Innogunek, Deustuko Unibertsitateak Donostian duen enpresak sortzeko zentroak, 100. proiektua hartu duela ospatu du
Deustuko Unibertsitateko Berrikuntza eta Ekintzailetza Unitateak (Deusto Emprende) enpresa berriak sortzeko zentroa du Donostiako campusean, Innogune. Berriki, zentro horrek mugarri esanguratsu bat lortu du: 100. proiektua sortzea. 2011n sortu zenetik, Innogune berrikuntza eta ekintzailetzako itsasargi bat izan da eta tokiko enpresa ekosistema eraldatzen lagundu du, ekintzaileen ondoan egon baita beren ekimenak garatzeko bidean.
Deusto Emprendek berebiziko garrantzia du jarrera ekintzailea sustatzeko orduan, bai unibertsitateko elkartearen barruan eta bai kanpoan. Deustuko Berrikuntzaren eta Ekintzailetzaren Eredutik abiatuta, zerbitzu aukera zabala eskaintzen du bizitzaren alderdi guztietan berrikuntzak duen garrantzia sustatzeko.
Deusto Emprenderen helburua da pertsonen bidelagun izatea, bai ikasle garaian eta bai lanbidean, ekintzailetza eta berrikuntza sustatuz, eraldaketa ekonomiko eta sozialerako eragile bihur daitezen, ekosistemako beste eragile batzuekin elkarlanean.
Innogune: Berritzeko eta ekiteko ekosistema bat
Innogune Donostiako campusean dago, eta enpresak sortzeko gune nagusia da, Deustuko Unibertsitatearen barruan. Abian jarri zenetik, 100 enpresa sortu dira bertan. Horietatik 66k jarraitzen dute gaur egun eta 184 pertsonari ematen diete lana. 2023an, Innoguneko egungo 23 proiektuek 2.905.000 euroko fakturazioa sortu zuten guztira eta 62 pertsonari eman zieten lana. Askotariko proiektuak sortu dira Innogunen, horien artean, Deskontu, Senddo, La Salsera, Quevedos Strategic Partners, Donostik, Pantori, Puntueus Fundazioa, Aplicanet, Basque Destination, Thinknnova, Ekozon Consulting, ONGi, Sabbatic, No Problem, Go Local, Nortlan, Kluppy edo Loyolanet Fundazioa, eta harrotasunez daramate “Created in Deusto” bereizgarria.
Ekainaren 6an, Innogunek Ekintzailetzako luntxa antolatu zuen Tokiski aretoan. Ekitaldian, ongietorria egin zitzaien proiektu berriei eta Victor Urcelay Deustuko Unibertsitateko Ekintzailetza eta Enpresa Harremanetarako errektoreordeak eta Garbiñe Henry Berrikuntza eta Ekintzailetzako zuzendariak 100. proiektuaren aitortza eman zioten Dezetaari. David Zabala, Dezetaaren sortzailea, ibilbide luzeko ekintzailea da. Enpresen Administrazio eta Zuzendaritzako gradua eskuratu zuen Deustuko Unibertsitatean. Ongi ezagutzen du Innogune, praktikak Donostik enpresan egin zituen, Innogunen sortutakoa; eta Ekomodoren sortzaileetako bat izan zen, oraindik ere Innogunen dagoen enpresetako bat. Orain dela gutxi arte, David Zabala Naturklimako zuzendari nagusia izan da. Orain, bere hirugarren enpresa jarri du abian, Dezetaa, berak bakarrik.
Dezetaa negozio eredu lehiakorrak, jasangarriak eta eragin positibokoak diseinatzen eta garatzen espezializatuta dago. Dezetaaren misioa da onura ekonomikoez gainera, onura sozialak eta ingurumenekoak ere ekarriko dituzten enpresak sortzea. Dezetaak estrategia, berrikuntza, komunikazioa eta jasangarritasuna uztartzen ditu, enpresei eta ekintzaileei jasangarritasuna abantaila lehiakor gisa aprobetxatzea ahalbidetuko dieten tresnak eskaintzeko.
Innoguneko proiektu berriak
Dezetaaz gain, beste proiektu batzuk ere sartu edo sortu dira Innogunen, eta ekintzailetzako luntxean aurkeztu dira:
–Alai Retail: Clara Melegarik eta Varsha Laik sortua, enpresak diseinu jasangarriko soluzioak eskaintzen dizkie txikizkako sektoreko saltokiei.
–Puxika proiektua: Pablo Ibarreta buru dela, Donostialdean banaketa ekologikoko zerbitzua eskaintzen du, bizikleta elektrikoak erabiliz. Hornitzaileak eta bezeroak lotzeko aplikazio bat ere badu.
–Le Guide Officiel: Elena Guibertek eta Nerea Calvok sortua, proiektu eta pertsona artistikoei ikusgarritasuna ematea du helburu, marka kontzienteak eta jasangarriak eskatzen dituen publikoarengana hurbilduta.
Innogunen, “Haien arrakasta gure arrakasta da” leloak Deustun ekiten eta berritzen duten pertsonekiko konpromisoaren eta dedikazioaren isla izaten jarraitzen du. 100. proiektua, Dezetaa hartuz, Innogune funtsezko zutabea da Euskal Autonomia Erkidegoan enpresa berritzaile eta jasangarriak sortzeko.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.