BH Fitness enpresak eskuratu du Kanadako gobernuarentzako fitness ekipamendu-kontratu handienaren esleipena

Operazioaren negozio-bolumena 15 eta 20 milioi euro bitartekoa da

Kanadako gobernuak BH Fitness enpresa kontratatu du, zeina hornitzaile bakarra izango baita gobernuak zentralizatuko dituen etorkizuneko fitness ekipamenduen erosketetan. Bihotz-hodietarako ariketak egiteko ekipamendua bi bertsiotan entregatuko da (konektagarritasunarekin eta LEDekin), giharrak lantzeko ekipoak, berriz, TR Series gamakoak izango dira.

Lizitatzaile guztiek aurkeztu dituzte antzeko baldintza ekonomikoak, baina produktu eta zerbitzuen txosten teknikoak eman dio kontratuaren esleipena BH Fitness enpresari, konpainiak berak jakinarazi duenez.

Hortaz, euskal enpresa Kanadako gobernuaren fitness ekipamenduen hornitzaile bakarra izango da, Kanadako erakunde guztiak (ejerzitoa, unibertsitateak edo ikastetxeak) barne hartzen dituen akordio marko baten barruan. Kontratu irekia denez, ezin da zehazki jakin zenbatekoa den negozioa. Halere, lehen kalkuluen arabera, negozio-bolumena 15 eta 20 milioi euro bitartekoa omen da.

“Operazio honek abangoardian jarriko gaitu, argi utziz konpainiak erabateko gaitasuna duela” dio Dan Foust-ek, BH NorthAmerica saileko arduradunak. “Denbora daramagu antzeko beste kontratu batzuetan lanean, eta hemendik gutxira jakingo dugu esleitu dizkiguten” gaineratu du.

“Proiektu berri honek sendotu egingo du BH Fitness enpresaren eskaera-zorroa, aurten antzeko beste kontratu batzuk lortu baititu Omanen, Saudi Arabian, Marokon eta, besteak beste, Alemanian” esan du Pablo Pérez de Lazarragak, konpainiako zuzendari nagusiak, Gasteizko bulego zentraletan.

Lotutako albisteak

10 apirila, 2024 I+G

Errekak DUNE proiektu zientifikoan hasi du bere ibilbidea, torloju adimendunak garatzeko

Irakurri gehiago

9 apirila, 2024 I+G

CIC biomaGUNEk patentatutako teknologia batean oinarrituta antigorputzak azkar detektatzeko nanosentsoreak

Irakurri gehiago

26 Marzo, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

20 Marzo, 2024 I+G

Masterly proiektu europarrak enpresen aurrerapen teknologikorako irisgarritasuna bultzatuko du

Irakurri gehiago

18 Marzo, 2024 I+G

Ingenersun-ek bost tona jasotzeko gai den AGV robot bat garatu du

Irakurri gehiago

Joan blog-era