Filtra tu búsqueda



Albisteak 29 abuztua, 2024

BINDeko 70 Partner-en Eraldaketa Digitalerako Startupak bilatzen ditugu

BIND berrikuntza irekiko plataformaren bizkortze programa startup disruptiboen bila dago, eta bere 9. edizioako deialdia itxiko du iralaren 6an.
  • IoT, AA edo robotika bezalako teknologia disruptiboak dituzten startupei zuzendutako BIND deialdia irailaren 6an itxiko da.
  • Hautagaiak oraindik garaiz daude industriako 70 enpresa liderrek planteatutako 12 erronka berrientzako soluzioak aurkezteko 

 

BIND berrikuntza irekiko plataformak irailaren 6an itxiko du industriaren erronka berriei erantzuteko gai diren startup disruptiboei zuzendutako bederatzigarren deialdia. BINDen helburua Euskadin egoitza duten erreferentziazko enpresa handien eraldaketa digitala bultzatzea da, startupen laguntzarekin. Horrela, biek eraldaketa digitaleko proiektu berritzaileak garatuko dituzte, etorkizunean industria efizienteagoa eta jasangarriagoa lortzeko helburuarekin.

Hautagaitzak aurkezteko eta BINDen bederatzigarren edizioan parte hartzeko, startupek soluzio teknologikoak aurkeztu behar dituzte industriako 70 enpresa liderrek planteatutako 12 erronka berrietako bati edo batzuei erantzuteko helburuarekin. Erronka horiek 8 jarduketa-esparrutan banatzen dira: Efizientzia energetikoa eta ingurumen-inpaktuaren murrizketa; Prozesu industrialen eraldaketa, optimizazioa eta digitalizazioa; Azken bezeroari negozioa/eskaintza garatzea; Metodologiak, tresnak eta antolamendu-euskarria; Mobility soluzioak; Eta berrikuntza gisa, aurten, osasunaren arloan, hiru kategoria espezifiko sartu dira, diagnostikoaren, terapeutikaren eta asistentziaren arloetan soluzioak identifikatzeko.

BINDen parte hartu duten 70 enpresen artean, aurten erreferentziazko hainbat enpresa daude, hala nola Mercedez-Benz, Tubos Reunidos, Orona, GH Cranes, ArcelorMittal, Ormazabal, Ramondin eta Uvesco, besteak beste.

 

Berrikuntza sustatzea AA, IoT eta robotikarekin

Deialdi berri honetan, industriako enpresa liderrek mundu osoko startup teknologiko berritzaileenak bilatzen dituzte, proiektu disruptibo berriak sortu ahal izateko. Horretarako, teknologia hauek erabiltzen dituzte: adimen artifiziala, IoT, teknologia murgiltzaileak, zibersegurtasuna eta robotika, besteak beste.

Adimenaren arloan, We are Clickers startup bizkaitarrak proiektuak egin zituen Betsaide, Garay eta GHCranes-ekin, AAren bidez hainbat iturritatik datozen eskaerak automatikoki detektatu eta identifikatzeko, jasangarritasunari buruzko txosten automatikoak egiteko eta adimen artifizialeko sistema aurreratuak ezartzeko, fakturen kudeaketa optimizatzeko eta ERPn prozesatzeko asmoz.

Zibersegurtasunaren esparruan, Orbik Cybersecurity startup gipuzkoarrak hiru proiektu garatu zituen Arteche, Ormazabal eta Gestamp Groupen eskutik. Garatutako proiektuek erdi-tentsioko urruneko kontrol-unitatearen komunikazioen sendotasuna eta zibersegurtasuna frogatzeko helburua zuten.

BINDen aurreko edizioan egindako 31 proiektuen beste adibide bat Celsa eta Tekniarekin Acceleration Robotics arabar startuparenak dira. Kasu honetan, garatutako proiektuen helburua robotika industriala bizkortzea izan da, hardware azelerazio bidez. 

 

BINDen onurez baliatzeko azken deia

BIND programak dagoeneko merkatuan edo azken garapen-fasean dagoen soluzio teknologiko bat duten startupak bilatzen ditu, 70 enpresa handiei balioa eman ahal izateko. Startupek azken aukera hau dute 9. edizioan izena emateko eta onura ugariz gozatzeko, hala nola: 

  • Industriarako berrikuntzaren eta teknologia berrien ekosistemarekiko konexioa: Egoitza Euskadin duten erreferentziazko konpainiak eskura izango dituzte, eta industriaren eraldaketa digitalerako Networking jardueretan parte hartuko dute.
  • Lehenengo bezeroak lortzea: Sektoreko erreferentziazko enpresa liderren eskutik ezarri ahal izango dute beren teknologia berritzailea, merkatuan haren bideragarritasuna babesteko. 
  • Adituen aholkuak jasotzea: Enpresen azelerazioan, teknologia berrien merkatu-estrategietan, berrikuntza irekian eta ekintzailetzan espezializatutako 40 aholkulari baino gehiago.
  • Inbertsioak eskuratzeko aukera: BINDek Venture Club bat du, inbertitzaileen klub bat, azeleragailuaren espezializazioarekin bat egiten duena. Klub horren helburua da laguntza-zerbitzuak indartzea eta parte hartzen duten startupen eta inbertsio-erakunde espezializatuen arteko harremana sustatzea. 

BINDen parte hartu nahi duten startupek irailaren 6ko eguerdira arte aurkeztu ahal izango dituzte hurrengo edizioan parte hartzeko hautagaitzak, www.bindplatform.com programaren webgunearen bidez. 

BINDen bederatzigarren edizioaren 12 erronkak sakon ezagutzeko, klikatu hemen.

BIND industria adimenduneko berrikuntza ireki publiko-pribatuko plataforma da, Euskadiko ekintzailetza-ekosistematik Industria, Trantsizio Energetiko eta Jasangarritasunaren Sailak sortua, SPRI Taldearen eta honen UpEuskadi plataformaren  bidez. BINDek hiru ekimen ditu: BIND Corporate, BIND SME eta BIND GovTech, Euskadiko enpresak, ETEak eta sozietate publikoak mundu osoko startup disruptiboekin konektatzeko eta berrikuntza-proiektuak garatzeko. 2016an martxan jarri zenetik, 240 startup eta scaleup baino gehiago bizkortu dira eta 320 proiektu baino gehiago garatu dira, 8 milioi euroko fakturazioa gaindituta. Era berean, plataforma erreferente bihurtu da sektorean, industria eta enpresa-sarea digitalizatzen laguntzeagatik.

Lotutako albisteak

Segundu  bakoitzak  kontatzen  du.  Ziurtatu  zure  erreskatea  ResQaRrekin
12/02/2025 Berrikuntza

Segundu bakoitzak kontatzen du. Ziurtatu zure erreskatea ResQaRrekin

Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.

Basque  Luxury  Concierge:  Bisitak  jasotzen  dituzten  euskal  enpresentzako  zerbitzu  berri  bat:  Basque  Luxury  Concierge
10/02/2025 Ekintzailetza

Basque Luxury Concierge: Bisitak jasotzen dituzten euskal enpresentzako zerbitzu berri bat: Basque Luxury Concierge

.

Wake  Up!  Albiste  ekintzaile  batzuk  sarean
07/02/2025 Ekintzailetza

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

GEM  Global  2025  Biltzarra  Bilbon
06/02/2025 Ekintzailetza

GEM Global 2025 Biltzarra Bilbon

GEM Global 2025 Biltzarrean funtsezko gai hauek jorratuko dira, guztiak munduko ekintzailetza-ekosistemarentzat garrantzi handia duten ikerketa eta datuetan oinarrituta

Slush,  startupen  mundu  mailako  ekitaldi  handietako  bat,  Euskadira  helduko  da  15  herrialde  baino  gehiagotako  200  inbertitzailerekin
04/02/2025 Ekintzailetza

Slush, startupen mundu mailako ekitaldi handietako bat, Euskadira helduko da 15 herrialde baino gehiagotako 200 inbertitzailerekin

Datorren otsailaren 20an, Slush-ek gure eskualdean lehen aldiz egingo duen edizioa izango da Bilbon. Mundu mailako berrikuntzako ekitaldi ospetsu hori, zeinak ardatz dituen inbertsioa erakartzea, startupak sortzea eta lankidetza globala, Euskadira eta Bizkaira iritsiko da, eta baieztatuta dago 200 inbertitzaile baino gehiago bertan izango direla, VCak eta business angels-ak batuta

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.