Ekintzailetza Eraldaketa digitala Zibersegurtasuna
Albisteak 10 otsaila, 2021

Zibersegurtasun arloko hiru euskal startup aukeratuak izan dira BIND 4.0 programa arrakastatsurako

Hauexek dira: CodeContract, Eurocybcar eta RKL Integral
-

 

Zibersegurtasun arloko hiru euskal startup aukeratuak izan dira BIND 4.0 programaren bosgarren edizioan. BIND 4.0 industria adimenduneko berrikuntza irekiaren plataforma da eta Eusko Jaurlaritzak sustatzen du. Hauek izan dira aukeratutako startup-ak: CodeContract, Eurocybcar eta RKL Integral. Hirurak dira zibersegurtasunaren euskal ekosistemako kideak. Ekosistema hori duela 3 urte hasi zen bultzatzen, hain zuzen, Basque Cybersecurity Centre-Zibersegurtasunerako Euskal Zentroa (BCSC) sortu zenean, zeinari esker Euskadi punta-puntako Hub bat bihurtu baita Europan.

 

CodeContract enpresa bizkaitarrak Elecnor Taldearekin batera garatuko du bere proiektua. Beren helburua da urtero egiten diren IT garapenak denbora errealean kontrolatzea eta trazatzea Blockchain teknologiari esker. Jarduera-txosten horiek, zeintzuk onartuta dauden legezko froga bezala, aukera ematen dute abokatu edo peritu informatikoen aurrean aurkeztuko diren ebidentzia digital frogagarriak sortzeko. Funtsean, helburua da Elecnor enpresaren auditoretza-prozesuak sinplifikatzea, eta horrela, jardunbide egokietara bideratutako enpresa gisa duen gardentasun-maila handitzea; horretarako, negozio-prozesuak modu autonomo eta automatikoan gauzatzen dira, bitartekaririk gabe. Gainera, informazio guztia goitik behera enkriptatzen da.

 

Arabako oinarri teknologikoko Eurocybcar enpresak ibilgailu baten zibersegurtasun-maila neurtzeko munduko lehen testa garatu du: Eurocybcar testa. Test horrekin ziurtatzen du auto, autobus, kamioi, furgoneta edo atoi batek betetzen dituela ONU/UNECE WP.29 arauan ezarritako baldintza guztiak, eta V2X komunikazioen zibersegurtasun-maila ere ebaluatzen du (barne daudelarik V2D komunikazioak, hau da, ibilgailutik gailuranzkoak). BIND 4.0 programan gailu mugikorren zibersegurtasun-ahuluneei buruz duen esperientzia eta ezagutza aplikatuko ditu, Euskaltel izan dadin erabiltzaileen gailu mugikorretako zibersegurtasunaz arduratuko den munduko lehen telekomunikazio operatzailea.

 

Bizkaian kokatutako RKL integral enpresak aholkularitzako eta ingeniaritzako zerbitzu profesional independenteak eskaintzen ditu segurtasun integralaren arloan, arriskuen analisiaren foku nagusitik abiatuta. Orona konpainiak aukeratu du autobabes eta larrialdi planak garatzeko. Proiektu aitzindaria izango da antolakunde baten segurtasun-eredu integralaren eraldaketa digitalari begira, non berebiziko garrantzia duen azpiegitura  aztertzeko eta operatzeko moduak.

 

Hiru enpresa horiek BIND programan hautatuko 15 euskal startup-en multzora biltzen dira. Hauek dira programan parte hartuko duten gainerako enpresak: Aotech, Aplanet, Asimob, Grabit Retail, Hodeia Digital, Sticker Control; I2U, Onena Medicine, Savvy Data Systems, 3R3D Technology Materials, Ega Solutions eta Inalia Innovación y Desarrollo.

 

BIND programaren bosgarren edizio honetan 31 enpresa gorakor hautatu dira, zeintzuek 4.0 Industriarekin lotutako 40 proiektu garatuko baitituzte. Hauexek dira aurten ardatz hartuko diren teknologia batzuk: Gauzen Interneta (IoT), Adimen Artifiziala, Big Data eta Ikusmen Artifiziala, zibersegurtasuna, robotika eta Blockchain.

 

BIND Ekonomi Garapen, Jasangarritasun eta Ingurumen Sailaren ekimen publiko-pribatu bat da, SPRI Taldearen eta ekintzailetzaren euskal ekosistemako UpEuskadi plataformaren bitartez kudeatzen dena. Mundu mailako erreferente bat bihurtu da berrikuntza irekiaren eta 4.0 Industriaren azelerazioan, egoitza Euskadin duten industria, energia, osasun eta elikadura sektoreko enpresa garrantzitsuen inplikazioari esker.

 

Hona hemen ekimen honetan parte hartzen duten enpresa handi batzuk: Mercedes-Benz, Ferrovial Servicios, Siemens Gamesa, Quirónsalud, Coca-Cola European Partners, Eroski, Iberdrola eta Unilever. 2016an martxan jarri zenetik 2.400 hautagaitza baino gehiago jaso ondoren, azelerazio-programa honek Euskadiren posizioa indartu du nazioartean erreferentziazkoa den berrikuntza industrialeko ekosistema gisa.  Horregatik, startup-ek BIND 4.0 programaren aldeko apustua egiten jarraitzen dute, aukera ematen dielako erreferentziazko bezeroen bidez merkatura azkarrago iristeko.

 

BIND 4.0 irabazle hautatu dute Europako Batzordeko Barne Merkatu, Industria, Ekintzailetza eta ETEen Zuzendaritza Nagusiak antolatzen duen Enpresen Sustapeneko Europako Sariketaren XIV. edizioan, enpresa-ingurunea hobetzeko kategorian.  Sari horrek aitortza egiten die enpresen sorkuntza eta hazkundea sustatzeko eta enpresa txiki eta ertainen lege- eta administrazio-prozedurak sinplifikatzeko Estatuan, eskualdean edo maila lokalean abiarazi diren politika berritzaileei.

 

Aurreko edizioetan hautatuak izan diren startup-en % 70ek lanean jarraitzen dute BIND 4.0 programako trakzio-enpresekin. Gaur egun, egoitza Euskadin duten 57 enpresa liderrek parte hartzen dute programa honetan, eta baditu nazioarteko kolaboratzaile teknologikoak ere, hala nola Siemens, Microsoft eta Amazon Web Services.

 

Lotutako albisteak

Ulma  Medical  Technologiesek  AA  erabiliz  itsutasun  diabetikoa  prebenitzeko  lehen  sistema  bultzatu  du  Lehen  Mailako  Arretan

Ulma Medical Technologiesek AA erabiliz itsutasun diabetikoa prebenitzeko lehen sistema bultzatu du Lehen Mailako Arretan

Errioxa erkidego aitzindaria da bere osasun zentroetan erretinopatia diabetikoaren baheketarako irtenbide automatizatu bat ezartzen

Eusko  Jaurlaritza  sozietate  publikoen  digitalizazioa  hobetzeko  soluzio  berritzaileak  dituzten  startupen  bila  dabil
15/07/2025 Up Euskadi

Eusko Jaurlaritza sozietate publikoen digitalizazioa hobetzeko soluzio berritzaileak dituzten startupen bila dabil

BIND GovTech ekimenaren hirugarren deialdia abuztuaren 4ra arte egongo da zabalik. 

DESI  2024  txostenak  baieztatu  du  Euskal  Autonomia  Erkidegoaren  digitalizazioa  erritmo  onean  doala  aurrera

DESI 2024 txostenak baieztatu du Euskal Autonomia Erkidegoaren digitalizazioa erritmo onean doala aurrera

Euskal Autonomia Erkidegoko Ekonomia eta Gizarte Digitalari buruzko azterlanak azpiegitura digitaletan lurraldeak Europa mailan duen lidergoa nabarmentzen du

KAUDATU:  Euskal  enpresentzako  digitalizazio  seguru  eta  jasangarria

KAUDATU: Euskal enpresentzako digitalizazio seguru eta jasangarria

KAUDATUren web plataforma errazten du eIDAS 2 araudian oinarritutako digitalizazioa, eta enpresei eskaintzen dizkie lege-betekizunak eta datuen pribatutasuna betetzeko beharrezko tresnak, digitalizazio arduratsu baterantz aurrera egiteko bidean

Aurrekontuak  berriro  zabalduko  ditugu,  adimen  artifizialeko  teknologiak  barne  hartzen  dituzten  eta  Euskadiko  enpresen  datuen  azpiegitura  optimizatzen  duten  proiektuak  babesteko.

Aurrekontuak berriro zabalduko ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.

Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

Cybasquek  eta  Cyberlurrek  lankidetza  estua  hasi  dute  zibersegurtasunaren  sektorea  indartzeko  Euskadin
09/07/2025 Zibersegurtasuna

Cybasquek eta Cyberlurrek lankidetza estua hasi dute zibersegurtasunaren sektorea indartzeko Euskadin

Akordioa sinatu ondoren, Cybasqueko kide diren enpresak baldintza onuragarrietan sartu ahal izango dira Cyberlur elkargoan

Seinalek  enpresei  beren  informazioa  edozein  mehatxuren  aurrean  babesten  laguntzen  die
08/07/2025 Zibersegurtasuna

Seinalek enpresei beren informazioa edozein mehatxuren aurrean babesten laguntzen die

20 urte baino gehiagoko esperientziarekin, Seinale zibersegurtasunean eta Zuzenbide Digitalean espezializatutako konpainia gisa finkatu da

SPRI  Taldeak  adimen  artifizialari  buruzko  sei  tailer  antolatuko  ditu  Euskal  Encounterren

SPRI Taldeak adimen artifizialari buruzko sei tailer antolatuko ditu Euskal Encounterren

Hilabete honetako 24tik 26ra egingo dira eta izen-emateak (doakoak) irekita daude dagoeneko

SPRI  Europako  Zibersegurtasun  Erakundean  (ECSO)  sartu  da
03/07/2025 Zibersegurtasuna

SPRI Europako Zibersegurtasun Erakundean (ECSO) sartu da

ECSOk Europako zibersegurtasuneko sektore publikoa eta pribatua biltzen ditu. Guillermo Unamuno izango da SPRIren ordezkaria

Eusko  Jaurlaritzak  ekintzailetzaren  aldeko  apustua  berretsi  du  “herrialde  mailako  apustu”  gisa,  ekosistema  ekintzaileko  400  profesional  biltzen  dituen  BIND  Demo  Day  ekimenaren  bederatzigarren  edizioan
03/07/2025 Ekintzailetza

Eusko Jaurlaritzak ekintzailetzaren aldeko apustua berretsi du “herrialde mailako apustu” gisa, ekosistema ekintzaileko 400 profesional biltzen dituen BIND Demo Day ekimenaren bederatzigarren edizioan

Kursaalen egingo da BIND Demo Day jardunaldiaren 9. edizioa, 20 startupekin eta Euskal Autonomia Erkidegoko industria-ekosistemako 400 parte-hartzaile baino gehiagorekin

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.