Ingurumen-jasangarritasuna
Elkarrizketak 31 abendua, 2024

EIA21ek gas berriztagarrietara eta energia garbietara bideratutako proiektuen ingeniaritzan jarri du arreta

Bizkaiko enpresak erreferente izan nahi du biogas, biometano, oxigeno edo hidrogeno berdearekin eta erregai sintetikoen ekoizpenarekin lotutako proiektuen garapenean, CO2 harrapaketa barne.
-

EIA21 enpresaren ibilbidea duela 40 urte baino gehiago hasi zen, Bizkaiko eta Tarragonako industria-esparruko ingeniaritza-beharrei erantzuteko helburuarekin. Gaur egun, gas berriztagarrietan eta energia garbietan oinarritutako proiektuak garatzen ditu, ez bakarrik Espainian, atzerrian ere bai. 

Erandion egoitza duen enpresak ingeniaritza-zerbitzuak eta baliabide teknikoak eskaintzen ditu, oinarrizko eta xehetasunezko ingeniaritzako proiektuen kudeaketa, jabetzaren ingeniaritza, eraikuntzaren ikuskapena eta martxan jartzea barne. Iñigo Puertollano Abascal EIA21eko zuzendari komertzialaren arabera, “gure 150 profesional baino gehiagoko plantillak, ingeniariak eta diseinatzaileak kontuan izanda, gure bezeroek behar dituzten garapen-eremuak estaltzen ditu”. Prozesu industrialen ingeniaritza, ekipo mekanikoak, obra zibila, egitura metalikoak, hodiak, malgutasuna, elektrizitatea, instrumentazioa eta kontrola eta BIM Management garatzen ditu Low Carbon Solutions, gas berriztagarriak, energia, kimika, ura, meatzaritza eta planta industrialen sektoreetan. 

Gas berriztagarrien proiektuei dagokienez, hainbat lerro gauzatzen ditu. Elektrolizagailuen bidez hidrogeno berdea ekoizteko oinarrizko ingeniaritza-proiektuak eta inbertsio-azterlanak garatzen ditu. Aldi berean, “upgrading sistemetako hainbat teknologorekin elkarlanean ari gara, abeltzaintzako hondakinetatik biometanoa ekoiztera bideratutako proiektuak garatzeko”, dio Iñigo Puertollano Abascalek. Halaber, bezeroekin batera, biometanoa ekoizteko proiektuen xehetasunezko ingeniaritzako proiektuen garapenean parte hartzen du, ekoizpen-ahalmen handikoak. Gainera, oxigenoa ekoizten eta banatzen duten enpresekin hainbat lankidetza ditu zabalik, “gas berriztagarrietara bideratutako ingeniaritzaren garapenean ditugun gaitasunak osatzen dituen arloa”. 

EIA21en negozio-ildo nagusiak honako hauek dira: EPCM modalitateko industria-instalazioen proiektuetan ingeniaritza-zerbitzuak garatzea, erosketak eta kontratuak kudeatzeko lanak barne; eta obrako zerbitzuak ematea, hala nola zuzendaritza fakultatiboa, plangintza, langileen hautaketa, materialen hornikuntza, erosketen kudeaketa, kostuak, industria-segurtasuna, kalitatea, obraren ikuskapena eta gainbegiratzea. 

Bere bulegoak penintsulan zehar banatuta daude –Estatu mailan Bilbon, Tarragonan eta Madrilen, baina baita Portugalen ere– eta mundu osoan eskaintzen ditu bere zerbitzuak. “Espainiako inbertsioen moteltzeak”, zuzendari komertzialak azaldu duenez, bultzatu zuen EIA21 atzerrian aukera berriak bilatzera. Gaur egun, besteak beste, Indonesia, Alemania, Bolivia, Mexiko, Erresuma Batua eta Qatarren burutzen ditu proiektuak. 

Etorkizunari begira, gas berriztagarriekin eta erregai sintetikoen ekoizpenarekin lotutako proiektuen garapenean erreferentziazko ingeniaritza izan nahi du. Hori lortzeko, “industria-teknologia berri bat garatzen ari gara, datozen urteetan asko erabiliko dena, egungo industriaren karbono-aztarna murriztera bideratuta”, amaitu du Iñigo Puertollano Abascalek. 

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.   

Lotutako albisteak

Wend-ek  harreman  sozialak  plan  errealekin  egindako  aplikazioaren  bidez  iraultzen  ditu
03/07/2025 Berrikuntza

Wend-ek harreman sozialak plan errealekin egindako aplikazioaren bidez iraultzen ditu

Euskal aplikazioak jende berria ezagutzeko berezkotasuna aisialdi partekatuaren bidez berreskuratzen du eta erabiltzailearen esperientzia hobetzeko berrikuntzaren alde egiten du.

Smart  to  Walk,  trekking-a  esperientzia  adimentsu  bihurtzen  duen  startup-a
03/07/2025 Ekintzailetza

Smart to Walk, trekking-a esperientzia adimentsu bihurtzen duen startup-a

Urdulizen jatorria duen enpresa honek, makila adimendun bat eta app osagarri bat sortu ditu mendi-ibiliak seguruagoak, sozialagoak eta konektatuagoak izan daitezen.

Lola  Verdoy  (Biosistemak):  “Osasun-sistemak  arreta  segurua,  kalitatezkoa  eta  pazientearengan  zentratua  bermatuko  duen  teknologia  behar  du”
02/07/2025 Zibersegurtasuna

Lola Verdoy (Biosistemak): “Osasun-sistemak arreta segurua, kalitatezkoa eta pazientearengan zentratua bermatuko duen teknologia behar du”

Biosistemak Osasun Sistemen Ikerketa Institutuko Proiektuen Koordinazio arduradunak osasun-sektoreko erronka teknologikoak eta zibersegurtasunekoak aztertu zituen CyberIndustry Congress 2025ean.

Nuuk  Mobility-k  Espainiako  bi  gurpileko  flotarik  handienak  kudeatzen  ditu

Nuuk Mobility-k Espainiako bi gurpileko flotarik handienak kudeatzen ditu

Bizkaiko enpresak 14.000 ibilgailu baino gehiago administratzen ditu Espainian eta Portugalen. Bere bezeroen artean Correos, Burger King edo Popeyes daude.

Kalmanek  makineriaren  arriskuetatik  babesten  duten  karenatuak  egiten  ditu
30/06/2025 Berrikuntza

Kalmanek makineriaren arriskuetatik babesten duten karenatuak egiten ditu

Gipuzkoako enpresak neurrira egindako zerbitzua eskaintzen du, galdaragintzako prozesu guztiak barne hartzen dituena, diseinutik hasi eta egiturak ebaki, tolestu, soldatu, muntatu eta margotzeraino.

Aitzgorri:  «Ezin  da  dibertsifikatu  berritu  gabe,  eta  geure  kasuan  hori  gertatzen  zen  robotikarekin»
30/06/2025 I+G+B

Aitzgorri: «Ezin da dibertsifikatu berritu gabe, eta geure kasuan hori gertatzen zen robotikarekin»

Gipuzkoako enpresa 35 urteko esperientzia du galdaragintza astunaren sektoreko erreferente moduan, eta ekarpenak egiten dizkie I+G prozesuei eta teknologia aurreratuari

Developair-ek  AA  aplikatzen  du  software  tresnen  belaunaldi  berri  bat  sortzeko

Developair-ek AA aplikatzen du software tresnen belaunaldi berri bat sortzeko

Donostiako startupak hainbat soluzio eskaintzen ditu industriarako, hala nola trenbide aeroespaziala, energia, automobilgintza eta medikuntzarako, besteak beste.

Erakarrek  LED  panel  jasangarri  eta  adimendunak  fabrikatzen  ditu

Erakarrek LED panel jasangarri eta adimendunak fabrikatzen ditu

Gipuzkoako enpresak tinta elektronikoaren teknologia sartu berri du bere eskaintzan, energia kontsumo baxuarekin eta ikuspen handiarekin.

Cimico:  “Gure  teknologiek  funtsezko  abantaila  teknikoak  eskaintzen  dituzte  hondakin-uren  tratamendu  biologikorako”
26/06/2025 I+G+B

Cimico: “Gure teknologiek funtsezko abantaila teknikoak eskaintzen dituzte hondakin-uren tratamendu biologikorako”

Gipuzkoako enpresak irtenbide berritzaileak sortzen ditu bere sektorean, Estatuko zein nazioarteko proiektuekin. Gainera, AnIFAS proiektuan lan egiten du, Hazitek programaren laguntzarekin eta oxigenorik gabeko tratamendurako teknologia bat garatzen zentratuta.

RKL  Integral-ek  larrialdietarako  planak  prozesu  digital  adimendunetan  bihurtzen  ditu

RKL Integral-ek larrialdietarako planak prozesu digital adimendunetan bihurtzen ditu

Enpresa bizkaitarrak VES izeneko software bat garatu du, segurtasun integraleko planak digitalizatzen eta automatizatzen dituena.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.