Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 26 Marzo, 2024 Ekintzailetza Up Euskadi Ekintzaile programa Start up

Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin

Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2023, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.

Datorren asteazkenean, apirilak 3, irekiko den ekintzailetzari laguntzeko Ekintzaile programaren edizio berriak 1,7M €-ko aurrekontua izango du. Enpresa berritzaile bat sortu nahi baduzu edo horretarako finantzaketa behar baduzu, aurkeztu zure eskaera abenduaren 11 baino lehen.

Ekintzaile 2024 programarekin, ez zara bakarrik egongo zure abentura ekintzailean. BICen (Business Innovation Center) laguntza integrala, malgua eta pertsonalizatua izango duzu, industria arloko proiektuak edo haiekin lotutako zerbitzuen enpresa proiektuak bultzatzen espezializatutako erakundeak baitira. BICek lagunduko dizute zure ideia baliozkotzen, zure enpresa martxan jartzen eta merkatuan finkatzen, bai eta behar duzun finantzaketa eskuratzen ere.

 

Negozio ideia sendoa ontzearen garrantzia

Izan dezakeen hazkundearen eta errentagarritasunaren ikuspegi argia ematen du ondo garatutako negozio ideiak, eta horrek konfiantza sortzen du proiektuko inbertitzaileengan eta bazkideengan.

Hasierako etapan, zenbait erronka izaten dituzte ekintzaileek, eta beren ideiak gauzatzeko duten gaitasuna froga dezakete horiek. Negozio ideia bat garatzeko, enpresa plana sortu behar da, hainbat alderdi bilduko dituena, hala nola xede-merkatua identifikatzea, lehiakideak aztertzea, produktuak edo zerbitzuak definitzea, eta egitura finantzarioa eta operatiboa. Gainera, garrantzitsua da merkatu ikerketak egitea, adituen eta bezero izan daitezkeenen atzeraelikadura lortzea, eta doikuntzak eta hobekuntzak egitea lortutako emaitzen arabera.

Ekintzaile 2024 programaren 1. ildoak BICen laguntza eskaintzen dizu ontze edo heltze prozesu osoan, eta itzuli beharrik gabeko 30.000 €-ko dirulaguntza gehienez, enpresa kudeaketan prestatzeko, kanpoko aholkulariak kontratatzeko, prospekzio azterketak egiteko edo azoketara joateko.

 

Zure proiektu ekintzailea abian jartzea finantzatuko dugu

Hainbat finantza alderdi estaltzeko eta negozioa hazteko eta abian jartzeko funtsezkoak diren baliabideak eskura daitezen bultzatzeko pentsatua dago Ekintzaileren 2. ildoa.

Zure proiektuaren heltze etapa osatu ondoren, proiektua baldintza onenetan finantzatzeko aukera izango duzu Luzaro finantza erakundearekin dugun lankidetzari esker. Emandako maileguaren % 20ko dirulaguntza jasoko duzu.

Mailegu hori erabili ahal izango duzu lokal bat merkataritza erabilerarako berritzearekin lotutako kostuak estaltzeko; besteak beste, berrikuntzak, egitura-aldaketak eta azpiegituran hobekuntzak egiteko.

Gainera, negozioak funtzionatzeko beharrezkoak diren makineria, ekipamendua, ibilgailuak, instalazio teknikoak eta altzariak erosi ditzakezu laguntza horiekin. Baliabide horiek funtsezkoak dira industria eta txikizkako merkataritza bezalako sektoreetan, eta inbertsio handia izan daitezke ekintzaileentzat.

Beste alderdi garrantzitsu bat da laguntzek eman dezaketen babes ekonomikoa lizentziekin eta jabetza industrialarekin edo intelektualarekin lotutako gastuak estaltzeko. Legezko izapide horiek finantza-ordainketa behar izaten dute, eta laguntza ekonomikoa izateak horiek lortzea erraztu dezake, bai eta ekintzailearen aktibo ukiezinak babestu ere.

 

BICek lagunduko dizute enpresa berritzailea sortzen

Ekintzaile programak eskaintzen dizkizun finantza eta aholkularitza alderdiez gain, BICen bidez beste baliabide gehigarri batzuk ere eskura ditzakezu, hala nola laguntza logistikoa, lanerako guneak, kontaktu sareak eta lankidetza aukerak. Baliabide horiek lagun diezaiekete ekintzaileei ingurune egokietan ezartzen, sektoreko beste profesional batzuekin konektatzen eta sinergiak eta hazteko aukerak aprobetxatzen.

Enpresa eta Berrikuntza Zentroak, Business & Innovation Centres (BIC) izenez ere ezagunak, zure eskuineko eskua izan daitezke ekintzailetzaren munduan. Irabazi asmorik gabeko erakunde horiek hor daude zure enpresa-abenturan babesa eta laguntza eskaintzeko, batez ere ideia berritzailea edo teknologian oinarritua baldin baduzu. Haien helburua da enpresa-proiektuen garapena bultzatzea eta arrakasta lortzeko beharrezkoak diren tresna guztiak dituzula ziurtatzea.

 

Gustatuko litzaiguke zure aliatu estrategiko gisa hartzea BICak. Euskadin dauden 4 zentroetako edozeinetan aurkituko dituzu prozesuaren etapa bakoitzean laguntzeko prest dauden pertsonak, heltze-fasearekin hasi eta zure enpresa martxan jarri arte. Gainera, aholkularitza pertsonalizatua emango dizute eta zure jarduera ekintzaileak gauzatzeko azpiegiturak eskainiko dizkizute. Helburua da arrakasta izateko berme guztiak izatea, berrikuntzaren eta lehiakortasunaren aldeko apustua eginez. Ez izan zalantzarik, hurbil zaitez haiengana eta ezagutu zuretzat gordeta dituzten aukera guztiak!

 

Ekintzaile, ekintzailetzarako bidea

Garrantzitsua da nabarmentzea laguntza bat jasotzeak balioztapena eta sinesgarritasuna ekar diezazkiokeela enpresa-proiektuari. Erakunde edo instituzio batek laguntza emateak eta proiektua aintzat hartzeak areagotu dezakete inbertitzaileen eta bezero izan daitezkeenen konfiantza.

Sortu nahi duzun enpresa berritzailea eta/edo oinarri teknologikokoa bada, batez ere industriakoa eta/edo industriarekin lotutako zerbitzuetakoa, Ekintzaile da behar duzun laguntza.

Aurkeztu zure eskaera abenduaren 11 baino lehen, eta zalantzarik baduzu, jarri gurekin harremanetan. Hortxe duzu aukera zure enpresa berritzailea ahalik eta laguntza onenarekin sortzeko.

Lotutako albisteak

Innogune Deusto Universidad 14 ekaina, 2024 Ekintzailetza
Innogunek, Deustuko Unibertsitateak Donostian duen enpresak sortzeko zentroak, 100. proiektua hartu duela ospatu du
Irakurri gehiago
Wake Up Euskadi 14 ekaina, 2024 Ekintzailetza
Wake Up! Albiste ekintzaile batzuk sarean 240610
Irakurri gehiago
BQUO Dominion Global 14 ekaina, 2024 Ekintzailetza
BQUOren II. deialdia, DOMINION-en talentua azeleratzeko proiektua
Irakurri gehiago
13 ekaina, 2024 Ekintzailetza
Dimecok IA eta Big Datako soluzioak aplikatu ditu Immersia startuparekin eta BIND SME programarekin, lehiakortasuna hobetzeko
Irakurri gehiago
Oarsoaldea urdina 11 ekaina, 2024 Ekintzailetza
Oarsoaldea Urdinak ekonomia urdina bultzatzeko ideia lehiaketaren bigarren edizioa deitu du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak