Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 23 otsaila, 2024 Digitalizazioa Kloud programa

Safybox, azpiegitura sentikorretarako babes-kaxak fabrikatzen dituen euskal enpresa bakarra

Lezamako enpresak produktuen 300 erreferentzia baino gehiago ditu, eta SPRI Taldearen Kloud programako laguntza bat jaso du
Argiñe Uriarte, enpresako CEOa.

Elektrizitatearen, uraren, gasaren edo telekomunikazioen gisako azpiegitura sentikorretarako babes-kaxak fabrikatzen dituen Euskadiko enpresa bakarra da Safybox, eta Bizkaiko Lezama herrian dago kokatuta. 72 urte ditu enpresak, eta produktuen 300 erreferentzia baino gehiago. Eskarien % 90 esportatu egiten du. Enpresak SPRI Taldearen Kloud programaren laguntza bat jaso du. Zerbitzu, datu eta aplikazio informatiko guztiak Cloud eremuetara migratzen laguntzen die programa horrek EAEko enpresei. SPRI Taldeak EAEko enpresei beren proiektuak ezagutarazteko aukera eskaintzen die “Zutaz mintzo gara” egitasmoaren bidez.

Javier eta Baltasar Uriartek (egungo jabeen aita eta aitona) 1952. urtean sortu zuten Safybox, bidoietarako tapoiak fabrikatzeko. Une hartan, Espainian jarduera hori egiten zuen enpresa bakarra zen. Ondoren, piezen mekanizazio-tailer bat izatera pasatu zen. “Eta tapoiak egiten zituen makina bat asmatu zuten. Orduan Iberduerok burdinurtuzko kaxak behar zituen elektrizitatea banatzeko, hortaz, makinak egiten hasi ginen 60ko urteen hasieran”, esan du Argiñe Uriartek, enpresako CEOak.

70eko hamarkadan elektrizitate-, ur-, gas- edo telekomunikazio-ekipoetarako inguratzaileen merkatuan sartu ziren. Enpresak hauteman zuen kaxa mota horietarako ez zegoela metalikoa ez zen materialik, eta burdinurtutik poliesterrera igaro ziren.

1983an uholdeek hartu zuten une hartan Bilboko Abusu auzoan zuten lantegia (uholde handiek gehien kaltetu zuten auzoetako bat izan zen). “Dena galdu genuen, eta urtebete egon ginen ezer ekoitzi gabe. Hutsetik hasi behar izan genuen”. Orduan pasatu ziren egungo kokalekura, Lezamara.

Beste mugarri garrantzitsu bat 1996 ingurukoa izan zen, nazioartekotu egin baitziren. Hala, 2005ean fabrikak ezarri zituzten Polonian eta Portugalen. Eskarien % 90 esportatu egiten du orain enpresak, 70 herrialdetara baino gehiagotara. Eta hiru ekoizpen-lantegi ditu, bi atzerrian eta bat Lezaman.

Inguratzaile ez metalikoak eskaintzen dituzte. Beira-zuntzez indartutako poliesterrarekin egindako kaxak eta armairuak dira. Elektrizitate-, ur-, gas- edo telekomunikazio-ekipoak babesten dituzte horiek. “Euskadi mailako fabrikatzaile bakarrak gara”.

Safyboxek produktuen 300 erreferentzia baino gehiago ditu, eta askotariko sektoreetako bezeroak ditu: sektore fotovoltaikoa, sektore elektrikoa, ur-hornidura, sentsorika edo trengintza. Azken horren kasuan, trenbide-orratzak aldatzeko kaxak egiten dituzte.

Ia 250 langile ditu eta urteko fakturazioa 25 milioi euro ingurukoa da. “I+G oso garrantzitsua da guretzat, eta inbertsio handia egiten dugu molde, diseinu eta sistema informatiko berrietan”.

SPRI Taldearen Kloud programaren laguntza prozesuak digitalizatzeko, sistema informatikoetarako, zerbitzariak erosteko eta datuak hodeira igotzeko erabili dugu. Iaz SPRIren beste laguntza bat jaso zuten, Gauzatu Nazioarteko Programakoa, Poloniako fabrika handitzeko.

Sektore elektrikorako kanpoko armairuen gama berri bat (nazioarteko estandarra duena) ateratzea da enpresaren erronketako bat. “Gainera, merkatua bultzatu nahi dugu Hego Amerikan, eta adimen artifizialarekin jarraitu nahi dugu, merkatuaren azterketak modu automatizatuan eta oso modu zehatzean egiteko”.

Lotutako albisteak

23 apirila, 2024 Digitalizazioa
SPRIk Hannover Messe 2024 azokan dauden Euskadiko enpresei lagunduko die
Irakurri gehiago
18 apirila, 2024 Digitalizazioa
Hobycasa, aurrez fabrikatutako egurrezko etxeen arloan liderra den Gasteizko enpresa
Irakurri gehiago
12 apirila, 2024 Digitalizazioa
Lau ekintzailek plataforma bat sortu dute 4.0. Industriako proiektuak online kudeatzeko
Irakurri gehiago
12 apirila, 2024 Digitalizazioa
ScrapAdek hondakinen salerosketa-prozesua errazten die mundu osoko enpresei
Irakurri gehiago
5 apirila, 2024 Digitalizazioa
Zure enpresa industria adimendun bilakatzen laguntzen dizu Smart Industry programak
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak