Cepial, industriako eskuilagintzan 40 urte baino gehiago presente

Cepial Gasteizko enpresa bat da, eskuila industrialen sektorean aritzen dena. Duela 40 urte baino gehiagotik bi sektoretan aritzen da nagusiki: hiri-garbiketan eta industria-sektorerako neurrira egindako konponbideak fabrikatzen. 15 langile inguru ditu, eta sektoreko liderra da Estatu osoan, eta garbiketa prozesu osoa garatzen du, adibidez erraztatzeko eskuilak fabrikatuz edo garbiketa-orgak garatuz. 

Hiri-garbiketaren sektorean, Cepialek esklusibotasun-kontratuak ditu garbiketaren sektoreko enpresa pribatu nagusiekin (FCC eta Ferrovial). Enpresa horiek arduratzen dira, adibidez, EAEko hiru hiriburuetako garbiketa-zerbitzuez. Sevillan, Gijonen edo Mallorcan ere baditu bere produktuak hornitzeko lehiaketa publikoen kontratuak. 

Bestalde, Loramendi, Mercedes, Michelin edo Arcelor Mittal enpresentzat oso erabilera espezifikoak dituzten eskuilak fabrikatzen ditu Cepailek. Eskuila horiek neurrira egiten dira bezeroen beharrak kontuan hartuta, adibidez, tenperatura altuekiko erresistentzia izateko. Nazioarteari dagokionez, Cepialek eskuilak esportatzen ditu Belgika, Suitza, Portugal edo Maroko bezalako herrialdeetan. Aipatzekoa da Suitzan Europan liderra den Bucher ekortzeko makinen fabrikatzailearentzat lan egiten duela. 

Cepialen etorkizuneko planetako bat “makinerian inbertitzea da, lehengaia erosten dugun kanpoko fabrikatzaileen mende ez egoteko”, Alfonso Pérez Fernández Cepialeko CEOak azaldu duenez. Hori dela eta, iaz SPRI Taldearen laguntza jaso zuten Renove Industria 4.0 programaren bidez. Gainera, enpresak TKgunerekin batera garatutako soluzio bat patentatu berri du: edukiontzien hanketan jartzen diren imanak dira, haizearen ondorioz eror ez daitezen. 

SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa. 

Lotutako albisteak

2 otsaila, 2023 Basque Trade & Investment

Lumikerrek Danimarkaren eta Alemaniaren arteko energia-interkonexiorako gaitasuna handitzeko proiektu batean parte hartu du

Irakurri gehiago

2 otsaila, 2023 Basque Trade & Investment

IMATek bere eserlekuak 2023an Bangladesh, Libia, Egipto edo Brasilgo aireportuetan presente egoteko helburua du

Irakurri gehiago

23 urtarrila, 2023 Basque Trade & Investment

Eyherrek bere etorkizuneko erronkak markatzen hasi du urtea SPRI taldearekin batera

Irakurri gehiago

20 urtarrila, 2023 Basque Trade & Investment

Industrial Green Deal: Estatu Batuen dirulaguntza ekologikoen planari erantzuteko epe luzeko estrategia

Irakurri gehiago

18 urtarrila, 2023 Basque Trade & Investment

Trivimak showroom birtualak sortu ditu industria-sektoreko euskal enpresek nazioarteko azoketan erabiltzeko

Irakurri gehiago

Joan blog-era