2020ko Makina Erremintaren Bienala aurkeztu dute Hannoverreko EMO azokan
Bienala maiatzaren 25etik 29ra bitartean egingo da BECen.
Tapiak nabarmendu du Euskadik balio erantsiaren alde egiten duen apustua erakusteko tokia izango dela.
Hannoverreko EMO azokan aurkeztu dute Makina Erremintaren Bienalaren hurrengo ekitaldia, 2020ko maiatzaren 25etik 29ra bitartean Bilbao Exhibition Centrean egingo dena.
Makina-erremintaren sektoreko enpresarik garrantzitsuenen ordezkaritza zabalaren aurrean, Arantxa Tapia sailburuak, Xabier Basañez BECaren zuzendari nagusiak eta Xabier Ortueta AFM klusterreko zuzendari nagusiak aurkeztu dute Bienalaren hurrengo ekitaldia, berrikuntza eta digitalizazioa izango dituena ardatz nagusi. Ekitaldian izan dira, halaber, Javier Zarraonandia Industriako sailburuordea eta Alex Arriola SPRIko zuzendari nagusia.
Aurkezpenean, Eusko Jaurlaritzako Ekonomiaren Garapeneko eta Azpiegituretako sailburuak nabarmendu du, batetik, Euskadin manufaktura-enpresek duten pisua —barne Produktu Gordinaren % 24,2— eta, bestetik, “industria aurreratu baten” parte diren zerbitzuek duten garrantzia. Ildo horretan, Tapia sailburuak Basque Industry 4.0 estrategia nabarmendu du, eta adierazi du estrategia horri, duela hilabete batzuetatik, BRTA (Basque Research & Tecnology Alliance) itunaren gaitasun berritzailea batu zaiola, “industria-sistemaren osotasunarekin modu estrategikoan elkarlanean jarduteko”.
Tapiak, gainera, ekonomiaren egoera global konplexuaz hitz egin du, eta adierazi du Euskadi, Basque Industry 4.0 estrategiaren bidez, lan egiten ari dela balio erantsia eskaintzeko eta nazioarte erreferente izateko.
BECen antolatuko den Bienala da Europan makina-erremintaren arloan egiten diren hiru azoka garrantzitsuenetako bat, eta ekitaldi guztietan punta-puntako teknologien erakusleiho bihurtzeaz gain, sektore osoaren topaleku ere izaten da.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura