Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Elkarrizketak 6 apirila, 2021 Ekintzailetza Finantziazioa Start up UP Euskadi

Isabel Iturbe, ¡’Explorer Bizkaia’: “Aurten Startup-sorta bikaina dugu”

Explorer programa COVID-19k ekarri duen zalantzazko testuingurura egokitzeko diseinatuta dago.
ISABEL ITURBE Santander Emprendimiento BIZKAIA BIC EZKERRALDEA

Isabel Iturbe ‘Explorer Bizkaia’ko koordinatzailea da. CISEk (Centro Internacional Santander Emprendimiento) zuzendutako ekintailetza-programa da. Bizkaian BIC – Bizkaia Ezkerraldeak koordinatzen du Deusto Emprenderekin batera. 

 

Bere blogean, BIC Ezkerraldeak Isabeli eskatu dio Explorer Bizkaiaren proiektua deskriba dezala:

Ekintzaile bakoitzak bere kabuz proiektuaren ideia sortu bezain laster laguntzen hasi eta negozio-plana burutu jarraigoa egitean datza programa.

Programaren hiru hilabeteetan zehar jarraigo oso estua egiten da eta proiektuaren bideragarritasuna aztertzen da.

 

Honelako proiektu batek zertan laguntzen die proiektu berri ekintzaileei?

Nagusiki, ekiterako eta ideia bat garatzerako orduan, bizitza osorako baliagarria den metodologia ezagutzen.

 

Nolakoak dira saioak osasun-egoera honetan?

Programa online bidezko saioetan hasi genuen mugimendu-murrizpenak zirela eta; mugikortasuna baimendu bezain laster, askoz aberasgarriagoak diren aurrez aurreko saioak garatzeari ekin diogu, programa honek parte hartzen duten proiektuen arteko lotura eta elkarren arteko ikaspena eskaintzen dituelako.

Esperientzia positibo eta atsegina ari da izaten, sasoi luzea eman baitugu ordenagailuko pantailari begira bideo bidezko batzarretan. Metodologia mixtoak ekintzaileak eta proiektuak aberasten ditu eta lan-sareak sortzen dira.

Aurrez aurreko saioek lan munduko hainbat aspektu gainditzen laguntzen dute, pantaila baten atzean beharbada lortu ezinezkoak liratekeenak.

 

Zein fasetan dago orain proiektua?

Programaren erdibidean gaude orain. Partehartzaile bakoitzak bere marketing-plana (on line – off line) eta bere landing page-a aurkeztu behar du.

Ideia trinkotzea, elkar ezagutzea, geure indar gune eta ahulguneak ezagutzea eta geure ideia bezero potentzialekin frogatzea biltzen dituen fasea igaro dugu; kasu askotan, proiektua berriz definitzearen fasea ere igaro dugu. Hauxe da benetako ikaspena.

Gainera, metodologia honek geure bizitzako hainbat proiektutan lagun gaitzake.

 

Zein startupek parte hartzen dute Explorer-en, eta hauetako bakoitzetik zer nabarmenduko zenuke?

Aurten startup-sorta bikaina dugu, sektore askotarikoak. Amankomunean duten ezaugarriren bat nabarmendu beharko banu, ODS-ekin duten lerrokatzea aipatuko nuke.

Ideia batzuek oinarri teknologikoa dute; beste batzuek, berrikuntza maila altua, hala nola, plastikozko ohiko txartelak aplikazio mugikorrekin ordezkatzea, paketeak etxera eramateko sistema hobetzea, intsektuetan oinarritutako elikadura, sendagaien birziklapena, ikasteko guneen erreserba-sistema digitalizatzea, bidezkoa den salneurria, futbolera aplikatutako inteligentzia artifiziala, ekimenei buruzko informazio eguneratua ematen duen aplikazioa, ikastetxeen garraiorako aplikazioak, etxebizitzetarako landarez hornitutako sabaiak, 2×1 artisau-garagardoan, eta abar.

 

Nola ikusten duzu ekintzaileen etorkizuna?

Modu positiboan, gure ekintzaileek duten pasioa kontuan harturik, haien proiektuek aurrera egin zein ez, haien izaera eta metodologia eurekin izango dutelako beti.

 

Nolako harremana duzu BIC Bizkaia Ezkerraldearekin?

Neure burua BIC Bizkaia Ezkerraldeatzat dut!

Egunero bertan diharduten pertsona gehienak ezagutzen ditut eta taldearen parte sentitzen naiz.

 

Zure ustez, honelako inkubagailuek zertan laguntzen dute enpresen garapenean?

Anezka oso garrantzitsua dira.

Lehenik, inkubagailuan dauden enpresei eskaintzen dizkieten zerbitzuengatik enpresen izaera eta beharrizanei asko egokitzen baitira.

Bigarrenik, enpresen artean sortzen den giro ona dela eta, hasieran uste zutena baino gauza gehiago baitituzte amankomunean. Batez ere BIC Bizkaia Ezkerraldearen kasuan, lanerako gunea, Ilgner Eraikina, paregabea da.

 

Lotutako albisteak

26 otsaila, 2024 Berrikuntza
Vostok Electric: “Mugikortasun jasangarriaren esparruan hobe da urrats txikiak eta seguruak ematea”
Irakurri gehiago
VENTIJET Bosco López 23 otsaila, 2024 Ekintzailetza
Ventijetek birikietako haizagailu berritzaileak sortu ditu arnasteko zailtasunak dituzten pazienteentzat
Irakurri gehiago
12 otsaila, 2024 Digitalizazioa
Chubby Apps: “App bat errentagarria izan dadin, produktua, marketina eta negozio-eredua bildu behar ditu”
Irakurri gehiago
22 urtarrila, 2024 Ekintzailetza
Ardiluzu: “Gertatzen ari denari buruzko zenbait ideia bisualki islatzeak hitzaldiaren edo ekitaldiaren balioa handitzen du”
Irakurri gehiago
ORBIK SLAVADOR TRUJILLO 15 urtarrila, 2024 Ekintzailetza
Salvador Trujillo, ORBIK Cybersecurity enpresaren CEOa: “Euskadin, lau delitutik bat zibersegurtasunarekin lotuta dago”
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak