Nazioartekotzea
Albisteak 17 maiatza, 2018

Afrika Mendebaldeko herrialde gorakorretan inbertitzeko aukerak

Euskadiko Nazioartekotze Agentziak jardunaldi batean azaldu ditu Boli Kosta, Senegal edo Ghana bezalako herrialdeetan negozioak egiten hasteko gakoak
-

 

Euskadiko Nazioartekotze Agentziak jardunaldi batean azaldu ditu Boli Kosta, Senegal edo Ghana bezalako herrialdeetan negozioak egiten hasteko gakoak.

“Merkatu gorakorrak dira, geografikoki hurbil daude elkarrengandik, eta nazioarteko enpresek Afrika Iparraldean edo Hegoafrikan baino presentzia txikiagoa dute” dio Dani Vives aholkulariak

 

Afrika Mendebaldeko merkatuak kontinente horretako herrialde egonkorrenetako batzuk biltzen ditu, nahiko eremu ezezaguna da euskal enpresentzat, eta potentzial handiko merkatua da. Halaxe egiaztatu da SPRI Taldean integratutako Euskadiko Nazioartekotze Agentziak Bilbon duen egoitzan antolatutako jardunaldi batean.

 

Ekitaldiari hasiera emateko, Iñaki Ezkurrak, Euskadiko Nazioartekotze Agentziako Enpresen Nazioartekotze zuzendariak, esan du jardunaldia antolatzea erabaki dutela enpresei gero eta gehiago interesatzen zaielako Mendebaldeko Afrika, eta agentziaren asmoa dela “presentzia ukigarriagoa izatea” kontinente afrikarreko eremu horretan.

 

Ivon Kalo-k –Boli Kostak Madrilen duen enbaxadako kontseilari ekonomikoak- azpimarratu du Boli Kostak ia %10eko hazkunde tasa izan duela bost urtean, eta orobat esan du herrialdearen estrategia bere garapen planean oinarritzen dela, zeina azpiegituretan, eraikuntzetan, osasunean eta prestakuntzan zentratzen baita.  Aipatu duenez “programa horrek 94 proiektu dauzka”, eta, bestalde, gogorarazi du Boli Kosta dela munduko kakao ekoizle handiena (berak hartzen duelarik merkatuaren %40a) eta baita ere Afrikako fruta ekoizle garrantzitsuena.

 

Martxan dauden planen adierazgarri, aipatu du aurten aurrekontu partidak onartu direla zazpi unibertsitate-ospitale eta auzoetarako 200 osasun-zentro eraikitzeko.

 

Dani Vivesek, Mendebaldeko Afrikan 13 urte lanean daramatzan Inafrica Strategy aholkularitzako bazkide zuzendariak, esan du 17 herrialde daudela eremu horretan, “eta oso zaila dela guztiez hitz egitea modu uniformean”. Boli Kosta, Nigeria, Ghana eta Senegal dira herrialde garrantzitsuenak. “Nigeria da biztanle gehien duena, baina baita ere zailena. Hobe da beste hirurekin hastea negozioak egiten. Boli Kostak biztanleria eta per capita errenta dauzka, Ghanak, berriz, egonkortasuna eta errenta”.

 

Vivesek aipatu du eremu horrek 340 milioi biztanle dituela, eta hazkunde ekonomiko handia izaten ari dela (%6-8 bitartekoa) klase ertaina hazten ari delako, “lehen ez zen existitzen, eta orain biztanleriaren %30-35 da. Industriari esker sortu den klase ertaina da”. Horrez gain esan du merkatu gorakorrak direla, “geografikoki hurbil daude elkarrengandik, eta nazioarteko enpresek Afrika Iparraldean edo Hegoafrikan baino presentzia txikiagoa dute. Hiruzpalau lehiakide izango dituzu, ez hamar”. Herrialde horiek badituzte beste abantaila batzuk, adibidez, merkataritza librea dago herrialde gehienen artean, eta “Espainiako produktuak oso ondo posizionatuta daude”. Ez dago arazorik kobratzeko zuhurtasunez jokatzen bada eta enpresa handiekin lan egiten bada”.

 

Aholkulariak hainbat gomendio eman ditu herrialde horietan negozioak egiteko. “Inoiz ez dute ezetzik esaten, errespetu falta bat iruditzen zaielako, baina askotan ez dute erantzuten. Eta asko baloratzen dute aurrez aurreko tratua, dena ez dadila negozioan zentratu. Horrez gain, funtsezkoa da jarraipena egitea; askok ez dituzte posta elektronikoak erantzuten, eta WhatsApp aplikazioa aukera ona da. Jarraipen hurbilena egiten duen enpresak salduko du gehien”.

 

Julen Bereceirtuak, herrialde horietan lan egiten duen Gruas Jaso enpresako zuzendari komertzialak, ohartarazi du euskal enpresek ezin dutela bakarrik joan eremu horretara. “Gu Espainiatik hasi ginen saltzen, beste enpresa batzuekin batera joan ginenean. Herrialde horietan sartzeko modu onena misio komertzialak dira”. Zehazki, garabien arloan –hori baita bere produktua-, esan du ez dagoela prestakuntzadun langilerik “salmenta ondorengo zerbitzu egokia eskaintzeko”.

 

Miguel Ángel Martínezek (burdindegietarako produktuak eta burdineria egiten dituen Amilibia y de la Iglesia enpresako esportazioko managerrak) 20 urtez lan egin du Mendebaldeko Afrikan, eta urte horietan bildutako esperientzia azaldu du. “Kontua da ez dagoela informazio askorik. Senegalen edo Boli Kostan bai, baina beste herrialde batzuetan ez”. Esan du herrialde horietan erraz saldu daitekeela “ikuspuntu logistikotik”, eta gomendatu du hasierako prospekzio bidaia bat egin beharrean, hobe dela “lehen hurbilketarako consulting bat egitea”.

 

Martínezek aipatu du bere enpresak ez duela ez-ordaintze arazorik izan Afrikan; bere ustez Boli Kosta da herrialde interesgarriena negozioetarako, eta ondoren Kamerun, “ekonomia dibertsifikatuena duen herrialdea delako”.

Lotutako albisteak

Europar  Batasunak  Itsaso  Beltzean  egonkortasuna,  garapena  eta  jasangarritasuna  bultzatzeko  plana  aurkeztu  du
12/07/2025 Nazioartekotzea

Europar Batasunak Itsaso Beltzean egonkortasuna, garapena eta jasangarritasuna bultzatzeko plana aurkeztu du

Estrategia Europako beste politika batzuekin koordinatuta garatuko da, EB zabaltzeko prozesua, Ekialdeko Elkartea eta Global Gateway estrategia barne.

Europar  Batasuna  eta  Arabiar  Emirerri  Batuak  negoziatzen  hasiak  dira  Golkoko  lehen  merkataritza-akordio  integrala  lortzeko
11/07/2025 Nazioartekotzea

Europar Batasuna eta Arabiar Emirerri Batuak negoziatzen hasiak dira Golkoko lehen merkataritza-akordio integrala lortzeko

Ondasun eta zerbitzuen merkataritza erraztu, inbertsioa sustatu eta merkataritza digitalaren garapena bultzatzea da negoziazio-prozesuaren helburua

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Europako  Batzordeak  muga-zergak  ezarri  dizkio  Txinako  latorriari,  ‘dumping’  praktikak  detektatu  ondoren
10/07/2025 Nazioartekotzea

Europako Batzordeak muga-zergak ezarri dizkio Txinako latorriari, ‘dumping’ praktikak detektatu ondoren

Erabakia Bruselak hasitako ikerketaren ondoren hartu da, Europar Batasuneko ekoizleei eragindako kalteak identifikatuta.

Jauregiren  hitzetan,  “oraindik  aukera  dago  Estatu  Batuekin  merkataritza-akordio  ona  lortzeko”
09/07/2025 Nazioartekotzea

Jauregiren hitzetan, “oraindik aukera dago Estatu Batuekin merkataritza-akordio ona lortzeko”

Pradales Lehendakariaren mezua berretsi du: Euskadi prest dago joan den otsailetik Trumpen muga-zergen mehatxuari aurre egiteko.

Europar  Batasuna  Estatu  Batuekin  negoziatzen  ari  da  merkataritza  arloko  akordioa  lortzeko
03/07/2025 Nazioartekotzea

Europar Batasuna Estatu Batuekin negoziatzen ari da merkataritza arloko akordioa lortzeko

Batzordearen esanetan, AEBetako muga-zergek Europak Estatu Batuetara egindako esportazioen % 70i eragiten diete, 382.000 milioi euro inguruko inpaktuarekin.

Euskadi,  itsas-energia  eolikoan  espezializatutako  Koreako  azokan
03/07/2025 Nazioartekotzea

Euskadi, itsas-energia eolikoan espezializatutako Koreako azokan

Hego Koreako Offshore Wind Supply Chain Exhibition & Conference azokan Basque Trade & Investmenten bidez izandako parte-hartzeari esker, euskal industriaren gaitasunak eman dira ezagutzera sektoreko eragile nagusien aurrean

Euskal  sektore  aeronautikoa  Txinara  joan  da  Asiako  merkatua  gertutik  esploratzeko
25/06/2025 Nazioartekotzea

Euskal sektore aeronautikoa Txinara joan da Asiako merkatua gertutik esploratzeko

Euskal enpresa-ordezkaritza bat herrialde hartan dabil bisitari aste honetan, Basque Trade lagun duela, industria horretako eragile estrategikoekin harremanak finkatzeko

Japoniako  Gobernuak  goi  mailako  bisita  instituzionala  egin  du  Euskadira  berrikuntza,  energia  eta  lurralde-garapen  arloko  lankidetza  indartzeko
24/06/2025 Nazioartekotzea

Japoniako Gobernuak goi mailako bisita instituzionala egin du Euskadira berrikuntza, energia eta lurralde-garapen arloko lankidetza indartzeko

Bisita ofizial hau Fukushimako prefekturak eta Eusko Jaurlaritzak energia berriztagarrietan, garapen jasangarrian eta elkartruke instituzionalean oinarrituta 2019an sinatutako lankidetza-hitzarmenaren barruan kokatzen da.

Zabalik  dago  jadanik  Europatik  kanpoko  eskualde  estrategikoekiko  lankidetza-proiektuetarako  laguntzak  eskatzeko  epe
23/06/2025 Nazioartekotzea

Zabalik dago jadanik Europatik kanpoko eskualde estrategikoekiko lankidetza-proiektuetarako laguntzak eskatzeko epe

Eskabideak, uztailaren 10a baino lehen

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.