Electro Alavesa: “Oinarrizkoa da bizkorrak izatea eta adi egotea lehiakor izaten jarraitzeko”
Euskadiko Segurtasunaren sektoreko enpresa zaharrenak bere jarduera indartu du zibersegurtasunaren arloko aliantza estrategiko bat sortuz Osane Consulting enpresarekin
Leire Fernández de Alaiza Electro Alavesa enpresako Estrategia arloko zuzendaria da. 1982an sortua, Euskadiko zaharrena da bere sektorean, eta Segurtasun arloko konponbide teknologikoak garatzen eta inplementatzen ditu enpresa eta erakundeentzat. Gaur egun, Estatu osoan eta Frantzian lan egiten du, eta 30etik gora pertsonako plantilla du.
Nola lortzen da ia berrogei urteko ibilbidea egitea?
Lehen mailako giza talde eta talde profesional batekin, eta merkatura egokitzeko sekulako gaitasunarekin. Horren erakusgarri da egin dugun azken apustu handia, alegia, zibersegurtasunarena; une honetan, interes eta kezka handia sortzen duen arlo bat da enpresa-sareko kide gehienentzat eta, horregatik, lankidetza-akordio bat sinatu dugu sektore horretan erreferentziazkoa den euskal enpresa batekin, Osane Consulting-ekin.
Zein helbururekin?
Gure kalitate estandarrak mantentzeko eta, beti izan garen bezala, eraginkor izaten jarraitzeko merkatuaren eta gure bezeroen premiei erantzunak eskaintzeko orduan.
Uste duzu enpresek badakitela zein arrisku dauden zibersegurtasun arloan?
Beste arlo batzuetan gertatzen den bezala, kontzientzia-maila asko aldatzen da tamainaren eta sektorearen arabera. Adibidez, bankan edo aseguruetan konprometituago daude negozioaren izaeragatik; aldiz, enpresen kasuan, eta batik bat sektore industrialean, bi aukera daude: edo tamaina handi samarra dute eta badute interes apur bat, edo ETEak eta mikroETEak dira eta ez daude gai honen garrantziaz kontzientziatuta, euren eguneroko martxan murgilduta daudelako.
Nola irauli daiteke egoera hori?
Ulertuz gaia benetan garrantzitsua dela, eta egiaztatuz arazo honek inpaktu argia eta zuzena duela enpresaren emaitzetan. Halaber, lagungarri izan daiteke segurtasun arloko inbertsioak hartakotzat hartzea, hots, inbertsio estrategikotzat, eta ez gastutzat.
Hamabost urte egin dituzu Estrategia arloko zuzendariaren karguan, horrelako funtzioak betetzen dituzu kargu horretan?
Electro Alavesa enpresako familian sartu baino lehen, gizarte-zerbitzuen arloko prestakuntza jaso eta sektore horretan lan egin nuen. Esperientzia hari esker hiru kualitate landu nituen, gaur egun gure enpresaren eguneroko kudeaketan aplikatzen ditudanak: enpatia, lantalde eta pertsonen kudeaketa eta beti adi egoteko gaitasuna, horrela gure bezeroentzat baliagarriak diren konponbide eskalagarriak emateko.
Gogoan duzu zure lehen eguna enpresan?
Aitortu behar dut lehen goiz hartan harrituta gelditu nintzela. Ordura arte haurtzaroarekin lotutako programak lantzen nituen kale mailan, eta aldaketa handia izan zen. Bulegoko errealitateak ez zeukan zerikusirik ordura arte bizi izan nuenarekin, baina denborak aurrera egin ahala, lankideak hobeto ezagutzen hasi nintzen, eta ulertu nuen nola funtzionatzen duen enpresak behe-behetik hasita. Nik uste dut horixe dela talde bat gidatzeko gakoa. Zentzu horretan, enpresa hau nire hirugarren ahizpa moduko bat izan da niretzat.
Ingurunera etengabe egokitzea al da Electro Alavesa enpresaren ia lau hamarkadako ibilbidearen giltzarrietako bat?
Bai, zalantzarik gabe. Merkatura eta bezeroengana egokitzea oso garrantzitsua izan zen eta bada oraindik ere, baina ororen gainetik, erantzuna emateko bizkortasuna eta arintasuna nabarmenduko nituzke. Nire iritziz, bi balore horiek oinarrizkoak dira lehiakor izateko.
Emakume eta enpresari zaren aldetik, zer ikasi duzu urte hauetan guztietan?
Ikasi baino gehiago, esango nuke desikasi egin ditudala lehendik nekartzan sinesmenak. Askotan, guztiz apurtu dira. Esaterako, emakume batek enpresan izan behar duen paperarena. Desikasi dut badugula berez halako muga bat, esaten diguna ezin dugula erantzukizunezko kargu bat izan konpainia baten barruan, ez uste dugulako ez garela gai izango, baizik eta gizarteak emakumearen ikusmolde hori duelako. Ama eta enpresari izateak bi munduak bateratzea eragotziko digulako, gizartea oraindik ez dagoelako prest emakumea zenbait postutan ikusteko… Pentsa, hamabost urte daramatzat zuzendaritza-kargu batean, baina oraindik sinesmen hori desikasten ari naiz.
EA enpresak alarmetan zentratutako segurtasuna egiten zuen hasieran. Baina ia 40 urte igaro dira harrezkero, eta produktu eta zerbitzu katalogoak izugarri eboluzionatu du, berrikuntzaren bidez tresnak birpentsatu egin dituzuelako eta hasieran ez zeuzkaten erabilpen berriak eman dizkiezuelako. Gaur egun, zer da Electro Alavesa?
Oso enpresa polibalentea da. Sarkinen aurkako segurtasunari dagokionez (alarmak), adibidez, jarduera horrekin jarraitzen dugu, baina gure negozio-eredua berrasmatu dugu merkatuaren eskakizunetara egokitzeko. Hala, pertsonak eta ondasunak babesteaz gain, bestelako instalazioak ere garatzen eta inplementatzen ditugu, produkziora, negozioaren errentagarritasunera edo laneko arriskuen prebentziora zuzenduta.
Adibideren bat jar dezakezu?
Berriki akordio bat itxi dugu Frantzia iparraldean bereizmen handiko kamera-zirkuitu bat instalatzeko elikaduraren sektoreko multinazional baten plataforma logistiko handi batean, zeinak lehiakortasuna hobetu nahi baitu bere instalazioak eraginkortasun eta zehaztasun handiagoz kontrolatuz.
Eta Bilboko San Frantzisko auzoan ia aurrekaririk ez duen bideo-zaintza sistema bat instalatu duzue…
Bideo-zaintza eta irudien analisirako sistema konplexu bat da, hamabi kaletan eta modu estrategikoan kokatutako berrogeita hamar kamerez osatua, zeinari esker Udalak auzoko segurtasun sentsazioa hobetu baitu. Bereizmen handiko optika eta grabazio kalitatea (4k teknologia) duten
Lotutako albisteak
Biele Group, egurraren, metalaren, automobilgintzaren eta eraikuntzaren sektoreetarako fabrika osoak diseinatu eta muntatzen dituen enpresa
Azpeitian kokatuta dagoen konpainiak SPRI Taldearen zibersegurtasun-programako laguntza bat jaso du eta bost urte ere iraun dezaketen proiektu konplexuak egiten ditu.
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.