Albisteak 10 urria, 2024

Martxan!: emakume ekintzaileentzako jardunaldi esklusiboa Donostian

Martxan! lau emakume ekintzailek bultzatutako ekimena da, bakoitzak ibilbide anitza eta esperientzia profesional zabala duena.

Martxan! programak lankidetza-aukera berriak aurkitzeko eta negozioen lehiakortasuna indartzeko diseinatutako jardunaldi batean parte hartzera gonbidatzen ditu Donostaldeko emakumezko ekintzaileak. Ekitaldia urriaren 23an izango da, 9: 00etatik 13:30era, The Social Hub gunean, Donostian.

Lehen edizio honetan, parte-hartzaileek saio dinamikoez eta prestakuntza-saioez gozatu ahal izango dute, eta, bertan, beren proiektuak gidatzeko eta kudeatzeko funtsezko trebetasunak ikasiko dituzte. Edukiek kudeaketa ekonomiko-ﬁnantzarioa eta komunikazio-estrategia eraginkorren diseinua hartuko dituzte barne, eta negozioen hazkunde jasangarrirako funtsezko tresnak emango dituzte.

Topaketa hau elkarrekin hazteko, ezagutzak partekatzeko eta ekintzailetzaren munduan elkarlanean aurrera egiteko pentsatutako gunea da. Aukera bikaina beste emakume ekintzaile batzuekin konektatzeko, sinergia berriak aztertzeko eta proiektu bakoitzaren oinarriak sendotzeko.

Martxan! lau emakume ekintzailek bultzatutako ekimena da, bakoitzak ibilbide anitza eta esperientzia profesional zabala duena. Helburu komun batek elkartuta, proiektu hau sortu dute ekintzaileen komunitatea indartzeko, elkarlanerako eta baterako hazkunderako aukera berriak sustatuz.

Jardunaldiari eta egitarauari buruzko xehetasun gehiago nahi izanez gero, bisitatu webgunea (www.martxan.eus) eta sare sozialak. Parte hartzea doakoa da, baina plazak mugatuak direnez, garrantzitsua da lehenbailehen izena ematea.

Data: urriak 23.
Ordua: 9:00etatik 13:30era.
Lekua: The Social Hub, Donostia

Lotutako albisteak

27/04/2025 Ekintzailetza

Eusko Jaurlaritzak startup disruptiboen talentua eskuratzeko aukera emango die EAEko ETEei

SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.