Zero akats fabrikazioari bultzada, lehiakortasuna areagotzeko
I+G-ko Hazitek laguntza programak babesten duen CONAN proiektuak, fabrikatzen diren produktuen eraginkortasuna areagotzeko aukera luzatzen duten kalitate-kontrolaren soluzio oso berri bat diseinatzea du helburu.
Euskal enpresa industrialek, nazioarteko merkatuetan euren lehiakortasuna mantentzeko beharrak, doikuntza goreneko eta kalitate goreneko emaitzak lortzea ahalbidetuko duten sistema teknologiko berriak bilatu beharra dakar; eta egoera horretan, Zero Akats Fabrikazioaren paradigma sortzen da, produkzio- bikaintasuna erdiestea helburu duena.
I+G babesteko Hazitek programaren bitartez SPRI taldearen babesa duen CONAN proiektua, fabrikazio industrialaren eredu berriaren testuinguruan kokatzen da eta, fabrikatzen diren produktu eta osagaien eraginkortasuna eta lehiakortasuna areagotzeko aukera luzatuko duen kalitate- kontrolaren soluzio oso berri bat diseinatzea du helburu.
Galdaketa osagai eta balio teknologiko handiko balbula industrialen fabrikatzaile AMPO buru den ekimenak, Fabrikazio Aurreratuan espezializatutako IK4-IDEKO zentro teknologikoa du kide. Horrez gain CONAN-en Laulagun Bearings, ULMA Forja, Engine Power Components, Matz-Erreka, Danobat eta Savvy Data Systems euskal enpresak ere parte hartzen ari dira.
