Jorge González: “Mundu osoan dauden lau turbina eolikotik batek Ormazabalen babes-ekipoa du”

Jorge González, Ormazabalgo CEOa

Gaur egun, mundu osoan dauden lau turbina eolikotik bat Ormazabalen ekipo batek babesten du, eta Europako bost elektrolinera azkar edo ultra-azkarretik bat elektrizitatea banatzeko sarera konektatzen da Ormazabalen ekipoen bidez. Datu hauekin, Jorge González Ormazabalgo CEOak agerian utzi du euskal enpresak sektore elektrikoan duen lidergoa.

Helburu hori lortzeko, Gonzálezek azaldu duenez, “Ormazabalek ahalegin handia egin du I+Gn inbertitzeko. Izan ere, pasa den urtean 20 milioiko inbertsioa egin zen aplikazio horietarako soluzio espezifikoak garatzeko”. Apustu horri bere produktu guztien digitalizazioa edo datuen analisi-ekipo bat gehitu behar zaio.

Duela 55 urte sortu zenetik, Zamudion egoitza duen enpresak teknologia mundu globalizatuan mantentzen jakin izan du, eta multinazional handiak izan ditu lehian. “Banaketa elektrikoko sareetarako soluzioetan adituak gara, eta negozio-eremu zehatz horretan gure lehiakide handiek adina baliabide edo gehiago ditugu”, azaldu du Gonzálezek. Gaineratu duenez, “horri esker, gaur egun merkatuko soluzio-portafolio zabalena dugu, herrialde gehiagotan homologatua, bezero gehiagorekin homologatua…”

90eko hamarkadan energia berriztagarriak sortzeko instalazioetarako ekipoak hornitzen hasi zenetik, Ormazabalek mota guztietako ekipamenduak eskaini ditu, leku anitzetan: “Txinako Itsasoko, Ipar Itsasoko edo AEBko kostaldeko ‘offshore’ parke eolikoak, Atacamako basamortuko parke fotovoltaikoak, edo 4.000 metrotik gorako altuerako mendietako ekipoak egin ditugu” zuzendariak nabarmendu duenez. Hedapen horren ondorioz, “munduan sorkuntza berriztagarriko 100 GW-eko potentzia Ormazabaleko ekipoen banaketa-sarera konektatuta dago”.

Urteetan zehar, enpresak 1.000 langile baino gehiago batu ditu Euskadin, eta “horiei 1.500 inguru gehitu behar zaizkie, hornitzaile mota guztietan lan egiten dutenak, hala nola enpresa handietan, enpresa txiki eta ertainetan edo ‘startup’-etan, zeinak gure bezeroen arazoak konpontzen laguntzen diguten”, Gonzálezek argitu duenez.

Lotutako albisteak

17 apirila, 2024 Ingurumen-jasangarritasuna

Javier Albarrán: “Medusak ibilgailu elektrikoen flotak kargatzeko aukera ematen du, alferrikako potentzia elektrikoa oinarri bezala hartuz”

Irakurri gehiago

25 Marzo, 2024 Ingurumen-jasangarritasuna

Arkitecnicas: “Passivhaus estandarra da oraingoz dagoen eraikitzeko modurik onena”

Irakurri gehiago

12 Marzo, 2024 Ingurumen-jasangarritasuna

Mikel Peral (EPowerlabs): “Ibilgailu elektrikoa eraginkorra izan dadin, software eta elektronika asko eta motor eta osagai hobeak beharrezkoak dira”

Irakurri gehiago

29 urtarrila, 2024 Ingurumen-jasangarritasuna

“Echebastarren argi daukagu arrantza-sektorearen etorkizunak erantzukizuna eta berrikuntza eskatzen dituela”

Irakurri gehiago

15 abendua, 2023 Ingurumen-jasangarritasuna

Datorren ekitaldian % 20 haztea aurreikusten du Quimunsak

Irakurri gehiago

Joan blog-era