Moon mahai-jokoak ordenagailu batek bezala pentsatzen irakasten du
Proiektu honen helburua da neska-mutilen pentsamendu konputazionala garatzen laguntzea.
1969an Eagle modulua ilargira iritsi zen, baina ordenagailuak hainbat akats detektatu zituen ilargiratu baino 3 minutu lehenago, eta softwareagatik izan ez balitz istripu hilgarri bat gertatuko zatekeen. Ez zen istripurik gertatu, konputagailuak behar besteko adimena izan zuelako gertatzen ari zena detektatzeko eta astronautak ohartarazteko. Sistema informatiko hura Margaret Hamiltonek (MITeko software ingeniaritza zentroko zuzendariak) lideratutako lantaldeak diseinatu zuen.
Moon jokoak istorio hura berreskuratu du, jokalariak Eagle ordenagailuaren paperean jartzen dituelarik ilargiratu aurreko 3 minutuetan. Operazio desberdinak irudikatzen dituzten kartak erabiliz, proiektuak jokalariei laguntzen die hobeto ulertzen pentsamendu konputazionalaren funtzionamendua. Pablo Garaizarrek, informatikako ingeniari eta Deustuko Unibertsitateko irakasleak, diseinatu du jokoa Compus proiektuaren markoan. Deusto Learning Lab ikerketa-taldearen barruan bultzatutako ekimen horren xedea da pentsamendu konputazionalarekin lotutako joko-bilduma bat osatzea.
“STEAM arloak landu nahi ditugu, eta, batik bat, pentsamendu konputazionala, funtsezko gaitasuna baita alfabetatze digital berriaren barruan” azaldu du Pablo Garaizarrek, “gaitasun hori dutenak gai dira arazo bat eta konponbide bat formulatzeko, arazoa ordenagailu bati aurkeztu izan bagenio bezala”. Compus proiektuarekin, lantaldeak offlineko jokoak garatu ditu, edozein tokitan deskargatu eta inprimatzeko. “Aspaldi honetan entxuferik gabeko informatikako tailerrak egiten ari gara, hau da, kontzeptu informatikoak erabiltzen ikasten dugu arkatza eta papera edo kartak erabiliz. Kontzeptu horiek ikastea zaila izaten da batzuetan, eta errazago ulertzen dira materialak manipulatuz”.
Pentsamendu konputazionaleko beste jolas hezigarri batzuk ez bezala, Moon jokoaren helburua ez da programatzen ikastea, baizik eta ulertzea nola egiten diren operazio matematikoak modu bitarrean eta nola deskonposatu daitezkeen arazoak. Jokoa dohainik deskargatu daiteke, eta 11 urtetik aurrerako neska-mutilei zuzentzen zaie.
Compus proiektuaren helburuetako bat da bokazio zientifikoak sustatzea, batez ere nesken artean. Horregatik, Moon jokoak Margaret Hamilton-en lana berreskuratu du, software aeroespazialaren garapenean izan zuen paper garrantzitsua aldarrikatuz. Lehen proiektu horren ostean, Deusto Learning Lab taldeak mahai-joko gehiago diseinatu nahi ditu Compus plataforman sartzeko.
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.
Hazinnovaren eskutik Estatu Batuetan haztea du helburu Rob-Jor enpresak
Manikurako eta pedikurako produktuak fabrikatzen dituen enpresa arabarra industria mota horretako fabrikatzaile europar bakarrenetakoa da, eta berrikuntzaren eta pertsonalizazioaren alde egiten du Asiako lehiakortasunaren aurka borrokatzeko.
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da