AIEDI Faktoria: “Erakundeak ispiluaren beste aldera salto egitera animatzen ditugu”
Nerea Azkona eta Maider Cascón AIEDI Faktoria aholkularitzaren sortzaileak dira. Aholkularitza honek erakundeen ongizatea hobetzen du, Garapen Jasangarrirako Helburuak oinarri harturik.
Nerea antropologo eta ingurugiro-aholkularia da; Maider, aldiz, psikopedagogoa, programazio neurolinguistikoan aditua. Ideia amankomun batek batzen ditu: enpresak ezin dira soilik errentagarritasun ekonomikoaren arabera mugitu, paper bat betetzen baitute gizartean. Ildo honetatik, formakuntza programak, tailerrak eta enpresen munduko ikastaroak bultzatzen dituzte pertsonen burujabetasuna eta ongizatea bermatzeko.
AIEDI Faktoriak “mundu berri batera salto egitera” gonbidatzen ditu erakundeak. Zer esan nahi du?
Nerea: Maider eta biok 3. sektorean lan egiten elkar ezagutu genuen eta beti pentsatu dugu gauzak egiteko beste bide bat bilatu behar dugula. Proiektua bi ideiatik sortu zen: alde batetik, zoriona erakundeen barruan lortu beharreko muga gisa kokatzea; bestetik, jasangarritasuna zuhaitzak landatu eta hondartzak garbitzeaz harago eramatea. Batzuetan geure jarduera ezagutaraztea zaila denez, Alizia herrialde miresgarrian metafora erabiltzen dugu. Erakundeak zokora salto egitera gonbidatzen ditugu, betiere gure eskutik helduta eta Garapen Jasangarrirako Helburuak eta genero-ikuspegi barnerakoia eta kulturanitza lanabes harturik. Beste aldera iraganez gero, ezinezkoa da erakundeen mundua ikustea betaurreko hauek gabe.
Zaila da erakundeei betaurreko hauek jarraraztea?
Maider: Enpresen arteko egituran, eragozpenik handiena arrakastaren irizpideak soilik emaitza ekonomikoetan oinarritzea da. Baina ezin dugu zoriontsu izatea espero laneguna amaitu eta ordenagailua itzaltzean. Gainera, ezaguna da pertsonek gustura lan egiten dutenean, haien ekoizpena handitu egiten dela. Dagoeneko bide hau hartzen ari diren enpresak daude, baina egunean-eguneango errutinek ahanztea eragiten dute. AIEDIko happiness coaching sailetik kontzeptu hauek barneratu nahi ditugu antolakuntza-estrategiaren barnean.
Nola jarduten duzue erakundeen barnean zoriona areagotzeko?
Maider: Hasteko, zorionaren kontzeptua eraisten dugu. Pertsonekin hausnartzen dugu zorionari buruz; zer esan nahi duen haientzat eta norantz jo nahi duten, psikologia positiboa eta neurozientziaren bidetik. Plantillaren bidez, antolakuntzaren ongizatea eta lanpostuen sorkuntza hobetzeko metodoak erabiltzen ditugu. Horretarako, indargune kognitiboak, emozionalak eta pertsonen arteko harremanenak lantzen ditugu, baita etika ere. Ostean, liderrak diren pertsonekin hausnarketa bat egiten dugu, erdaraz ‘jefes con g’ deritzoguna. Aldaketarako prestatua den lidertza lantzen dugu, gatazkak konpontzeko sormenaren kudeaketa eta aldaketarako bideak lortzeko gaitasunak landuz. Batzuetan ez dugu filosofiari buruzko hizketa luzerik behar, soilik osasungarriak diren ohiturak barneratu, hausnarketarako guneak sortu edota pertsonak gogo handiagoaz sentituko diren lanpostuetara mugitzea.
Zergatik dituzue oinarri Garapenen Jasangarrirako Helburuak?
Nerea: Badakigu 2030 Agenda perfektua ez dela, baina erronka handiei aurre egiteko aukera bikaintzat dugu. Garapen Jasangarrirako Helburuek lengoaia amankomuna eta ekintza-markoa eskaintzen dizkigute. Gainera, enpresen egituraren partetzat gaituzte, Nazio Batuen Erakundeak lehenbiziko aldiz enpresak aldaketarako ekarpenak egin ahal dituzten agente gisa sartu baititu. Hasieran Garapen Jasangarrirako Helburuen gainean hitz egiten zenuenean, enpresek epe urruneko kontu bat bezala ikusten zuten, baina onurak ekar ditzaketen ekintza txiki asko egin daiteke epe ertain eta luzean. Enpresari buruz aurretiaz egiten dugun ikerketan, gehienetan jarduera egokiak antzematen ditugu, Garapen Jasangarrirako Helburuekin bat egiten dutenak. Gure lana ere bertan adierazitakoa praktikara eramatean datza.
Kooperatiba duela urtebete baino zertxobait gehiago sortu zenuten. Orain arte zein proiektu bultzatu dituzue?
Maider: Happiness coaching sailean, dagoeneko lanean ari diren pertsonen lanpostuak hobetzeko esparrua dugu, eta beste bat lan bila dabiltzanak burujabe izateko. Hortik abiaturik, ekintzaile gazteekin lan egin dugu hainbat unibertsitatetan, lanpostuen sorkuntza, taldeen elkartasuna eta komunikazioa bezalako gaien gainean. Hirugarren sektorean, egoera zaurgarrian dauden pertsonen gaitasunetarako tailerrak egin ditugu. Honez gain, enpresari gazteekin lidergorako bestelako bideak bultza ditzaketen lanabesak landu ditugu.
Nerea: Garapen Jasangarrirako Helburuen sailean, hirugarren sektoreko entitateekin lan egin dugu, Garapen Jasangarrirako Helburuekin bat datozen plan eta edukiak sortuz. Orain Pikara Magazine aldizkari feministarentzat jasangarritasunari buruzko lehenengo memoria ateratzeko zorian gaude. Oso pozik gaude uztailean aterako den emaitzarekin. Bestalde, ekintzailetzaren munduan zerbait gehiago egiteko irrika dugu. Gu geu geure kooperatiba sortzeko prozesuan ibili gara eta emozioen kudeaketa faltan bota dugu. Azken hau barneratzen saiatzen ari gara, zeren salmentei, BEZari eta beste hainbat konturi buruz ikasten den bezala, honelako prozesuetan emozioak lantzea ere oso garrantzitsua da.
info+: aiedifaktoria.com
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.