Giideba, eskarak eta zainetako tronbosiak prebenitzeko eta tratatzeko teknologia berritzailea
Giideba Salud espezializatuta dago arrisku ertaina edo handia duten pazienteei eskarak prebenitzeko eta tratatzeko irtenbide berritzaile eta eraginkorrak eskaintzen. “Eskarak larruazalean gertatzen diren lesioak dira, ohean edo gurpil-aulkian luzaroan dauden pertsonengan. 48 ordu baino gutxiagoan gertatzen dira eta hilabeteak behar dira sendatzeko”, azaldu du Natalia Andrea Romero enpresaren sortzaileak.
Enpresa sortzeko ideia Argentinan sortu zen, ehun naturalen garapenean aditua den fundatzailearen esperientziatik abiatuta. Romerok arazo bat antzeman zuen osasunaren sektorean bere amaren bitartez, hirugarren adineko pazienteekin eta minbizi terminala duten pazienteekin lan egiten duen erizaina. Ohartu zen, eskarak sendatzeko 250 produktu baino gehiago zeuden arren, ez zegoela aukera eraginkorrik horiei aurrea hartzeko. Aurkikuntza horrek merkatu-nitxo hori ikertzeko interesa piztu zion Romerori. 10 urte eman zituen eta bere produktua baliozkotu zuen 100 paziente baino gehiagorekin. Horrela, hiru urteko probaldian inork eskararik ez izatea lortu zuen.
Horren ondorioz, eskarak prebenitzeko ehungintza espezializatu bat sortu zuen, eta nanoteknologiarekin egindako bigarren produktu ebolutibo bat, behin agertu eta gero, lesio horien errekuperazioa bizkortzeko diseinatua dagoena. Bestalde, Romerok programatutako estimulazio-koltxoneta bat garatu zuen, zainetako tronbosia sahiesten duena, pazientea mugitu gabe estimulatzeko aukera ematen baitu. “Enpresaren produkturik esperantzagarriena da”, esan du sortzaileak.
Merkatua aztertu ondoren, Argentinan sortutako ideia Europara eraman zen, zehazki Bizkaira, “eskualdean izandako hazkundeagatik eta enpresa berriei eskainitako onura eta laguntzengatik”. Orain Barakaldon du egoitza, BIC Ezkerraldean, eta bertan egiten ari da lehen urratsak bere lehen produktua fabrikatzeko eta merkaturatzeko: Skinkeeper, prebenitzeko diseinatutako kit garbigarri eta biodegradagarri bat da, gorputzeko lau gunetan eskarak garatzeko joera dutenentzat. Omoplatoak, koxiak, ukondoak eta orpoak barne hartzen dituen ehun oso eraginkor batez egina dago. Izan ere, enpresak B enpresa gisa ziurtatzea du helburu, eta dagoeneko 2030 Agendako bost GJHtan eragiten du.
Era berean, Giidebak aholkularitza eta trebakuntza eskaintzen die senideei eta zaintzaileei, mediku eta erizain espezialisten talde baten bitartez. “Ulertzen dugu haiek funtsezko zeregina betetzen dutela pazienteen zaintzan eta tratamenduan. Horregatik, eusteko eta laguntzeko espazio bat eskaintzen dugu, zalantzak argitzeko eta etxeko edo arreta-zentroetako eskarak prebenitzeko praktikak hobetzeko”, adierazi du Romerok.
Enpresa lehen urratsak ematen ari da, batez ere zaharren egoitzetan, fisioterapia-zentroetan, ospitaleetan eta ortopedietan. “Oraingoz, tokiko merkatuan dugun presentzia zabaltzera bideratzen ari gara, baina nazioarteko bezeroekin lan egiteko prest gaude, enpresa hazi eta aliantzak indartu ahala”, gaineratu du sortzaileak.
Gaur egun, enpresa Tecnaliarekin elkarlanean ari da bere bigarren produktua baliozkotzeko eta testatzeko, baita hirugarrenaren prototipoaren bertsio berri bat garatzeko ere. Romerok irmoki uste du “berrikuntza irekia eta lankidetza funtsezkoak direla osasunaren arloan”.
Etorkizunari begira, Giidebak bere produktuak Espainia eta Europa osoan kokatu eta zabaldu nahi ditu, osasunaren sektorean sendotzeko. Aldi berean, Argentinako ikertzaileekin lan egiten du ehungintza berri baten garapenean, etorkizunean gaur egun erabiltzen duena ordezka lezakeena. “Horrek erakusten du etengabeko hobekuntzarekin dugun konpromisoa”, ondorioztatu du Romerok.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.