500 pertsona baino gehiago elkartu dira BIND 4.0ren DEMO DAY jardunaldian industriaren azken berrikuntzak eta joerak ezagutzeko
- BIND 4.0k zazpigarren edizioan parte hartu duten 26 startupen proiektuak, partner enpresekin elkarlanean garatu direnak, aurkeztu ditu
- Steve Blank ekintzailetza modernoaren aitak, startupen hazkunde arinerako prozesuei eta berrikuntzari buruzko hitzaldia eman du eta burokraziaren aurrean berrikuntza nola lehenetsi azaldu du.
- Gainera, industria adimendunaren, energia garbi eta jasangarriaren eta elikaduraren eta osasunaren teknologiaren arloko konponbideak dituzten startupen 8. deialdia ireki da.
BIND 4.0k gaur goizean egin du Euskalduna Jauregian DEMO DAY 2023, industriako berrikuntzari buruzko urteko ekitaldia. Jardunaldian azelerazioaren eta berrikuntza irekiaren programaren zazpigarren edizioan parte hartu duten 26 startupek eta partner enpresek garatutako 30 proiektuak aurkeztu dira. Topaketa berezian 500 pertsona baino gehiago elkartu dira, industriaren etorkizuna markatuko duten joera eta teknologia berriak ezagutzeko. Jardunaldian Estibaliz Hernáez Teknologiako, Berrikuntzako eta Eraldaketa Digitaleko sailburuordea, Aitor Urzelai SPRI Taldearen zuzendari nagusia eta Leyre Madariaga Eraldaketa Digitalaren eta Ekintzailetzaren zuzendaria ere izan dira.
Bertaratuen artean industria-enpresa handien, besteak beste, Mercedes-Benz, ITP Aero, Sidenor, Danobatgroup, Iberdrola, Bridgestone, BTI Biotechnology Institute edo Angulas Aguinaga enpresen, ordezkariak, sektoreko berrikuntzaren arloko adituak, mundu osoko startup disruptiboak eta inbertsiogileak zeuden, bai eta Euskadiko erakunde publiko nagusien ordezkariak ere. Izan ere, DEMO DAY ekitaldiak urtero lortzen du sektorearen etorkizuneko premiei aurrea hartzeko gai diren soluziorik berritzaileenak elkartzea, eta, nagusiki, lau sektoretakoak: industria adimenduna, energia garbia eta jasangarria eta elikaduraren eta osasunaren teknologia.
Topaketaren helburua da bertaratuek ikusi ahal izatea erakunde publikoen, pribatuen eta startupen arteko elkarlanari esker zenbat aukera zabaltzen diren berrikuntza irekiko eredu batekin. BIND 4.0k jada 8 urte daramatza horren aldeko apustua egiten eta emaitza bikainak lortu ditu. BIND 4.0k gaur egun zerbaitengatik ditu hiru ekimen sektorean berrikuntza sustatzeko: bat korporazio handiei zuzendutakoa, BIND 4.0; beste bat ETEekin berritzeko, SME Connection; eta hirugarren bat sozietate publikoetan digitalizazioa sustatzeko, GovTech. BIND 4.0k guztira 200 startup baino gehiago azeleratu ditu eta 300 proiektutik gora garatu ditu, eta 7,7 milioi eurotik gorako fakturazioa gainditu du.
Industria digitalago, jasangarriago eta efizienteago baterako berrikuntza
Ekitaldian, azkeneko edizio honetan parte hartu duten 26 startupek erakusketa iraunkor batean erakutsi dituzte euren teknologia disruptiboak, besteak beste, Adimen Artifiziala, IoT, Big Data, Ikuspen Artifiziala edo Errealitate Birtuala, bai eta nola aplikatu dituzten ere aurten Euskadiko industriarentzat egindako 30 proiektu berritzaileetan.
Erakusketa iraunkorrarekin batera zazpigarren edizioko berrikuntza-proiekturik onenen kasu errealak erakusteko eta aurkezteko gune bat ere izan da. Aurkeztu diren 20 bat proiektu horien artetik, biki digitalaren, adimen artifizialaren eta berrerabiltzeko lehengaiak sortzearen teknologiak baliatu dituzten hiru kasu zehatz nabarmendu daitezke.
Bigarren kasu gisa, ITP Aero motor aeronautikoen konpainia lider globalak eta Gureak enpresa-taldeak Vidext Adimen Artifizialeko startuparekin lan egin dute ikus-entzunezko edukiak sortzeko tresnak garatzeko. IAn oinarritutako tresna aurreratuen bidez, prestakuntza-eduki eleaniztunak sortu dira, edukiak sortzeko denbora murrizteko eta langileen elkarreragina hobetzeko.
Ekintzailetza modernoaren aita DEMO DAY jardunaldian
BIND 4.0ren ekitaldiko hitzaldi nagusia Steve Blankek, ekintza modernoaren aita eta Lean Startup mugimenduaren sortzaileetako bat denak, eman du. Mugimendu horri esker enpresek eta startupek azkar eta eraginkortasunez ezar dezakete berrikuntza. “How to avoid Innovation Theater” izeneko hitzaldi nagusian, startupek, euren hazkunde-prozesuan, aurre egin beharreko burokraziaren aurrean berrikuntza lehenesteko beharra azpimarratu du. “Izan ere, antolakundeak hazten doazen neurrian, prozesua produktuaren gainetik jartzen hasten dira”, esan du.
Aurten DEMO DAY jardunaldian startupek izan duten beste berrikuntzetako bat Corporate Partnerrekin azelerazio-programan egindako proiektuak aitortzeko sarien banaketa izan da, bai eta BIND 4.0 SME Connection barruan egindakoena ere, ETEen eraldaketa digitalera zuzenduta dagoen eta jada bi edizio izan dituen ekimena izanik. Saritutako proiektuak izan dira BigDa Solutions startupak Mercedes-Benz partner enpresarekin sortutakoa eta Kevo startupak eta Eldu ETEak garatutakoa SME Connectionen.
Partner Korporatiboen eta Startupen artean egindako proiektuen aurkezpenez gainera, bi mahai-inguru ere egin dira: BIND 4.0 SME Connection, ekimenean ETE industrialekin egindako berrikuntza irekiko proiektuak azaltzeko, eta BIND 4.0 Govtech, sozietate publikoetan eraldaketa digitalaren eta kulturalaren erronkak eta aurrerapenak azaltzeko, estreinatu berria den ekimenean. Ez da ahaztu behar topaketan bertaratuek networking gune bat ere izan dutela enpresek, startupek eta inbertsiogileek esperientzia profesionalak partekatzeko.
BIND 4.0ren 8. edizioa jada zabalik
BIND 4.0k, euskal industriako 70 liderrekin lankidetzan, urtero bilatzen ditu mundu osoko startup teknologiko berritzaileenak industriako enpresetan erabilpen errealeko kasuetan aplikatzeko proiektu disruptibo berriak sortu ahal izateko. BIND 4.0 programan parte hartzeko interesa dutenek datorren irailaren 8ra arte aurkeztu ahal izango dituzte BIND 4.0 programaren hurrengo edizioan parte hartzeko hautagaitzak, www.bind40.com programaren webgunearen bidez. Horien konponbide teknologikoa jada merkatuan edo azken garapen-fasean egotea eta konponbide horrek partner enpresei balioa eman ahal izatea ere eskatzen da.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza