Euskal enpresaren blog-a Zure enpresarentzat garrantzitsua den eguneroko informazioa

25 ekaina, 2020
Onlineko prozesu kolaboratiboak errazteko tresnak

 

Mondragon Unibertsitateak eta Teamlabs-ek gidaliburu bat argitaratu dute kolaborazio-dinamikak egiteko antolakundeetan

 

Azken hilabeteetan, gero eta tresna digital gehiago erabiltzen dira proiektu kolaboratiboak garatzeko, ikasketetarako edo antolakundeen barruan erabakiak hartzeko. Hala hezkuntza-inguruneetan nola enpresetan, lantaldeek azkar baino azkarrago murgildu behar izan dute teknologia berrietan eta onlineko inguruneekin lotutako antolakuntza-moduetan. Erronka handia da tresna digital berriak erabiltzea pertsona talde zabal batekin egiten diren prozesu kolaboratiboetan, baina, era berean, aukera asko irekitzen dira.

 

Giza eta Hezkuntza Zientzien Fakultateak eta Teamlabs-ek Herramientas para la facilitación del aprendizaje colaborativo en entornos digitales izeneko gidaliburua argitaratu dute. Argitalpen horren helburua da laguntza ematea urruneko kolaborazio-dinamikak ahalbidetu behar dituzten pertsona edo lantaldeei, eta beraizik zuzentzen zaie irakasleei, nahiz lanerako eta erabakiak hartzeko onlineko prozesuak aztertu nahi dituzten antolakunde eta enpresei.

 

Gidaliburuan jasotzen dira proiektu bat ingurune digitaletan abiatzeko egin beharreko urratsak, eta horrekin batera, fase bakoitzean baliagarri izan daitezkeen tresnak ere aipatzen dira. Gidaliburuaren egile eta Mondragon Unibertsitateko Lit masterreko zuzendarikide Beatriz Garcíak azaldu duenez, argitalpena “beraizik zuzentzen zaie arlo digitala sakonago aztertu eta lankidetzarako urruneko dinamikak sortzeko erronka zailari aurre egin behar dioten pertsonei”.

 

Gidaliburuak eskaintzen dituen gomendioen artean aipatzekoa da IDOARRT tresna, proiektu baten ibilbide-orriak kolektiboki diseinatzeko estrategia bat, zeinaren bidez galdera garrantzitsu batzuk egiten baitira: zein da helburua, zein emaitza espezifiko lortu nahi dira, zein rol hartuko du pertsona bakoitzak, eta zenbat denbora eskaini behar zaio prozesuari. Lan kolaboratiboari dagokionez, argitalpenak hainbat teknologia proposatzen ditu: arbel birtualak, erabakiak hartzeko plataformak (adibidez Loomio) edo prototipoak dokumentatzeko tresnak (adibidez docART).

 

eBook horrek orobat barne hartzen ditu horrelako prozesuak errazteko hainbat giltzarri eta gomendio, horrela esperientzia hobetzeko, pertsonen inplikazioa zaintzeko eta parte-hartzaile guztiek barneratu dituzten ikaskuntzak partekatzeko.

IKTak 29 ekaina, 2020
Gestionet: “Langabetuei laguntzen ari gara, euren prestakuntza eta gaitasunak berrorientatu ditzaten lan merkatuan sartzeko”

  Konpainia bizkaitarrak gamifikazio-tresnak garatzen ditu, tresna horien bidez jakiteko...Leer más

IKTak 18 ekaina, 2020
Yetplan, udan txikizkako merkataritza eta tokiko turismoa bultzatzeko aplikazioa

  Doako plataforma horretan posible da erreserbak egitea tabernetan eta edukiera mugatua...Leer más

induistria digitala
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Semantic Systems
IKTak 12 ekaina, 2020
Digitalizazioak eskaintza pertsonalizatuen bidez komertzializazio lanean laguntzen du, azoka faltari aurre egiteko

Pandemiaren eraginez, enpresa askoren komertzializazio arloetan bere lana egiteko modua erabat...Leer más

IKTak 1 ekaina, 2020
Ikusi-k indartu egin ditu 4.0 Industriara eta eraldaketa digitalera bideratutako zerbitzuak

  Euskal konpainia datuen bilketa eta analisiarekin lotutako proiektuetan zentratzen da,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?