Zucchetti Spainek enpresen kudeaketa-prozesuen digitalitzazioan laguntzen du
Enpresa-sarearentzat, funtsezkoa da eraldaketa digitala lortzeko kudeaketa-prozesuak automatizatzea eta integratzea. Zucchetti Spainek, zeinaren bulego nagusiak Bizkaiko Parke Teknologikoan baitaude, enpresa-kudeaketarako software soluzioak garatzen ditu, enpresei prozesu horretan laguntzeko. Horrela, enpresa-baliabideen plangintza, pertsonen kudeaketa, kontabilitatea, nominak, ekoizpena edo mugikortasuna lantzen da.
Gaur egun, enpresak 250 langile inguru ditu Euskadin, bere I+G+Bko bulegoak dituzten hiru lantokietan: zentrala Derion eta horren egoitzak Donostian eta Ermuan. “1.200 bezero baino gehiago ditugu EAEn, askotariko sektoreetan, hala nola industrian, zerbitzuetan edo aholkularitzetan”, aitortu du Justino Martínez Salinasek, Zucchetti Spaineko CEOak.
“Gure produktu nagusia Solmicro ERP kudeaketa-softwarea da, Euskadin sortua gure I+G+Bko zentroetan, non bere hamar garapen bertikalak eta industriarako beste soluzio batzuk ere sustatu baititugu, hala nola SGA-WMS, BI edo MES”, adierazi du enpresako ordezkariak. Azken belaunaldiko teknologiarekin garatutako kudeaketa-software honen azken bertsioak BI, IA, IoT, Errealitate birtuala eta handitua edo Big Data aro digitalerako soluzioak eskaintzen ditu.
Berrikuntzaren aitorpena
Altai pAIroll ere azpimarratzekoa da, Zucchetti Spainek nominen kudeaketa automatizatzeko, eskuzko akatsak ezabatzeko eta balio handiagoko zereginetarako denbora-tartea errazteko garatutako irtenbidea. “Harekin, aholkularitza batek automatikoki milaka nomina kudeatu ditzake hilean”, adierazi du Martínez Salinasek. Irtenbide horri esker, nominen kalkulua, bidalketa eta sinadura automatizatu daitezke, gizakiaren esku-hartzerik gabe, eta erroreak murriztu eta produktibitatea handitu.
Adimen Artifiziala duen merkatuko lehen operadorea den Altai pAIroll-i esker, Zucchetti Spainek 2024 Berrikuntza Saria jaso berri du, ‘Premios Pasión por el Despacho’ sarietan.
Euskal enpresak sektore guztietako enpresekin egiten du lan, batez ere konpainia industrialekin. “Nazioartean presentzia duten EAEko marka liderrekin egiten dugu lan, eta haientzat garatzen eta ezartzen ditugu proiektuak nazioartean”, nabarmendu du CEOak. Gainera, Zucchetti Spain “Latinoamerikan nazioartekotzeko aukerak” aztertzen ari da, adierazi du.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
