Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 11 Marzo, 2021 Digitalizazioa Ekintzailetza Enpresa digitala Start up UP Euskadi

Ehunka teknologiazale bilduko dituen Gipuzkoa Encounterren parte hartuko du SPRI Taldeak

  • Ekitaldi honen 15. edizioa online egingo da martxoaren 19tik 21era, eta parte-hartzaile guztiak euren etxeetatik arituko dira.
  • Iaz bezala, COVID-19aren aurkako borrokak Tolosako Usabal kiroldegian egin ohi den lanparty presentziala galarazi du. Beraz, 2020ko edizioan lortutako esperientziaz baliatuta, aurten ere, antolatzaileek eta kolaboratzaileek online topaketa gauzatuko dute, dozenaka jolas- eta heziketa-jarduerekin.
  • Gipuzkoa Encounter 15ek 456 plaza birtual izango ditu, ekitaldi presentzialak Usabal kiroldegian izango lukeen kopuru bera. Parte hartu nahi dutenek gipuzkoaencounter.org webgunearen bidez erreserbatu dezakete beren lekua.
  • Gipuzkoa Encounter Euskaltel Fundazioak antolatu du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin

 

Gipuzkoa Encounterrek ez dio urteroko hitzorduari huts egingo eta, aurreko edizioan bezala, COVID-19aren aurka borrokatzeko hartutako neurrietara egokitu da online bilkura antolatuz. Lanparty presentzialen ohiko jarduera ludiko eta heziketa-saioak eskainiko ditu 15. Gipuzkoa Encounterrek, 19tik 21era bitartean, eta parte-hartzaile guztiak euren etxeetatik arituko dira.

 

Tolosako kiroldegian egin ohi den party presentzialaren ordez antolatutako topaketa birtualak dozenaka jolas- eta heziketa-jarduera izango ditu. Guztira, 456 plaza izango dira, Usabalen eskainiko litzatekeen kopuru bera, eta zaleek doan esku hartuko dute. Interesa dutenek gipuzkoaencounter.org webgunearen bidez erreserbatu dezakete beren lekua.

 

Bilkura Euskaltel Fundazioak antolatu du, Euskaltelen, Tolosako Udalaren, Gipuzkoako Foru Aldundiko Ekonomia Sustapen, Turismo eta Landa Ingurune departamentuaren eta Eusko Jaurlaritzako Ekonomiaren Garapen, Jasangarritasun eta Ingurumen sailaren (SPRI-ren bitartez) laguntzarekin.

 

Isolamendu eta murrizketa garai hauetan, Gipuzkoa Encounterrek teknologia-zaleen elkartasuna sustatu nahi du, baita prestakuntzarako eta ondo pasatzeko aukerak eskaini ere.

 

Jarduera irekiak

Izena ematen dutenek partyko arlo anitzetan parte hartu ahal izango dute, etxetik mugitu gabe, Discord tresnaren bidez. Bertan, gaika bereizitako “areto birtualak” topatuko dituzte, eta arte digitaleko, software libreko, hardwareko eta jokoetako lehiaketetan izena emateko aukera izango dute. Orain, antolatzaileak lanparty presentzialetako ekimenak kudeatzeko erabiltzen duten tresna propioa, partyNet izenekoa, egokitzen ari dira, bere osotasunean Internet bidez erabili ahal izateko.

 

Era berean, festatik kanpo gelditzen direnek ere parte hartzeko aukera izango dute, eduki batzuk irekiak izango baitira. Online eskainiko diren doako prestakuntza-hitzaldiak eta topaketa birtuala gidatuko duen programa doan entzun ahal izango dira Euskal Encounterreko Twitch kanalaren bitartez:https://www.twitch.tv/euskalencounter/

Gipuzkoa Encounter 15 teknologia berrien zaleen topagune izan nahi du. Abalik onena Euskaltel Fundazioak 2020an egindako Encounterrak dira, guztiak arrakastatsuak izan baitira parte-hartzea aldetik. Lanpartya martxoaren 19an hasi, 10:00etan, eta martxoaren 21ean, igandean, amaituko da, eguerdian.

Lotutako albisteak

19 Marzo, 2024 Digitalizazioa
Hernaniko Elektrokimika, Euskadin kloroa produzitzen duen lantegi bakarra
Irakurri gehiago
18 Marzo, 2024 Digitalizazioa
Datozen hilabeteetan mantendu edo hobetu egingo direla aurreikusten dute euskal industriako sektoreek
Irakurri gehiago
14 Marzo, 2024 Digitalizazioa
Fulsion, herritarrei arreta emateko eragile adimendunak eskaintzen dituen euskal ETEa
Irakurri gehiago
14 Marzo, 2024 Digitalizazioa
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Irakurri gehiago
11 Marzo, 2024 Digitalizazioa
Soy Atenea, optiken eta bezeroen arteko harremana azkartzen duen Gipuzkoako startupa
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak