Euskaditik merkatu globalera: Fires-en bilakaera industria-iragazketaren arloan
Duela 33 urte sortu zen Fires, eta iragazte industrialeko soluzioetan espezializatutako euskal enpresa bat da. Bere ibilbidea ezagutza teknikoaren maila altuan oinarrituta eraiki da kalitateari begira. “Fires lokal txiki batean sortzen da, lau bazkideren ilusioarekin, eta uste dutenak industria-iragazketa bezalako arlo tekniko batean espezializatzea beharrezkoa eta garrantzitsua dela ekoizpena hobetzeko”, azaldu du Alfonso Monterok, bazkide sortzaileetako batek.
Enpresak iragazteko soluzioak eskaintzen ditu ekipoetan zein ordezko piezetan, energia aurrezteko, prozesu industrialen azken emaitza hobetzeko eta kudeaketa administratiboa eta stockena optimizatzeko. Eskaintza horri instalazio-, mantentze- eta ingeniaritza-zerbitzuak gehitzen zaizkio, eta horrek aukera ematen dio Firesi bezeroen beharrei erantzun integrala emateko. Gaur egun, 18 lagunek osatzen dute taldea.
Presentzia Kolonbian eta Perun, eta proiektu berriak Brasilen eta Afrikan
Nazioartekotzea da konpainiaren ardatz estrategikoetako bat, eta, horretarako, SPRI Taldearen laguntza izan du, “gure enpresa atzerrian hazteko giltzarria izan baita”, dio Monterok.
Firesek presentzia sendoa du Kolonbian eta Perun eta Brasilen prospekzio proiektu berriak garatzen ari da. Gainera, SPRIren eskutik, Afrika mendebaldean aukerak zabaltzeko lanean ari da enpresa, Nigerian, Ghanan eta Boli Kostan hain zuzen ere. Jarduera horri gehitu behar zaio proiektu garrantzitsuetan parte hartu izana, hala nola Riad-en ura bideratzeko iragazkiak hornitzea, eta 40 herrialde baino gehiagotako merkataritza- eta zerbitzu-jarduera.
Aldi berean, digitalizazioaren, datuen analisiaren eta babesaren eta zibersegurtasunaren aldeko apustua indartzen ari da enpresa, eta industria-lankidetza berrietan aurrera egiten ari da. “Une honetan, lankidetza handia garatzen ari gara presiopeko iragazte-ekipoen fabrikatzaile batekin, eta, horri esker, fabrikazio- eta egiaztatze-prozesu guztiak kontrolatuta daudela eta beren espezifikazio teknikoekin bat datozela bermatzen diegu gure bezeroei”, amaitu du Monterok.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
