Albisteak 22 apirila, 2022

Euskadik badu Kanpo Sarearen bulego bat Tokion

Euskal enpresek negozio-aukera berriak eskuratu ahal izango dituzte SPRI Taldeko Nazioartekotzeko Euskal Agentziaren zerbitzu berri honen bidez
-

Euskal enpresek eta Japoniako nahiz Asia-Pazifiko eskualdeko inbertitzaileek euren zerbitzura dute Euskadiko Kanpo Sarearen lehen bulegoa Japonian. SPRI Taldeko Nazioartekotzeko Euskal Agentziak enpresa- eta merkataritza-egoitza berri bat ireki du Tokion, eta Moe Kato, Basque Trade and Investment-ek Japonian duen zuzendaria, izango da bulego horren buru.

Kanpo Sarearen bulego berri honi esker, euskal enpresek errazago aurkituko dituzte eurentzako negozio-aukerak Japonian. Japonia merkatu erakargarria da euskal enpresarentzat, bai bere BPGaren tamainagatik, bai bere eskaera sofistikatuagatik, eta baita ere bere ekonomiaren eta araudien egonkortasunagatik.

Gainera, euskal ekonomiarekin bateragarri izateagatik eta negozioetarako erraztasunagatik nabarmentzen da. Japoniak atzerriko inbertsio-fluxuak finantzatzen ditu, beraz, euskal enpresek  aukera izango dute Japonian eta Asia-Pazifiko eskualdean inbertsio handiak egiten dituzten enpresa eta erakundeetara iristeko. Horregatik guztiagatik, merkatu-bolumen oso garrantzitsua eta irisgarria eskaintzen die euskal enpresei.

Gainera, SPRI Taldeko Kanpo Sarearen bulego berri hori lagungarri izango da Invest in Basque Country eremuaren bidez inbertsioak Euskadira erakartzeko, bai Japoniatik eta baita ere Asia-Pazifiko eskualdetik.

Bulegoa Tokion dago, helbide honetan: Toranomon Hills Business Tower 15F, 1-17-1 Toranomon, Minato-ku, 105-6415.

Basque Trade agentziak Kanpo Sarearen 17 bulego ditu, eta zerbitzua ematen die euskal enpresei 90 bat herrialdetan.

Harreman komertzialak Japoniarekin

Guztira, 17 euskal enpresa daude kokatuta Japonian, horietatik 12 ezarpen komertzialak dira, eta beste 7 produkziokoak. Aipagarriena da automobilgintza sektorea, eta atzetik jarraitzen dio fabrikazio aurreratuko teknologien sektoreak.

Japoniarekin izandako azken lau urteetako balantze komertzialak erakusten du euskal produktuen esportazioak hazten joan direla, 2018an 112 milioi eurokoak izatetik 2021ean 156 milioikoak izatera igaro baitira. Aldiz, inportazioak gutxitu egin dira, 2018an 203 milioi eurokoak baitziren eta iaz 189 milioikoak.

Hauek dira Japoniara gehien esportatzen diren produktuak: aluminioa eta bere manufakturak, eta autoak. Bi multzo horiek esportazio guztien % 70etik gora ordezkatzen dute.  ICEXen arabera, 376 euskal enpresak modu erregularrean esportatzen dute Japoniara.

Inportazioei dagokienez, % 50 baino gehiago burdin eta altzairu galdaketa, makineria mekanikoa eta autoak dira.

Aukera berriak Bio-osasun eta Energia sektoreetan

Herrialde oso industrializatua izaki, Japoniak baditu estrategikoak diren hainbat sektore, zeintzuetan euskal enpresentzako aukera handiak egon baitaitezke. Horien artean aipatzekoak dira automobilgintza, produktu industrialak eta ekipo-ondasunak (batik bat makina-erreminta), bio-osasuna, energia, eta nekazaritza eta elikadura sektorea.

Zehazki, Japoniak jakinarazi du epe labur eta ertaineko inbertsio handiak egingo dituela bio-osasun eta energia sektoreetan, bere helburuak lortze aldera. Bi sektore horiek, estrategikoak direnak Euskadirentzat, hiru trantsizioen barruan daude, eta asmoa da sektore horietako negozio-aukerak hurbiltzea euskal enpresari.

Japoniako ekonomiak 4.432.007 milioi euroko BPGa du (2020), Espainiako ekonomiaren tamaina baino lau aldiz handiagoa. 125,8 milioi pertsonako biztanleria duelarik (Espainiako biztanleria baino 2,6 puntu handiagoa), 35.221 €-ko per capita BPGa dauka; ratio hori bera 23.673 €-koa da Espainian, eta 32.727 €-koa Euskadin.

Industriak pisu handia du Japoniako ekonomian, BPG osoaren % 29 inguru ordezkatzen baitu. Hauek dira Japoniako industria garrantzitsuenak: automobilgintza, kontsumorako elektronika eta energia berriztagarriak.

Hona hemen Japoniako ekonomian garrantzitsuak diren eta Euskadirentzat interesgarriak izan daitezkeen sektore batzuk: automobilgintza, kontsumorako elektronika, energia berriztagarriak eta makina-erreminta.

Japoniakoa munduko hirugarren ekonomia handiena da, eta hainbat produkturen (ibilgailuak, makineria, elektronika eta robotika) esportatzaile liderra da. Halere, zahartze demografikoak herrialdearen zabalkundea oztopatu du, eta orobat kontuan hartu behar da soldaten hazkunde ahula eta kontsumo pribatuaren gaineko inflazioa.

Harreman instituzionaletarako zubia

Euskadiren eta Japoniaren arteko harreman instituzionalak asko indartu ziren 2018an eta 2019an, eta bi hitzarmen sinatu ziren: bata, energiaren sektorekoa, Fukushimako Prefeturarekin eta bestea, fabrikazio aurreratuarekin erlazionatutako sektoreetakoa, Mieko Prefeturarekin. Nazioartekotzeko Euskal Agentziak Japonian ireki duen bulegoa lagungarri izango da harreman instituzionalak indartzeko eta Euskadi ongi posizionatzeko bere gaitasun industrialak saltzeko orduan. Bulego hau beste urrats bat da euskal enpresa nazioartekotzeko eta, bereziki, merkatu asiarrera zabaltzeko bidean, presentzia izanik Euskadirentzat funtsezkoa den herrialde batean.

 

Lotutako albisteak

Europar  Batasunak  Itsaso  Beltzean  egonkortasuna,  garapena  eta  jasangarritasuna  bultzatzeko  plana  aurkeztu  du
12/07/2025 Nazioartekotzea

Europar Batasunak Itsaso Beltzean egonkortasuna, garapena eta jasangarritasuna bultzatzeko plana aurkeztu du

Estrategia Europako beste politika batzuekin koordinatuta garatuko da, EB zabaltzeko prozesua, Ekialdeko Elkartea eta Global Gateway estrategia barne.

Europar  Batasuna  eta  Arabiar  Emirerri  Batuak  negoziatzen  hasiak  dira  Golkoko  lehen  merkataritza-akordio  integrala  lortzeko
11/07/2025 Nazioartekotzea

Europar Batasuna eta Arabiar Emirerri Batuak negoziatzen hasiak dira Golkoko lehen merkataritza-akordio integrala lortzeko

Ondasun eta zerbitzuen merkataritza erraztu, inbertsioa sustatu eta merkataritza digitalaren garapena bultzatzea da negoziazio-prozesuaren helburua

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Europako  Batzordeak  muga-zergak  ezarri  dizkio  Txinako  latorriari,  ‘dumping’  praktikak  detektatu  ondoren
10/07/2025 Nazioartekotzea

Europako Batzordeak muga-zergak ezarri dizkio Txinako latorriari, ‘dumping’ praktikak detektatu ondoren

Erabakia Bruselak hasitako ikerketaren ondoren hartu da, Europar Batasuneko ekoizleei eragindako kalteak identifikatuta.

Jauregiren  hitzetan,  “oraindik  aukera  dago  Estatu  Batuekin  merkataritza-akordio  ona  lortzeko”
09/07/2025 Nazioartekotzea

Jauregiren hitzetan, “oraindik aukera dago Estatu Batuekin merkataritza-akordio ona lortzeko”

Pradales Lehendakariaren mezua berretsi du: Euskadi prest dago joan den otsailetik Trumpen muga-zergen mehatxuari aurre egiteko.

Europar  Batasuna  Estatu  Batuekin  negoziatzen  ari  da  merkataritza  arloko  akordioa  lortzeko
03/07/2025 Nazioartekotzea

Europar Batasuna Estatu Batuekin negoziatzen ari da merkataritza arloko akordioa lortzeko

Batzordearen esanetan, AEBetako muga-zergek Europak Estatu Batuetara egindako esportazioen % 70i eragiten diete, 382.000 milioi euro inguruko inpaktuarekin.

Euskadi,  itsas-energia  eolikoan  espezializatutako  Koreako  azokan
03/07/2025 Nazioartekotzea

Euskadi, itsas-energia eolikoan espezializatutako Koreako azokan

Hego Koreako Offshore Wind Supply Chain Exhibition & Conference azokan Basque Trade & Investmenten bidez izandako parte-hartzeari esker, euskal industriaren gaitasunak eman dira ezagutzera sektoreko eragile nagusien aurrean

Euskal  sektore  aeronautikoa  Txinara  joan  da  Asiako  merkatua  gertutik  esploratzeko
25/06/2025 Nazioartekotzea

Euskal sektore aeronautikoa Txinara joan da Asiako merkatua gertutik esploratzeko

Euskal enpresa-ordezkaritza bat herrialde hartan dabil bisitari aste honetan, Basque Trade lagun duela, industria horretako eragile estrategikoekin harremanak finkatzeko

Japoniako  Gobernuak  goi  mailako  bisita  instituzionala  egin  du  Euskadira  berrikuntza,  energia  eta  lurralde-garapen  arloko  lankidetza  indartzeko
24/06/2025 Nazioartekotzea

Japoniako Gobernuak goi mailako bisita instituzionala egin du Euskadira berrikuntza, energia eta lurralde-garapen arloko lankidetza indartzeko

Bisita ofizial hau Fukushimako prefekturak eta Eusko Jaurlaritzak energia berriztagarrietan, garapen jasangarrian eta elkartruke instituzionalean oinarrituta 2019an sinatutako lankidetza-hitzarmenaren barruan kokatzen da.

Zabalik  dago  jadanik  Europatik  kanpoko  eskualde  estrategikoekiko  lankidetza-proiektuetarako  laguntzak  eskatzeko  epe
23/06/2025 Nazioartekotzea

Zabalik dago jadanik Europatik kanpoko eskualde estrategikoekiko lankidetza-proiektuetarako laguntzak eskatzeko epe

Eskabideak, uztailaren 10a baino lehen

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.