Datorren ekitaldian % 20 haztea aurreikusten du Quimunsak
Izurriak kontrolatzeko eta maskotak zaintzeko ingurumen-osasuneko produktuak eta soluzioak garatzen eta fabrikatzen liderra da EAEko Quimunsa ETEa. 51 urte daramatza lan horretan, Mungiako 11.000 m2-ko instalazioetan. Gaur egun hogeita hamar langile baino gehiago ditu enpresak, eta merkatu nazionaleko marka liderra sendotzen laguntzen dute horiek egunez egun. 500 produktutik gora ditu enpresak, eta Europako, Afrikako eta Amerikako herrialdeetara esportatzen ditu, José Manuel Alonso zuzendari nagusiaren hitzetan.
Gaur egungo ziurgabetasun-egoeran (inflazioa, kostu energetikoen eta lehengaien kostuaren igoera, Ukrainako gerra…), zer moduz doakizue?
Moldatzen gara. Nahiko ondo doakigu. Kostuen igoerak asko eragiten dio gure ekoizpenari, baina egokitu egin behar da, eta aurrera egiten saiatu.
Zuen sektoreko liderrak zarete, ezta?
Guk bi hanka ditugu. Batetik, animalien zaintza, desparasitatzekoak, pipetak, xanpuak, sendagaiak… Eta, bestetik, ingurumen-osasunaren arloa dugu; etxeko eta erabilera profesionaleko intsektizidetan oinarritzen da hori. Eta bai, bi adar horietan liderrak gara.
Eta nola iritsi zarete lidergo horretara?
Bi giltzarri daude: batetik, erregistroetara egokitzea; hori ez da erraza, beharrezkoak baitira inbertsio handia, ezagutza, molekulak ongi aukeratzea eta mundu osoan zehar ditugun bazkide eta partnerrak. Eta, bestetik, oso garrantzitsua da enpresa hau osatzen duen giza taldea. Oso jende prestatua, gorantz egiteko gogo handia duena, batez ere, une hauetan. Nire kasuan, bi urte daramatzat enpresa honetan, baina topatu dudan lantaldea paregabea da. Eta, noski, hori da aurrera egiten jarraitu ahal izateko giltzarrietako bat.
Hazteko potentzial handia duen ETE bat zarete zuek…
Hori uste dugu. Proiektu asko ditugu aurrean, eta hazteko aurreikuspenak ditugu. Eusko Jaurlaritzak berrikuntzaren eta garapenaren arloan ematen dituen laguntza batzuk baliatzen ari gara. Eta gure ideiak eta proiektuak gustukoak dira. Hortaz, datozen urteetan Quimunsa nabarmen haziko dela espero dugu.
Noizean behin intsektuen izurri bat izaten da, eta izurri horietako asko lotuta daude aldaketa klimatikoarekin edo tenperaturen igoerarekin. Zuek ere kontuan hartzen duzue agertoki hori?
Izurriak beti daude. Espezie batenak edo bestearenak, baina beti daude. Oraintxe bertan zimitzen izurria da gehien entzuten dena, eta horretarako baditugu produktu zehatzak. Baina bai, agerikoa den moduan, aldaketa klimatikoak eragina du, azken finean hezetasuna eta beroa gustatzen baitzaizkie zomorroei. Zoritxarrez, azken urteetan zirkunstantzia horiek agertu dira, eta klima aldatzen ari dela baieztatu da.
Egurra tratatzeko produktuek osatzen dute enpresaren atal garrantzitsuenetako bat, ezta?
Quimunsa oso ezaguna da Corpol markarengatik, batez ere, Euskal Herrian. Oso errotuta dago, eta egurra tratatzeko marka horrengatik ezagutzen gaituzte gehienek. Hemengo baserri asko tratatu dituzte gure produktuekin. Espainia mailan ere eraikin oso ospetsuak tratatu ditugu gure produktuekin.
Zer produktu eskatzen dituzte gehien beste herrialde batzuek?
Herrialdearen araberakoa da. Gure produktuek osasun-erregistroak edo ingurumen-autoritateen erregistroak behar dituzte. Hortaz, ezin dugu gure produktuen gama osoa esportatu. Era berean, une honetan arrakasta handia izaten ari gara Masterfly Bait izeneko produktuarekin. Abere-ustiategietarako amu bat da, euliak harrapatzeko. Arratoientzako pozoien gama oso bat ere badugu; gure produktuen gamako klasikoak dira, eta Europa osoan zehar saltzen ditugu. Orain asko saltzen ari gara Afrikan eta Ekialde Ertainean; eta Hego Amerikan merkatua irekitzen ari gara.
Zer aurreikuspen dituzue 2024rako?
Baikorrak gara, eta % 20 inguru haziko garela uste dugu. Lege-arauen eremuan mugitzen gara, eta askotan burokraziak gelditu egiten du gure hazkundea. Hortaz, egindako erregistro eta eskaera jakin batzuk lortzeko itxaropena dugu.
% 20 asko da…
Hala da, bai. Baina lortzeko moduan gaudela uste dugu. Esportazioa giltzarria izango da; herrialde gehiagotara zabaltzen ari gara, produktu gehiagorekin, eta horrek emaitzak izango ditu fakturazioan.
Zuen portfolioa handitzeko edo merkatu berrietarako sarbidea errazteko beste enpresa batzuk erostea aurreikusten duzue?
Bai, pentsatu izan dugu, eta saiatu ere bai. Ez da erraza, baina proiektua handitzeko prest gaude. Gaur egun giltzarria da. Gure bezeroak elkartzen ari dira, hornitzaileak ere bai, eta handiagoak dira. Eta aliantza mota horiekin lehiatu ahal izateko, beste enpresa batzuk behar dira.
Lotutako albisteak
Krean Taldeak Euskadiko teknologia-parkeko eraikin nagusia berrituko du
Kooperatiba eraikin beregain eta jasangarri bat ari da prestatzen energia-ikuspegi batetik, karbono-aztarna murrizteko
Lezama Demoliciones, eraispena ia artea denean
Trapagaranen egoitza duen Bizkaiko enpresak 30. urteurrena ospatu du Estatuko erreferente gisa eraispen industrialeko esparruan.
Miramoon Pharmak zelulen heriotza geldiarazteko gai diren molekula taldea garatzen du
Biogipuzkoa Osasun Ikerketa Institutuaren eta Euskal Herriko Unibertsitatearen (UPV-EHU) spin-off-ak hiru patologia neurodegeneratibo mota desberdin tratatu nahi ditu.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Ormazabalek 20 milioi inbertitu ditu Igorreko lantegian bere industria ahalmena handitzeko
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.