BasqueTradek lankidetza hitzarmena sinatu du Indiako PHDCC Enpresa Elkartearekin

Basque Trade & Investmentek lankidetza-hitzarmena sinatu du (‘MoU’, ingelesez) PHDCC Indiako enpresa-elkartearekin. Erakunde horrek sektore anitzeko ikuspegia duten 100.000 enpresa baino gehiago biltzen ditu Indiako lurralde osoan, eta Euskadi lehentasunezko bazkidetzat hartu du elkarrekiko interesa duten ekintzak garatzeko, eta, bereziki, bi lurraldeetako enpresen arteko sinergiak bilatzeko.

PHDCCk hainbat erakunderekin sinatu ditu akordioak Europan, baina bat bera ere ez Iberiar penintsulan. Hurbilketa hau, Basque Trade & Investmentek Mumbayn duen bulegoaren lanak bultzatua, Indiako mota horretako lehen akordioa da.

MoUa Intergune 2022en sinatu zen, Basque Trade & Investmentek antolatutako, Eusko Jaurlaritzaren enpresak nazioartekotzeko foroaren barruan, eta  intereseko arlo espezifiko batzuk biltzen ditu, hala nola:

• Altzairuaren fabrikazioa eta ekipamendua
• Energia berriztagarriak
• Ingurumena
• Gorabidean dauden enpresak

Eremu horietan, Euskadiren eta Indiaren arteko merkataritza eta inbertsio-harremanak dinamizatu nahi dira, merkataritza-misioak eta merkatu-azterketak antolatzen lagundu nahi da, baita hitzaldiak, sinposioak eta merkataritza sustatzeko beste jarduera-metodo batzuk ere egin nahi dira bi herrialdeetan. Era berean, negozioz negozio bilerak, mintegiak, hitzaldiak, erakusketak, merkataritza-azokak eta beste sustapen-jarduera batzuk antolatzea aurreikusten da, bi herrialdeen arteko merkataritza-harremanak sustatzeko, bai eta garapen ekonomikoari eta enpresen interesei eragiten dieten beste gai batzuei buruzko informazio-truke etengabea sortzea eta mantentzea ere.

Lotutako albisteak

21 Marzo, 2024 Basque Trade & Investment

Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan

Irakurri gehiago

21 Marzo, 2024 Basque Trade & Investment

Basque Trade & Investment-ek 100 beka atera ditu nazioartekotzearen arloko profilak prestatzeko

Irakurri gehiago

19 Marzo, 2024 Basque Trade & Investment

Euskadik energia berriztagarrien Australiako merkatura zabaldu du bere etorkizuna

Irakurri gehiago

14 Marzo, 2024 Basque Trade & Investment

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Irakurri gehiago

13 Marzo, 2024 Basque Trade & Investment

Euskadi eta Herbehereak, Bilbon, hidrogeno berdearen erronkei aurre egiten

Irakurri gehiago

Joan blog-era