Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 13 otsaila, 2018 Digitalizazioa Enpresa digitala

Enpresa industrialetan estrategia digitala ezartzearen erronka

SPRI Taldeak antolatutako jardunaldi batean hizpide hartu dira negozioa Internet bidez handitzeko moduak
Ihardunaldiaren momentu bat.

SPRI Taldeak antolatutako jardunaldi batean hizpide hartu dira negozioa Internet bidez handitzeko moduak.

Guillermo Villaroig adituak adierazi du enpresa txikiek abantaila dutela ezarpen digitalari dagokionean, “arinagoak direlako”.

 

Interneten etengabeko hazkundearekin web orriak funtsezko tresna bihurtu dira produktu industrialak saltzeko. SPRI Taldeak –enpresen garapenerako euskal agentziak- Bizkaiko Zientzia eta Teknologia Parkean antolatutako jardunaldi batean hizpide hartu da zer egin behar den enpresa industrialetan estrategia digitala merkataritza plan tradizionalarekin integratzeko.

 

Overalia enpresako Guiillermo Villaroig adituak esan du salmenta sail tradizionala eta marketin arloa deskoordinatuta daudela konpainia industrial askotan. Villaroigen arabera, bide digitalak aukerak handitzen ditu bezero berriak atzemateko eta bertako zein nazioarteko lehiakideen gainetik nabarmentzeko.

 

Adituak aipatu du Internet bidezko inpaktua eta salmenta-sare tradizionalaren inpaktua elkarrekin uztartu behar direla. “Kalitatezko trafikoa lortu behar da webean, ezagutzen ez gaituzten eta bezerotzat izan nahi ditugun pertsonekin konektatu nahi bada. Horretarako, oso garrantzitsuak dira eduki-planak, bilaketen eta gako-hitzen mapeatzean oinarritzen direnak. Baina inork ezin dizu bermatu ikusgarritasuna izango duzunik”.

 

“Egunero jasotzen dut e-posta bat, webeko bisita anonimoen berri ematen didana.  Informazio hortik abiatuta hasten zara gauzak aztertzen. Adibidez, ikusi dugu 2008an egin genuen blog batek trafikoa sortzen duela oraindik ere” esan du Guillermo Villaroigek.

 

Adituak azpimarratu du zein garrantzitsua den datuak gaizki ez erabiltzea, eta esan du aukera ugari daudela tarifak eguneratzen eta katalogoak berritzen aritzen diren enpresentzat. E-posta bidezko bidalketak egin beharrean, gomendatu die “onlineko plataformak erabiltzeko, doakoak edo oso merkeak direlako”.

 

Villaroigek esan du enpresei ez zaiela interesatzen beren web orrian trafiko handia izatea, “trafiko hori ez bada salmenta bihurtzen”.  Adibide bezala aipatu ditu estrategia digitalaren bidez negozioa handitu duten konpainia batzuk: Serrats enpresak offline bakarrik funtzionatzen zuen, baina onlineko lider izatera iritsi zen elikadura sektorean, web orrian jasotzen zituen bisitak %800 ugarituz; Recambios Viaweb-ek, autoen ordezko piezekin lan egiten zuen enpresa batek, milioi bat euroko fakturazioa izan zuen bederatzi hilabetean; eta paketatze sektoreko Raiformo enpresak %50 emendatu zituen bere salmentak. “Kasuen %90ean emaitza onak lortzen dira planari jarraituz gero”.

 

Zer gertatzen da plana eraginkorra ez denean? galdetu du Villaroigek. “Merkatua izugarri heldua da eta ikerketa-lan handia egin behar da, eta informazio horretatik abiatuta presentzia digitaleko plan bat prestatu, bertan zehaztuz nola neurtu eta optimizatu merkatua. Hori guztia daukagularik, marketina eta salmentak uztartu ditugularik eta enpresako zuzendaritzaren babesa dugularik, hurrengo urratsa da diseinua eta edukien kudeatzailea sortzea”.

 

Villaroigek orobat aipatu du badela estrategia digitala ezartzeko prozesuetan ohikoa den beste arazo bat, ez baita erraza enpresako pertsona egokiarekin kontaktatzea. “Ez dugu jakiten norengana jo” esan du. Bere ustez, enpresa txikiek abantaila dute ezarpen digitalari dagokionean, “arinagoak direlako”. Eta hauxe esan du: “Kontua ez da inpaktu asko edukitzea, baizik eta inpaktua izatea zure xede-publikoan”.

 

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak