IndeusBerri: industria eta euskara uztartzen dituen informazioaren topagunea

“EXPLOIT” Industria Berriaren Spri Hiztegian. Komando-segida bat, portaera ez-desiragarri edo ustekabeko bat eragiteko erabiltzen dena, sistema baten akats edo ahultasun bat baliatuz. Halaber, gizarte-ingeniaritzako erasoetan erabiltzen den amarrua edo diskurtsoa ere izan daiteke, erabiltzen dena biktima konbentzitzeko berari buruzko informazio jakin bat eman dezan. Exploit bat exekutatuz, erasotzaileak hainbat helburu erdiets ditzake: sistema batean sar daiteke, baimenik izan ez arren; sistema bateko administrazio-baimenak eskuratu ditzake; sistema bati zerbitzu bat ukatzeko erasoak lor ditzake; eta abar.

Leartibai Fundazioak Lea-Artibaiko ETE industrialen belaunaldi-erreleboa bultzatzeko proiektu berri bat jarri du abian. Eskualdeko industria-ehunaren biziraupena eta hazkundea sustatzearen garrantziaz jabetuta, Leartibai Fundazioak proiektu berri bat diseinatu du industria-enpresen eta horiei lotutako zerbitzuen belaunaldi-erreleboa bultzatzeko.Proiektu honek duela gutxi diseinatutako Lea-Artibai 2030 Plan Estrategikoan du jatorria, non lan-ildoetako bat eskualdeko Talentua bultzatzea den. Eskualdeko gainerako erakundeekin batera, talentua sortzea, mantentzea eta erakartzea sustatu nahi duen proiektua da.

Ireki da aurtengo Adimen Artifizial Aplikatua laguntza programara eskaerak aurkezteko epea. Adimen Artifizial Aplikatua 2023 laguntza-programaren helburua EAEko enpresetan IAren erabileran oinarritutako proiektuak babestea da, baldin eta proiektu horiek erakuste-efektua badute eta Euskadin teknologia honen eskaintza eta eskaria aktibatzea ahalbidetzen badute, euskal enpresei lehiakortasuna areagotzeko tresnak emateko. Eskaerak aurkezteko epea maiatzaren 23an ireki zen eta datorren urriaren 5a izango da eskaerak aurkezteko azken eguna.