Euskal produktuak Erresuma Batuan merkaturatzeko ziurtagiri berria

SPRI Taldean integratutako Nazioartekotzeko Euskal Agentziak Bilbon antolatu duen jardunaldian ezagutzera eman dira euskal enpresek Brexitaren ondoren (2021ean ezarri zen) bete behar dituzten baldintza berriak euren produktuak Erresuma Batuan merkaturatzeko. Datorren urtarriletik aurrera nahitaezkoa izango da UKCA ziurtagiria izatea Erresuma Batuan saldu ahal izateko.

Gaur egun CE markaketa (Europar Batasunean erabiltzen dena) duten produktu gehienak merkaturatu daitezke Erresuma Batuan, baina datorren urteko urtarrilaren 1etik aurrera, UKA markaketa izan behar dute Erresuma Batuan saldu ahal izateko.

Nazioartekotzeko Euskal Agentziako Adimen Lehiakorreko Unitatearen zuzendari Iván Fernándezek ireki du jardunaldia, zeinetan araudi berriaren xehetasunak jorratu baitira.

Eva Pradak, Britainia Handiko Merkataritza Ganberako zuzendariak, aipatu du bere erakundea zabalik dagoela euskal enpresen kontsulta oro jasotzeko. “Enpresek jakin dezatela badagoela eurentzat baliagarri izan daitekeen elkarte pribatu bat”.

Erresuma Batuko Enpresa, Energia eta Estrategia Industrialeko Ministerioko Emily Spearpoint-ek ziurtagiria aplikatzeko egutegia azaldu du, eta gogora ekarri du enpresek hainbat dokumentu aurkeztu behar dituztela “euren produktuek arauak betetzen dituztela frogatzeko”.

Britainia Handiko enbaxadako ordezkari Francisco Álvarezek hizpide hartu ditu automobilgintza, ekipo-ondasun eta gailu medikoen sektoreetarako arauak.

Iaz, Nazioartekotzeko Euskal Agentziak bi jardunaldi telematiko egin zituen Brexitaren ezarpenaren ondorioen berri emateko euskal enpresei. Jardunaldi haietan hizpide hartu ziren euskal enpresek Erresuma Batuan dituzten langileen bisatu berriak eta baita ere produktuen ziurtagiriak eta normalizazioa, arreta berezia eskainiz gailu medikoei.

Lotutako albisteak

21 Marzo, 2024 Basque Trade & Investment

Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan

Irakurri gehiago

21 Marzo, 2024 Basque Trade & Investment

Basque Trade & Investment-ek 100 beka atera ditu nazioartekotzearen arloko profilak prestatzeko

Irakurri gehiago

19 Marzo, 2024 Basque Trade & Investment

Euskadik energia berriztagarrien Australiako merkatura zabaldu du bere etorkizuna

Irakurri gehiago

14 Marzo, 2024 Basque Trade & Investment

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Irakurri gehiago

13 Marzo, 2024 Basque Trade & Investment

Euskadi eta Herbehereak, Bilbon, hidrogeno berdearen erronkei aurre egiten

Irakurri gehiago

Joan blog-era