INIZIA 2023 sariak eman dira Araban
INIZIA DAY jardunaldiaren barruan 2023ko INIZIA sariak banatu dira. Ekitaldi horren buru Manoli Igartua Euskal Herriko Unibertsitateko Arabako Campuseko errektoreordea aritu zen, eta horrez gain, Leyre Madariaga Eusko Jaurlaritzako Eraldaketa Digitalaren eta Ekintzailetzaren zuzendariak, David Montero BIC Arabako zuzendariak ekintzailetza-teknikak Izaskun Ruiz de Apodaca, Mireia Martínez eta Amaia Calleja Arabako Campuseko Ekintzailetzako eta Transferentziako zuzendariak ere parte hartu zuten.
Sari horiek kultura ekintzailea sustatzea xede duen INIZIA Arabacampus programaren barruan ematen dira, eta programa horretan elkarlanean aritzen dira hala UPV/EHUaren Arabako Campusa nola BIC Araba. Haren helburua, honako hau: enpresa ekimen berritzaileak dakartzaten eta/edo oinarri teknologikoa duten proiektuak saritzea.
Sariek bi kategoria dituzte. ‘Ekimen berritzaile berriak’ kategoria pertsona hauei zuzenduta dago: UPV/EHUko tituludunak edo graduatu ondokoak eta edozein ziklotako ikasleak; edo UPV/EHUn egindako ikerketaren emaitzaren ondorioz sortutako teknologia erabiltzen duten sustatzaileak.
Atal horretan, ‘Across The Shopper–Investigación y conocimiento del consumidor’ izeneko proiektua izan da irabazlea. Kontsumitzailearen ikerketan eta analisian espezializatutako aholkularitza-enpresa bat da Across The Shopper, eta saltokietan aukerak detektatzea du helburu. Neuromarketinean oinarritutako merkatuen ikerketa-teknika horiek Euskal Autonomia Erkidegoko enpresa txiki eta ertainei hurbiltzeko jomuga du.
Bi pertsona daude proiektuaren atzean: batetik, Xavier Cros, aditu handienetako bat datu horiek shopper marketing delakoaren palankak aktibatzeko ekintza zehatz bihurtzeko moduan; eta bestetik, Jesús Alonso, 30 urtetik gora daramana Nestlé Españan zuzendaritza-postuetan.
Bigarren saria Guillermo Cano, Marina Aguilar, Goizalde Badiola, Manuel María Graña eta Igone Moraisek garatutako ‘JantzIA’ proiektuak jaso du. Estimulazio bioelektrikoko espazio- eta denbora-ereduak larruazalaren mailan aplikatzeko sistema bat da. Elektrodoak hobeto, erosoago eta seguruago aplikatzeko, horiek jantzi doigarri batean integratuta egongo dira, elektrodoek larruazalaren gainean duten kokapen espaziala pertsonalizatzeko.
Produktua erabiltzaile partikularrei zuzentzen zaie eta erabilera ludiko eta terapeutikoa du; zehazki, giharretako eta eskeletoko gaitzen bat duten pertsonentzat da, edo, besterik gabe, etxetik irten gabe erlaxatu nahi dutenentzat.
‘Gradu Amaierako Proiektuak, Master Amaierako Proiektuak eta Doktorego Tesiak’ kategoriari dagokionez, lan hauek lortu dute saria: Leire Díezen ‘Desarrollo de andamios vasculares por impresión 3D’ lana, 3D inprimaketan oinarrituta protesi baskularrak lortzeko tintak eta biotintak garatzeko eta ezaugarritzeko helburua duena; Unai Díaz de Guereñuren ‘Sostenibilidad en proyectos de servitización’ izeneko lana, ekonomia zirkularreko estrategietan oinarritutako merkataritza- eta kudeaketa-eredu berri bati buruzkoa; eta Jorge Salazarren ‘Diseño y desarrollo del módulo de incidencias multimedia de una plataforma BIM con realidad aumentada para la asistencia en la ejecución de operaciones de ingeniería y construcción’ izeneko lana, multimedia edukia ohar geoposizionatuetan sortzea eta lotzea barne hartzen duena oso informazio baliotsua, zuzenekoa eta berehalakoa ematen duten elementuak izaki.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza