LaserWay proiektuaren helburua, laser-teknologia Europako industria-ekoizpenean integratzea
Industria arinago eta eraginkorrago baterako trantsizioan funtsezko tresna gisa sendotzen ari da laserra. Metodo tradizionalak alde batera utzita, teknologia horretan oinarritutako prozesuek zehaztasun, energia-aurrezpen eta aplikazio desberdinetara egokitzeko aukera handiagoa ematen dute. Testuinguru horretan, Basque Research and Technology Alliance-ko (BRTA) kide den Tekniker zentro teknologikoak LaserWay proiektu europarrean parte hartzen du. Proiektu horren helburua maiztasun handiko laser-prozesuetan oinarritutako fabrikazio-lerro berriak sustatzea da.
Ekoizpen-prozesu konbentzionalak metodo iraunkor eta moldakorragoekin ordezkatzeko aukera emango duten laser-soluzioak garatzen dihardu ekimenak. Europar Batasuneko Horizon Europe programak finantzatutako 5 milioi eurotik gorako aurrekontuarekin, partzuergoa Espainia, Alemania, Txekiar Errepublika, Italia, Herbehereak eta Frantziako 16 kidek osatzen dute.
Teknikerrek pultsu bakarreko laser bidezko mikroperforatze-prozesu bat garatu nahi du, ordura arte lortu ez den produktibitatea eta eraginkortasuna lortzeko. Berrikuntzarik aipagarrienen artean, mikrozulaketa-buru berri baten diseinua eta integrazioa dago. Buru horrek sortaren konformazio dinamikorako gaitasuna du, eta zuloen zirkularitate geometrikoa bermatzeko gai da, segundoko 600 zulaketa baino abiadura handiagoan.
Aurrerapen horri esker, Teknikerrek aurrez garatutako mikrozulaketa-makina baten produktibitatea bikoiztuko du. Makina horrek laser teknologia izango du sektore aeronautikorako uraren tratamendurako iragazki metalikoak eta mikrozulatutako eraso-ertzak fabrikatzeko. Bi kasuetan, milioika mikrozulo sortu behar dira, kalitate-estandar handiekin.
Proiektuaren ondorioak baliozkotu egingo dira benetako balditzetan, parte hartzen duten sektoreek baldintza zorrotzak betetzen dituztela bermatzeko. Arrakasta horri esker, prozesatze-epeak murriztuko dira, materialen erabilera optimizatuko da eta piezen azken kalitatea hobetuko da, Europak fabrikazio-teknologia aurreratuetan duen posizioa indartuz.
2026ko abenduari begira, LaserWay proiektuak sektore giltzarrietan eragin nahi du, hala nola automobilgintzan, aeronautikan eta uraren tratamenduan, produkzio garbiagoa eta eraginkorragoa sustatuz. Besteak beste, helburu hauek ditu: industria-hondakinak murriztea, hegazkinen energia-eraginkortasuna hobetzea eta ibaiak eta ozeanoak arazteko iragazki eraginkorragoak fabrikatzea.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
