Euskaditik Houston-era: Dagertek-en historioa
Dagertek ingeniaritza-enpresa bat da, 2024ko azaroan Houstonen (Texas) sortua eta industria astunean hamabost urte baino gehiagoko esperientzia duen talde batek eratzen du, horien artean, egungo CEO, Daniel Aguilar gipuzkoarra. Ingeniaritza integrala da, bere bezeroen proiektuen hainbat esparru hartzen dituena: automatizazio industriala eta robotikoa, ingeniaritza mekanikoa, softwarearen garapena eta zibersegurtasuna. Gainera, Aguilarren sustraiei esker, Dagertek aliatu naturala da Estatu Batuetan ezarri nahi duten euskal konpainientzat.
Enpresak ‘one-stop shop’ (edo leihatila bakarra, leku bakar batetik premia tekniko guztiak konpontzen dira) kontzeptupean jarduten du, eta erabateko laguntza ematen du industria-proiektuen bizi-zikloan. Zerbitzu integrala da,hau da, hainbat arlo batzen dituen zerbitzua. Esaterako, ingeniaritza aplikatutua non neurrira egindako konponbideak eta ideiak sortzen diren; formakuntza teknikoa, non teknologia berrietan taldeak gaitzeko prestakuntza teknikoa eskeintzen duten; edo giza kudeaketa proiektu industrialetarako talentu teknikoa bilatzera eta hornitzera bideratua. “Dagertek-en helburua bezeroari bere proiektuaen bizi-ziklo osoan laguntzea da, ezagutza, bizkortasuna eta emaitza ukigarriak emanez”, azaldu du Aguilarrek.
Euskadiren eta Estatu Batuen arteko lotura proiektuaren zutabeetako bat da. Dagertek-ek “Euskadiren zorroztasuna, kalitatea eta konpromiso bereizgarriak, AEBetako merkatura bideratutako pentsamendua eta mentalitate arinarekin uztartzen ditu”, dio Aguilarrek. Identitate hibrido horrek aukera bat ematen die Estatu Batuetan ezartzea helburu duten euskal enpresei. Oso lehiakorra den ingurune batean, euskarri integrala eskaintzen du, lehen urratsen konplexutasuna murriztuz eta hazteko aukerak indartuz .
Izan ere, enpresak bere hizkuntza teknikoa partekatzen du, eta esperientziatik ulertzen ditu nazioartekotzeko dituen erronkak. “Dagertek aholkularia izateaz gain, gauzatu, osatu eta lagundu ere egiten du, aholkularitza tradizionaletik haratago doan ikuspegi integrala emanez”, azaldu du Aguilarrek. CEOren ustez, Euskadin gaitasun handiko proiektuak daude: “Ekimen bakoitzak euskal ingeniaritzak industria-eraldaketa globala gidatzeko duen ahalmena erakusten du “.
Berrikuntza konpainiaren beste ardatz bat da. Gaur egun, Dagertekek osagai teknologiko handiko proiektuak garatzen ditu, besteak beste, ihes hidraulikoen monitorizazio intelingentea adimen artifizialarekin osatutako sistema batenbidez, kostuak murriztea eta ingurumen-inpaktua minimizatzea ahalbidetzen duena, eta lerro industrial klasikoen automatizazioa, hirurogeita hamarreko hamarkadako azpiegiturak modernizatuz, sentsoriaren eta kontrol adimendunaren bidez.
Etorkizunari begira, Dagertekek sektore kimiko, elikatzaile eta farmazeutikoetarantz dibertsifikatu nahi du, betiere bikaintasun teknikoarekiko eta berrikuntzarekiko konpromisoari eutsiz. Euskadiren eta Estatu Batuen arteko loturak indartzen jarraitzea du helburu, eta euskal zigiluarekin ezagutzaren, lehiakortasunaren eta talentuaren benetako trukea bultzatuz.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
