Betsaide, adimen artifizialaren bitartez digitalizazioa sustatzen duen Bizkaiko galdaketa-enpresa
Betsaide Elorrioko galdaketa-enpresa da eta azken urteotan digitalizazioa sustatu du, adimen artifiziala aplikatuz bere prozesu operatiboetan eta kudeaketa-prozesuetan. 36 urteko bizitzaren ostean, 408 langile ditu. Enpresak SPRI Taldearen Adimen Artifizial Aplikatuko programaren laguntza jaso du Euskadiko enpresetan AAn oinarritutako proiektuak sustatzeko. Laguntza horri esker, eskari komertzialen automatizazio-sistema adimenduna garatu du.
Betsaide Elorrion sortu zen 1989an, osagarri metalikoen galdaketaren eta mekanizazioaren sektorean erreferente izateko helburuarekin. Hasieratik, espezializazio teknikoaren aldeko apustua egin zuen, 1.000 erreferentzia baino gehiagorekin, eta “jabetza-egitura parte-hartzailea eta etengabeko hobekuntzarako orientazio handia mantenduz” arduradunen arabera.
Enpresa galdaketa-fabrika konbentzional bat izatetik industriako erakunde aurreratua bihurtzera igaro da, “ISO 9001, IATF 16949, ISO 14001 eta TISAX ziurtagiriekin”. Azken urteetan, eraldaketa digital eta energetikoa sustatu du, eta automatizaziorako soluzioak, MES sistemak eta adimen artifizialeko proiektuak integratu ditu bere prozesu operatiboetan eta kudeaketa-prozesuetan.
Betsaidek galdaketa nodularreko osagarriak hornitzen dizkie industriako lehen mailako ibilgailuei (Truck OME), automobil arinei eta nekazaritzako makinei besteak beste, eta, azkenaldian, baita eguzki-sektoreari ere. “Karkasak, estalkiak, euskarriak eta egiturazko osagarriak ekoizten ditugu mekanizaziorako, margotzeko, muntatzeko eta abarrerako gaitasunarekin. Funtsean, pieza muntatzeko prest dauden piezak”.
Enpresak 408 langile ditu egun eta urtean 100 milioi euro inguru fakturatzen ditu. Horietatik 4 milioi euro inguru inbertitzen ditu batez beste teknologian, jasangarritasunean eta berrikuntzan. “Industrian esperientzia handia duen lantaldea du erakundeak, digitalizazioan eta hobekuntza-prozesuetan espezializatutako profilekin”.
Urteko fakturazioaren % 4 inguru bideratzen dute berrikuntza-proiektuetara eta garapen teknologikorako proiektuetara. “Eraldaketa digitalerako lantaldea dugu eta IT sailarekin koordinatuta egiten du lan, prozesuen automatizaziora, AAren ezarpenera, trazabilitate digitalera eta instalazio barruko efizientzia energetikora bideratutako ekimenak zuzenduz”.
SPRI Taldearen Adimen Artifizialeko programaren laguntzarekin “eskari komertzialak automatizatzeko sistema adimenduna garatu da WACrekin batera”. AAren bitartez, pdf formatuan jasotako eskariak irakurri eta prozesatzen ditu sistemak automatikoki, Betsaideren ERPan zuzenean integratzen den EDIa sortuz”. Proiektu horrekin, astean 30 ordu baino gehiago aurreztu ditzake lantalde komertzialak eta nabarmen hobetu daiteke prozesuaren trazabilitatea eta fidagarritasuna.
Piezen jarraipen osoa digitalizatzea da etorkizuneko erronka, haien lokalizazioaren, egoeraren eta operazio bakoitzaren urratsen berri izateko denbora errealean. “Aldi berean, pertsonen kudeaketaren digitalizazioa sustatzen dugu (fitxaketak, ordutegiak eta barne-komunikazioa)”. Ingurumenari dagokionez, enpresak bere karbono-aztarna murrizteko konpromisoa hartu du, “energia berdearekin % 100ean eta industriako jasangarritasun-proiektuak lehenetsiz”.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
