet Metal, Ulma Architectural, Iberdrola, Siemens Gamesa, Caf, Fagor Automotion, Orkli SCoop, Vidrala, Tubacex edo Cie Automotive. Bileran, gainera, Marco Fedato Promoseko, Milango Merkataritza Ganberako, Inbertsioen Sustapenaren ataleko burua ere izan da.

 

Sailburuak, atzo, Milango merkataritza-bulegoaren inaugurazioan Italia lehentasunezko herrialde zergatik den azaldu zuen. Orain, Italia finkatzeko aukeratu duten enpresen motibazioak, bidean izan dituzten zailtasunak eta aurrez aurre dituzten erronkak ere ezagutu nahi izan ditu.

 

Enpresetako ordezkarien hitzen arabera, Italiako ekonomiak Euskadiko ekonomiarekin antzekotasun handiak izatea positiboa da; izan ere, bi aldeei mesede egiten dieten sinergiak sortzen dira, baina era berean enpresen arteko lehiakortasuna oso handia da. Italiako merkatua oso merkatu irekia dela adierazi dute eta edonongoa izanda ere enpresek hemen presentzia izatea garrantzitsua dela azaldu dute.

 

Javier Zarraonandia, Industria sailburuordeak, bileraren ostean adierazi duenez, bulegotik gertutasunez erantzun ahal izango dituzte euskal enpresen beharrak. Enpresek oso burokratikoa den kudeaketa administratiboan laguntza behar dutela adierazi dute eta Euskadi-Italia arteko konektibitatea hobetzeko beharra ere azaldu dute. Posizionamentua hobetzeko beharra ere azpimarratu dute.

 

Formakuntza, egokiak diren profil profesionalak topatzea ere arazoa da Italian kokatuta dauden enpresentzat. Euskadin ere kezka berbera denez, sailburuordeak adierazi du Jaurlaritza ari dela dagoeneko formazioaren bidetik arazo honi erantzuna ematen.

 

Bileran, oso esperientzia desberdinak partekatu dira, besteak beste: ekoizpen-finkapenak, Danobatek egin berri duena, bihar bertan inauguratuko den instalazioarekin; Italiako enpresen erosketak, besteak beste CIE Automotivek egin zuena duela 3 urte edo Tubacex-ena, zeinak gaur egun, merkataritza-bulego batez gainera, Milanen eta Piacenzan bi ekoizpen-instalazio ere baititu.

Lotutako albisteak

25 Marzo, 2024 Nazioartekotzea
100 urteko esperientziak gainazalen tratamenduaren sektoreko erreferente bihurtu du JAZ
Irakurri gehiago
WindEurope Inauguración 21 Marzo, 2024 Basque Trade & Investment
Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan
Irakurri gehiago
21 Marzo, 2024 Basque Trade & Investment
Basque Trade & Investment-ek 100 beka atera ditu nazioartekotzearen arloko profilak prestatzeko
Irakurri gehiago
Australia Basque Trade 19 Marzo, 2024 Basque Trade & Investment
Euskadik energia berriztagarrien Australiako merkatura zabaldu du bere etorkizuna
Irakurri gehiago
14 Marzo, 2024 Basque Trade & Investment
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak