Innomy: “Haragiaren alternatiba bat sortzen dugu modu naturalean, iraunkorrean eta nutrizioaren aldetik aberatsa”

Innomy enpresa Argentinan jaio zen, eta Derion finkatu da, Bic Bizkaia inkubagailuan, hain zuzen ere. Gainera, SPRI Taldearen babesa jaso du Ekintzaile edo Hazitek programen bidez. Proteina fungikoetan oinarritutako elikagaien industriarako soluzioak eskaintzen dituen enpresa bioteknologikoa da. Elkarrizketa honetan, Juan Pablo de Giacomi CEO eta sortzaileak enpresaren jatorria, haragiaren alternatiba bat sortzeko duen motibazioa eta enpresak aurrean dituen erronkei buruz hitz egin du.  

Nola sortzen ditu bere elikagaiak Innomyk? Zer elementu erabiltzen ditu? 

Proteina fungikoetan zentratutako konpainia bat gara. Zehazki, ‘micello’-ekin lan egiten dugu, onddoen egitura konplexuak, fruitua eman aurreko ehunak, animalien muskuluak nolabait emulatu ditzaketenak. Nutrizio-onura handiak dituzten ehunak dira. Proteina fungikoak oso indartsuak dira; begetalak baino asimilazio hobeago eragiten dute, sistema immunea estimulatzen dute, antioxidatzaileak dira, kolesterolik gabeak, D bitaminadunak… Hozka egitean ere, esperientzia desberdina da beste produktu batzuenaren aldean: ehunak ‘apurtu’ egiten ditugu, animalia-haragia irensten dugunean bezala.  

Zergatik aukeratu zenuen haragi-alternatiben merkatuan lan egitea?  

Enpresa sortzean, gure motibazioa zen fungi esparruaren potentziala ezagutaraztea eta aplikazioak benetan inpaktua sortzen duen zerbait ahalbidetzea. Animalia-ehunen eta onddo filamentosoekin lortzen genituen egituren arteko antzekotasunak aztertu genituenean, eta animalien kontsumoa murrizteko alternatiba handia zen, zentzumen-terminoetan haragi bat gozatzeko esperientzia murriztu beharrik gabe. Horrela, haragiaren alternatiba naturala, iraunkorra eta nutrizio-aldetik oso aberatsa zela egiaztatu genuen, eta aukera benetan lehiakorra izan zitekeela ikusi genuen.  

Zein enpresa motari zuzenduta daude Innomyren  produktuak? 

Beste enpresa batzuentzat teknologia eta produktuak garatzen ditugu, B2B eredu batekin. Hau da, inokulua eta eskalatze-teknologia hornitzen ditugu elikagaien enpresek beren lantegietan ekoizpen-lerroan produktuak egin ahal izateko. Bezeroak haragi-enpresa tradizionalak dira, ‘plant based’ enpresak ere, eta produktuen portofolioa handitu nahi dute proteina fungikoak gehituz.  

Gure onddoentzako elikagai-oinarri gisa aprobetxa daitezkeen azpiproduktuak dituzten enpresekiko interakzioa ere interesatzen zaigu, sinergia oso garrantzitsua baita. Azpiproduktuen balioa handitzea eta enpresa garrantzitsuentzako negozio-aukera berri bat lortu genuen. Tokiko bezeroak ditugu, Europako iparraldeko herrialdeetan bezala, eta eskariak gora egiten du etengabe. 

Nolakoa da Innomyren eta EIT Fooden arteko lankidetza? Zein beste erakunderekin egiten du lan? 

Innomyk EIT Foodekin kolaboratu zuen. Oso jende baliotsuarekin harremanak izan genituen eta prestakuntza-tresna garrantzitsuak lortu genituen enpresaren hurrengo faseak eraikitzen jarraitzeko. Guretzat oso garrantzitsua da EIT Fooden laguntza, ikusgarritasuna ematen baitigu, bai eta erronkak saihesten laguntzen diguten lankideen esperientzia ere, akats gutxiago eginez eta prozesu osoa bizkortuz. EIT Food ez ezik, Bizkaiko Beaz Acceleration Program ere parte hartzen dugu. Eta Spain Food Tech, Eatable Adventures buru, eta Rockstart,  bi inbertsio-funtsen mentoria izan genuen. 

Zer asmo ditu konpainiak etorkizunean? 

Aurten gure bezeroekin edo partner industrialekin loturak garatzen jarraituko dugu, merkatuan ahalik eta lasterren egoteko. Baina Innomyk bere soluzio eta produktuen portfolioa hazteko planak ditu, onddoen potentziala ustiatzeko aukera emango digun garapenen zerrenda bat dugu eta dagoen ari garen elikagaien iraultzan erreferente bihurtzea espero dugu. 

Oraindik I+G fasean gaude bezeroekin, eta hainbat aplikazio aztertzen ari gara, ez bakarrik gure produktuetan, hala nola bitarteko produktuetan, testurizatuetan edo haragi xehatuaren antzekoetan, funtzionalitate desberdinak dituztenean. 

SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.