Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 1 Marzo, 2024 Ingurumen-jasangarritasuna Net-Zero Basque

Net-Zero Basque Industrial Super Cluster eta Hub All4Zero, industriaren deskarbonizaziorako berrikuntza teknologikoko soluzioak bilatzeko aliatuak

Aliantza horren emaitza gisa, “All4Zero eta Net Zero Basque Industrial Supercluster: etorkizuneko industria bultzatzeko aliantza” izeneko ekitaldia antolatu da

Astelehen honetan, martxoaren 4an, “All4Zero eta Net Zero Basque Industrial Supercluster: etorkizuneko industria bultzatzeko aliantza” ekitaldia egin dute Bilbon, BATen (B Accelerator Tower). Ingurumena zaintzeko soluzioak identifikatzeko eta garatzeko orduan berrikuntza eta teknologia funtsezko tresnak direla defendatzen du topaketa honek.

Gaur egun, industriaren isurpenek garrantzi handia dute, eta deskarbonizazioaren arloko aurrerapenen erritmoa ez da nahikoa aldaketa klimatikoaren aurkako borrokan hartutako konpromisoak betetzeko. Testuinguru horretan, Net-Zero Basque Industrial Super Cluster eta berrikuntza teknologikorako All4Zero Huba elkartu egin dira, 2050. urterako zero emisio izaten lagunduko duten soluzio teknologiko disruptiboak bilatzeko.

2023ko irailean aurkeztu zuten All4Zero Repsolek, Iberiak, Arcelor Mittalek eta Holcimek. Berrikuntza teknologikoko huba da, industriara bideratua, eta deskarbonizaziorako eta ekonomia zirkularrerako teknologiak garatzean zentratua. Indarrak eta baliabideak elkartzea du helburu, teknologien detekzio goiztiarrerako eta proba pilotuak eta kontzeptu-probak egiteko, hala, proiektuak baliozkotu eta industriara eramateko. Arcelor Mittal, Holcim, Iberia eta Repsolen bisio, konpromiso eta behar komunetatik jaio zen huba. Lau horiek erreferenteak dira berrikuntzan, ekonomia zirkularrean eta jasangarritasunean, eta deskarbonizazioa haien estrategietako ardatz garrantzitsua da.

Ekitaldia hasteko, Net-Zero Basque Industrial Super Cluster aurkeztu du Cristina Oyónek, SPRI Taldeko Teknologia, Berrikuntza eta Jasangarritasuneko zuzendariak. Sandra Blázquezek, Repsoleko Head of Open Innovationek, berriz, Hub All4Zero aurkeztu du. Jarraian, mahai-inguru bat egin dute, eta Arcelor Mittaleko, Holcimeko, Iberiako eta Repsoleko adituek industriaren erronkei buruz hausnartu dute. Horrez gain, All4Zeroren bost erronka teknologikoak aurkeztu dituzte; erronka horiek soluzio teknologiko disruptiboak bilatzen dituzte, 2050. urterako zero emisio garbi izatearen helburua lortzen lagunduko dutenak.

Erronka horiek lotuta daude Net-Zero Basque Industrial Super Clúster klusterrarekin. Euskadiko industrian isuri garbietarako trantsizioa bizkortzea da haren helburua, industria arloan kontsumo eta eraginkortasun energetikoaren deskarbonizazioa bultzatuz eta, aldi berean, garapen teknologikoan eta berrikuntzan oinarritutako merkatu-aukerak sortuz.

Ekimena Eusko Jaurlaritzako Ekonomiaren Garapen, Jasangarritasun eta Ingurumen Sailak bultzatu du SPRIren (Enpresen Garapenerako Euskal Agentzia) bidez eta Euskadiko bi energia-enpresa nagusiek hartu dute bertan parte: Iberdrolak eta Petronor Repsolek. Gainera, negutegi-efektuko gasen isuri handienak dituzten Euskadiko industriak biltzen dituzten kluster industrialen (Aclima, Siderex, AFV, paperaren klusterra) eta deskarbonizaziorako konponbideak eskain ditzaketen balio-katea ordezkatzen duen Energia Klusterraren babesa jaso du.

Net-Zero Basque Industrial Super Cluster ekimenarekin lotutako aurrerapen nagusiak dokumentu honetan daude ikusgai.

 

Lotutako albisteak

16 maiatza, 2024 Ingurumen-jasangarritasuna
Aclimak eta bere 21 bazkidek euskal ingurumen-sektorea aurkeztu dute IFAT 2024an ingurumen-teknologien garapenean erreferente gisa
Irakurri gehiago
Uraren Balioa. Topaketa. Kuartango 16 maiatza, 2024 Ekintzailetza
«Uraren balioa», Kuartango LAB-en topaketa
Irakurri gehiago
15 maiatza, 2024 Berrikuntza
Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa
Irakurri gehiago
14 maiatza, 2024 Azpiegiturak
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
Irakurri gehiago
13 maiatza, 2024 Ingurumen-jasangarritasuna
OnEin Kontserbak, Euskadin egindako kontserba ekologikoak
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak