Atelei: “Euskadiko enpresa teknologikook sekulako bikaintasun-maila dugu”
Atelei Irungo ingeniaritza independente bat da, BIND 4.0 programaren hirugarren edizioko 32 finalisten artean sartu dena
Atelei 2012an sortutako ingeniaritza independente bat da, produktu elektronikoen diseinu eta garapenean espezializatua dagoena eta kontzeptualizaziotik fabrikaziorainoko fase guztiak barne hartzen dituena. Egoitza Irungo Arretxe-Ugalde industrialdean duen konpainia hau adibide bikaina da erakusteko nola egokitu behar duen enpresa batek merkatura eta nola sortu behar dituen negozio-aukerak, kontratuak sinatuz enpresa handi eta ertainekin produktu teknologikoak garatzeko.
Duela gutxi sartu da Eusko Jaurlaritzaren BIND 4.0 programaren azken fasean, mundu osoko 500dik gora enpresa txikirekin lehiatu ondoren. Programa horren bidez goi-mailako teknologiaz hornituko dute Euskadiko 40 enpresa handietakoren bat. Iván Piquer-ek, ETE honetako zuzendari nagusiak, programa anbiziotsu honen giltzarriak eta aukerak aztertu ditu.
Zein da zehazki Atelei enpresaren jarduera?
Ingeniaritza txiki eta independente bat gara eta nitxoko produktu-sorta batean espezializatuta gaude. Eta, hain zuzen, nitxoko produktu bat aurkeztu dugu BIND programara ere: konposatu organiko lurrunkorren isuriak neurtzen ditu, konposatu horiek ingurumenarentzat eta pertsonentzat kaltegarriak diren substantziak sortzen dituztelako erretzen direnean.
Zer egin duzue arlo horretan?
Plataforma oso bat diseinatu dugu, hainbat dispositiboz osatua, isuri horiek denbora errealean eta etengabe monitorizatzeko. Horrela bermatzen dugu substantzia horien inguruan dabiltzan langileek (batik bat, industrian) ez dutela jasaten osasuna kaltetzeko adinako esposiziorik.
Zure ustez zergatik sartu zarete euskal multinazional handi batzuekin kolaboratuko duten 32 enpresa teknologiko txiki horien taldean?
Enpresa bat BIND 4.0 programan sartzen da konpainia handietako batek detektatzen badu aurkeztutako ETEen artean badagoela bat bere jardueran edo bere plan estrategikoan txerta daitekeena. Gure kasuan, esan liteke zortea izan dugula, bi enpresa handiren interesa piztu dugulako eta hizketan gabiltza beste hirurekin ere. Hori sekulakoa da guretzat eta erakusten du Euskadiko enpresa teknologikook sekulako bikaintasuna dugula. 64 herrialdetako 524 hautagaitza aurkeztu ziren, horietatik 112 sartu ziren aurre-aukeraketan eta azkenik 32 izan gara aukeratuak, besteak beste, gu. Horrek erakusten du programak maila altua duela, hainbestekoa ezen esan baitaiteke Euskadi Silicon Valley txiki bat dela eta talentu izugarria dugula.
Zein da zure enpresaren balio bereizgarria?
Ingeniaritza txiki bat garenez, azkarragoak gara eta egokitzeko gaitasun handia dugu. Handiekin lehiatzeak badu desabantaila bat: sekulako potentziala dute eta gaitasuna ere bai euren proiektuak aurrera ateratzeko. Halere, uste dut arazo handi bat dutela, prozesuka funtzionatzen dutelako; adibidez, denbora asko behar dute produktu berri bat garatzeko, eta hori ez da arazo bat guretzat. Ez dugu denbora asko behar produktu bat prototipatze-teknologiekin baliozkotzeko edo merkatuan bermerik baduen ikusteko. Eta horixe da gure abantaila handiena!
Zertan laguntzen dizue enpresa askoz handiago batekin elkartzeak?
Enpresa handi baten eta txiki baten arteko lankidetza benetan emankorra izan liteke, elkarrengandik urrun dauden bi mundu elkartzen dituelako. Konbinazio horretatik sinergiak eta benetan baliagarri diren produktuak sor daitezke. Horrelako lankidetza bat onuragarria da bi alderdientzat eta, beraz, ezin zaio uko egin.
Benetako aspirazioak dituen baina tamainagatik mugaturik dagoen zuena bezalako ETE batentzat, lankidetza, emankorra ez eze, ia saihestezina ere bada…
Zalantzarik gabe. ETE txiki guztiok dugu arazo bera: sekulako gaitasun teknologikoa dugu, baina ez dugu prozesuei (adibidez, nazioartekotzeari) aurre egiteko gihar finantzariorik. Horregatik, garatzen den produktua ukigarria denean (geurea bezala), beste negozio-ildo paralelo bat behar da, komertzialagoa, diru-sarrera horiekin finantzatzen baita lehen produktu berritzaile hori. Bestela, ezin dugu biziraun.
Lotutako albisteak
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.