Tapia: “Euskadi herri erakargarria da industriari dagokionez, eta pandemian ere hala erakutsi da, inbertsioek ez baitute etenik izan”

Arantxa Tapia Ekonomiaren Garapen, Jasangarritasun eta Ingurumeneko sailburuak gaurkotasuneko hainbat alderdi aztertu ditu elkarrizketan

Besteak beste, Euskadi industria-inbertsioetarako herrialde erakargarria dela azpimarratu du, izan ere pandemian ez dute etenik izan. Horren erakusgarri dira honako datu hauek:

• Industria Abagunearen Behatokian ordezkatuta dauden kolektiboen %80k diote Euskadin inbertitzen eta hazten jarraituko dutela.

Gure parke teknologikoak beren ahalmenaren %90ean daude, eta dagoeneko handitu behar ditugu. Poligono berriak martxan jarri behar izan ditugu, Bergara edo Eskuzaitzeta adibidez.

Daukagun egoera latz honetan, adibide positiboak daude. Sidenor, esate baterako, digitalizazioan inbertsioak egiten ari da; Bayern bezalako enpresak Euskadira datoz erakargarria delako, Viralgen eskuratu dute, Bizkaian ezarri da eta aktibitatea handitu du.

• Duela gutxi, data center bat Arasurren ezarri da.
• Hartzekodunen konkurtsora joan ziren enpresak badaude inbertsiogileei esker berriz martxan jarri direnak, adibidez Tuesta.
  – Otuak, birziklapen industrialaren ikuspuntutik, inbertsio berriak iragarri ditu

Maroto ministroarekin eta Garamendirekin bilerak:

Atzo Maroto ministroarekin izandako bileran, eta gero Garamendirekin izandakoan, Europako funtseei buruz hitz egin genuen. Egoera anbibalentea dago, alde batetik, Europak estatuetan jarri du funts horien banaketa, baina, bestetik, funts horiek aktibatzeko orduan eskualdeek duten zeregina azpimarratu du.

Adierazi dugu zeregin aktiboagoa behar dugula PERTES delako horietan, eta ministroak aitortu zuen interesgarria dela autonomia erkidegoek presentzia handiagoa izango duten gobernantza izatea, errealitatetik gertuago gaudelako. Ea hori horrela den, eta ikusiko dugu nola egituratzen diren funts horiek.

Corrugadosen irekitzea:

Enpresak lantegia berriro ireki nahi duela frogatzen duen idatzizko dokumentazio nahikoa badago. Enpresa-proiektu bat da, pribatua, eta administrazioei kontsulta egin diegu. Gure lana egindako kontsultei erantzuten saiatzea da. Eusko Jaurlaritzak idatziz erantzun zuen, enpresaren irekierarako ingumen-betekizunak azalduz. Jarrera argi dago, ez da erakundeen arteko eztabaida, ezta alderdien arteko borroka ere; mahai gainean proiektu bat dagoela da kontua, enpresak berak atzo esan zuen bideragarria dela, eta erantzun egin behar diogu.

Administrazioek proiektuak sakon aztertu behar ditugu, eta zailtasunak saihestu eta konponbideak bilatu. Uste dugu administratiboki posible dela oraindik egungo kokalekuan irekitzea. Corrugados proiektua ez dago oraindik galduta.

Lotutako albisteak

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

16 apirila, 2024 Berrikuntza

Genero-berdintasunik handiena duten enpresek berrikuntza maila handiagoa izaten dute eta lehiakorragoak dira

Irakurri gehiago

15 apirila, 2024 Berrikuntza

Arreguik erantzun egiten dio eraikinetako behar berriari, etxean egon gabe paketeak jasotzeari

Irakurri gehiago

11 apirila, 2024 Berrikuntza

B Corp izatea, enpresen indarra mundua aldatzeko erabiltzea da

Irakurri gehiago

9 apirila, 2024 Berrikuntza

STEM unibertsoan emakumeen talentua sustatzera bideratutako saio batean parte hartu du SPRIk

Irakurri gehiago

Joan blog-era