Euskal enpresaren blog-a Zure enpresarentzat garrantzitsua den eguneroko informazioa
Albisteak 29 ekaina, 2018 Ekintzailetza up euskadi

Eusko Jaurlaritzak eta Gipuzkoako Foru Aldundiak 42 enpresa-proiektu berri onartu dituzte urteko lehen seihilekoan

BIC Gipuzkoak 1.325.000 euroko laguntza ekonomikoa eman die proiektu horiei

BIC Gipuzkoak 1.325.000 euroko laguntza ekonomikoa eman die proiektu horiei

 

Eusko Jaurlaritzak, SPRI Taldearen bidez, eta Gipuzkoako Foru Aldundiak urteko lehen seihilekoan garatu duten jarduera ekintzaileak erakusten du nabarmen hazi dela onartutako proiektu kopurua eta, hala, indartuz doa azken urteotako goranzko joera. 2017 urtean 65 enpresa-ekimen berri onartu ziren. Aurtengo lehenengo sei hilabeteetan 42 proiektuk lortu dute BIC Gipuzkoaren Hautaketa Batzordearen oniritzia, eta 1.325.000 euroko ditu-laguntzak jaso dituzte.

 

Onartutako proiektuetatik, 24 Ekintzaile/Txekintek programara aurkeztu dira, ideia garatu eta enpresa abiarazteko fasean laguntza eta finantziazioa eskaintzen duenera. Kasu horretan onartutako laguntzak 685.000koak dira. Gainerako 18ak Ekintzaile/Barnetekin programaren baitan onartu dira, intraekintzailetza sustatu eta enpresen barruan proiektu eta jarduera berriak sortzea sustatzeko. Ekimen horietara bideratutako zenbatekoa 640.000 eurokoa izan da.

 

Proiektuak ebaluatu eta diru-laguntzak onartzen dituen Hautaketa Batzordea honako erakundeetako adituek osatzen dute: Eusko Jaurlaritzaren Ekonomiaren Garapen eta Azpiegitura Saila, SPRI, Gipuzkoako Foru Aldundiko Ekonomia Sustapen Saila eta BIC Gipuzkoa.

 

2018ko lehenengo sei hilabeteetan onartutako proiektu kopuruak eta horien kalitateak pasa den urtearekin alderatuta jarduera ekintzailearen bultzada berri bat azaleratzen dute. Joera hori sendotzen ari da azken ekitaldietan eta BIC Gipuzkoako zuzendari gerente den Marisa Arriolaren usttan, “balio handia da hori lurraldeko ehun ekintzaile eta enpresarialarentzat, zientzia eta berrikuntza oinarri dituzten ekimenak baitira eta espezializazio adimenduko RIS3 estrategia sektorialak hedatzean sakontzen baitute”.

 

Onartutako proiektuen jarduerak, nagusiki, fabrikazio aurreratuaren, energiaren, bioteknologiaren, osasunaren, zibersegurtasunaren eta mugikortasunaren sektoreen baitakoak dira.

 

BICeko ekintzaileen profila honako hau da: 30-45 urte bitartekoak, goi-mailako ikasketak dituztenak (bereziki gradu politeknikoak) eta aurrez enpresa eta aholkularitzetan esperientzia dutenak. Gainera, doktoreak eta unibertsitate-ingurunetik datozen proiektuetako pertsonak ere ekintzailetza-prozesuetan esku hartzen ari dira.

 

BIC Gipuzkoak aurten 25. urteurrena ospatuko du, honako emaitza honekin: 732 proiektu lagundu ditu, 359 enpresa berri sortu dira eta beste 108 dibertsifikatu. BIC Gipuzkoak lagundutako proiektuen biziraute-indizea nabarmentzekoa da, merkaturatutako ekintzailetza-ekimenen % 80k jarduerari eutsi baitiote gaur egun; horietako asko, gainera, erreferente dira sektore eta jarduera berritzaileetan.

 

BIC Gipuzkoaren % 50 SPRI-Eusko Jaurlaritzarena eta Gipuzkoako Foru Aldundiarena da, eta BIC erakundeen euskal sarearen parte da, BIC Araba, BIC Bizkaia eta BIC Bizkaia Ezkerraldearekin batera, eta erreferentziazko eragilea da lurraldeko ekintzailetza-ekosisteman; aliantza-sare bat eratu du unibertsitate, enpresa, teknologia-zentro eta erakunde publiko eta pribatuen artean, ideiak enpresa-proiektuetan eraldatzea azkartzea xede.

 

 

aglaya events
Albisteak 29 ekaina, 2022 Ekintzailetza
Aglaya Events, “zure bezeroak zure unibertso propioan murgiltzeko” ekitaldi-murgiltzaileak
Irakurri gehiago
Bapobap Kike Fernández David Pérez Quino Lamas
Albisteak 28 ekaina, 2022 Ekintzailetza
BapoBap, gaixotasun kutsakorrak dituzten pazienteak isolatzeko aukera ematen duen isolamendu-burbuila eramangarria
Irakurri gehiago
AIDEARTE AIDA PÉREZ
Albisteak 27 ekaina, 2022 Ekintzailetza
Aida Perez: “Ikusizko komunikazio batek funtziona dezan, zintzoa, naturala eta inklusiboa izan behar du”
Irakurri gehiago
Wake Up Euskadi
Albisteak 24 ekaina, 2022 Ekintzailetza
Wake up! Albiste ekintzaile batzuk sarean
Irakurri gehiago
Euskooters
Albisteak 23 ekaina, 2022 Ekintzailetza
Euskooters: Patinete elektriko partekatuak alokatzeko aukera ematen duen aplikazioa
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak