Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 9 Marzo, 2023 Euskara industrian Indeusberri

IndeusBerri: industria eta euskara uztartzen dituen informazioaren topagunea

LH Duala euskaraz, Tik Tok marketing, Emakumeak euskarazko Wikipedian eta IKT dira gaur albiste.
IndeusBerri bannerra_MARTXOA

LH Duala Euskaraz aitortza ekitaldian SPRIk izan zuen parte hartzea ekarri du azalera gaurko IndeusBerrik. Martxoaren 31n Enpresa Digitalaren eskutik egingo den TIK TOK marketing ikastaroa ere nabarmentzen du. Baita Euskarazko Wikipedian emakumeen biografia kopuruak izan duen igoera ere. Amaitzeko, Industria Berriaren hiztegiak lagatako beste termino bat: IKT.

Sei urtetan Euskarazko Wikipediak bikoiztu egin du emakumeen biografía kopurua. Martxoaren 8an ospatu den Emakumeen Nazioarteko egunaren harira euskarazko Wikipediak jakitera eman du dagoeneko 15.000 emakumeren biografíen muga gainditu dela. Orain dela 6 urte biografíen %13,63 ziren emakumeenak; aurten biografíen %26,17. Epe horretan beraz bikoiztu egin da kopurua. Emakumezkoen biografiak jaiotza urtearen arabera azter daitezke. Gehiengoa XX. mendearen amaieran jaiotakoa da, eta oso emakume gutxi ezagutzen ditugu XIX. mendearen aurretik jaiotakoak.
TikTok marketingi buruzko ikastaroa martxoaren 31an Enpresa Digitalaren eskutik. TikTok plataforman erabiltzaileek bideo laburrak sortu eta partekatzen dituzte musika-rekin, efektuekin eta hainbat filtrorekin. TikTok-ek arrakasta handia lortu du mundu osoan, bereziki gazteen artean, eta markak, jada, publiko zabalago batengana iristeko komunikazio estrategien barnean sartu dute sare sozial hau. Besteak beste, enpresa pribatuetako eta erakundeetako gerenteei, komunikazio eta marketing sailekoei eta ekintzaileei dago zuzenduta ikastaroa.
SPRIk LH Duala Euskaraz aitortza ekitaldian parte hartu du INDEUS ekimena ardatz hartuta. Lanbide Heziketan erreferente diren Gipuzkoako lantoki, ikasle eta ikastetxeei beraien jarduna aitortu zitzaien martxoaren 6an Garaia Parke Teknologikoan egin zen ekitaldian. Gipuzkoako Ahaldun Nagusia, Hezkuntza Sailburua eta Arrasateko alkatea buru zirela, ekitaldian zehar egindako mahai inguruan INDEUS ekimenaren berri eman zuen SPRIk, Plataformaren sorreratik hasi eta gaur egun egiten ari diren jardunetara heldu arte. Ekitaldiaren amaieran egin zen aitortza ekitaldiko sari banaketa.
“IKT” Industria Berriaren Spri Hiztegian. Informazioa modu digitalean sortu, gorde, prozesatu eta transmititzeko teknologien multzoa. IKTen kontzeptua oso zabala eta orokorra da, eta aldatuz doa, gainera, teknologiek aurrera egin ahala. Gaur-gaurkoz, bere barruan hartzen ditu, besteak beste, komunikaziorako balio duten gailuak –irratia, telebista, telefono mugikorrak, sare-ordenagailuak eta sare-hardwarea, satelite-sistemak eta abar– eta horiek erabiltzen dituzten hainbat gailu eta zerbitzu, hala nola bideokonferentziak eta urrutiko ikaskuntza.

Lotutako albisteak

22 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
15 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
Korrika GDANSK 14 Marzo, 2024 Euskara industrian
Spri Taldeak KORRIKA egingo du hemen eta AEBn, Polonian, Txekian, Alemanian, Indian, Japonian, Korean eta Brasilen
Irakurri gehiago
8 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
1 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak