Asiako herrialdeak sektoreari eskaintzen dizkion negozio-aukerak esploratuko dituzte
SPRI Taldeari atxikitako Nazioartekotzeko Euskal Agentziak misio bat antolatu du AFM klusterrarekin batera, Indiak makina-erremintako sektoreari eskaintzen dizkion negozio-aukerak esploratzeko.
Misioak bi jardunaldi tekniko ditu: bata, astelehen honetan, Bangaloren, eta bestea, asteazkenean, hilak 27, Punen. Horiez gain, BEML trenbide-enpresa publikoa bisitatuko dute, baita azpiegituretarako fluidoen kudeaketako merkatuan buru den Kirloskar Pneumatic deritzona ere.
Jardunaldi hauen bitartez, Indian nahiz Euskadin, manufaktura aurreratuaren eta 4.0 Industriaren arloan izandako azken aurrerapenak aurkeztu eta ezagutzera emango dituzte. AFM makina-erremintako klusterrak eta Fagor Automation, Lantek eta Fagor Arrasate enpresek azken aurrerapenak aurkeztuko dituzte Indiako automobilgintza eta aeronautikako lehen mailako enpresekin batera. Gainera, B2B saioak antolatuko dira bertaratutakoen eta euskal enpresen artean. Topaketa hauetan, aipatutako euskal enpresekin batera, Zayer, Ona, Juaristi eta Geminisen eragile eta ordezkariek parte hartuko dute.
BEML da trenak eta ordezko piezak fabrikatzen dituen enpresa publikoa. Kirloskar Pneumatic delakoa aitzindaria da azpiegitura-proiektu handietarako fluidoak kudeatzeko soluzio konplexuen merkatuan, ur-hornidura, energia-instalazioak, ureztapena, petrolioa eta gasa, eta itsas-armada eta defentsa tarteko direla. Ponpak, balbulak eta turbinak diseinatu eta fabrikatzen ditu, industriarako, nekazaritzako zein etxe barruko erabileretarako.
Indian euskal enpresen 62 ezarpen daude, sektore hauei atxikitakoak: energia berriztagagarriak, automobilgintza, makina-erreminta, ekipamendu elektrikoa eta tren-industria. Konpainia horiek guztiak Pune, Chennai, New Delhi eta Bangaloren finkatuta daude.
Indiak 1.339 milioi biztanle ditu, eta euskal enpresek herrialde horretara egindako esportazioen guztizko balioa 189 milioi eurokoa izan zen 2018an.
SPRI Taldeak Nazioartekotzeko Euskal Agentziaren (BTI) bidez antolatutako topaketa batek...Leer más
Partekatu
Ekoizpen nagusia duten herrialde eta eskualdeei sakonago erreparatuz, ibilgailu elektrikoei...Leer más
Partekatu
Nazioartekotzeko Euskal Agentziak (Basque Trade &Investment) jardunaldi bat antolatu...Leer más
Partekatu
Turkia merkatu garrantzitsua da Euskadirentzat, hain zuzen, Turkiak Euskaditik eginiko inportazioak...Leer más
Partekatu
Mugikortasun-murrizketen ondorioz, sektore honetan interesa duten euskal enpresa gehienek ezin izan...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?